କନକ ବ୍ୟୁରୋ: ବେଆଇନ୍ ପରିବହନକୁ ବିରୋଧ । ଅଣା-ସମଣା ରାସ୍ତାରେ ଦୈନିକ ଶହ ଶହ ଭାରିଯାନ ଚଳାଚଳକୁ ବିରୋଧ କଲେ କେନ୍ଦୁଝର ହାଟଡିହି ବ୍ଲକର ରମ୍ପାସ ଗ୍ରାମବାସୀ । ଅଣାଠାରୁ ବଡ଼ରମ୍ପାସ ପର୍ଯ୍ୟନ୍ତ ରାସ୍ତାକଡ଼ରେ ୧୦ରୁ ଅଧିକ ସ୍କୁଲ ଥିବା ବେଳେ ଶହ ଶହ ଛାତ୍ରୀ ଏହି ରାସ୍ତା ଦେଇ ଯାତାୟତ କରନ୍ତି । ରାସ୍ତାଦେଇ ଅଧିକ ସଂଖ୍ୟାର ଭାରିଯାନ ଚଳାଚଳ କରିବା ଦ୍ୱାରା ଛାତ୍ରଛାତ୍ରୀ ଓ ଅଭିଭାବକମାନେ ଭୟ ଓ ଆଶଙ୍କାରେ ଦିନ କାଟୁଛନ୍ତି । ହାଇୱା ଓ ୧୦ଚିକିଆ ଟ୍ରକରେ ବାଲି ପରିବହନର କୌଣସି ନିୟମ ନଥିବା ବେଳେ କାହିଁକି ଏସବୁ ଗାଡ଼ିରେ ବାଲି ପରିବହନ କରାଯାଉଛି ବୋଲି ଗାଁଲୋକ ପ୍ରଶ୍ନ କରିଛନ୍ତି । ଯାହାକୁ ପ୍ରତିବାଦ କରି ୫୦ରୁ ଅଧିକ ଗ୍ରାମବାସୀ ଅଣା-ସମଣା ରାସ୍ତାର ବଡ଼ରମ୍ପାସ ଠାରେ ବାଲି ବୋଝେଇ ହାଇୱା ଓ ଟ୍ରକକୁ ଅଟକ ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଘଟଣାସ୍ଥଳରେ ଆନନ୍ଦପୁର ଏସଡିପିଓ, ନନ୍ଦିପଦା ଥାନା ଆଇଆଇସି ଲୋକଙ୍କୁ ବୁଝାସୁଝା କରିଥିଲେ ମଧ୍ୟ ଗ୍ରାମବାସୀ ବୁଝିନଥିବା ସୂଚନା ମିଳିଛି ।