ପ୍ରିୟଙ୍କା ଗାନ୍ଧୀ ବସିଥିବା ସ୍କୁଟିରେ ଲାଗିଲା ଫାଇନ । ବିନା ହେଲମେଟରେ ଯିବା ସହ ନିୟମ ଭାଙ୍ଗିଥିବାରୁ ୬୧୦୦ ଟଙ୍କାର ଚାଲାଣ କାଟିଲା ପୋଲିସ
କନକ ବ୍ୟୁରୋ: ନେତାଙ୍କ ଉପରେ ପଡିଲା ଫାଇନ । କଂଗ୍ରେସ ନେତାଙ୍କ ଗାଡି ଉପରେ କଟିଲା ଟ୍ରାଫିକ ଚାଲାଣ । ପ୍ରିୟଙ୍କା ଗାନ୍ଧୀ ବସିଥିବା ସ୍କୁଟି ନାଁରେ ଜରିମାନା କାଟିଲା ଲକ୍ଷ୍ନୌ ପୋଲିସ । ବିନା ହେଲମେଟରେ ପ୍ରିୟଙ୍କା ଗାନ୍ଧୀ ଓ ରାଜସ୍ଥାନର ପୂର୍ବତନ ବିଧାୟକ ଧୀରଜ ଗୁର୍ଜାର ଯାଉଥିବାରୁ ଫାଇନ କଟାଗଲା । ତେବେ ଟ୍ରାଫିକ ନିୟମ ଉଲ୍ଲଙ୍ଘନ କରିଥିବାରୁ ପ୍ରିୟଙ୍କା ଗାନ୍ଧୀ ବସିଥିବା ସ୍କୁଟି ଉପରେ ଆଜି ୬୧୦୦ ଟଙ୍କା ଜରିମାନା କଟାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଖାଲି ହେଲମେଟ ପାଇଁ ନୁହେଁ ବରଂ ଡ୍ରାଇଭିଂ ଲାଇସେନ୍ସ ନଥିବାରୁ ୨୫୦୦, ନିୟମ ଭାଙ୍ଗିଥିବାରୁ ୩୦୦, ନମ୍ବର ପ୍ଲେଟ ଭୁଲ ଥିବାରୁ ୩୦୦ ଏବଂ ବେପରୁଆ ଗାଡି ଚାଳନା ପାଇଁ ୨୫୦୦ ଟଙ୍କାର ଚାଲାଣ କଟାଯାଇଛି ।
Lucknow: The Congress party worker on whose two wheeler Priyanka Gandhi Vadra travelled while going to meet family members of Former IPS officer SR Darapuri yesterday, has been challaned with a penalty of Rs 6100 for not wearing helmets. (File pic) pic.twitter.com/LArpmx31UJ
— ANI UP (@ANINewsUP) December 29, 2019
ତେବେ ଗତକାଲି ଲକ୍ଷ୍ନୌ ପୋଲିସ ପ୍ରିୟଙ୍କା ଗାନ୍ଧୀ ଓ ଧୀରଜ ଗୁର୍ଜାରଙ୍କୁ ରାସ୍ତାରେ ଅଟକାଇଥିଲା ପୋଲିସ । ନିୟମ ଭାଙ୍ଗି ବିନା ହେଲମେଟରେ ଗାଡି ଚଳାଇ ଯାଉଥିବା ବେଳେ ଉଭୟଙ୍କୁ ଅଟକାଇଥିଲେ ପୋଲିସ । ନାଗରିକତା ଆଇନ ବିରୋଧ କରି ଜେଲରେ ଥିବା ପୂର୍ବତନ ଆଇପିଏସ ଅଫିସରଙ୍କ ପରିବାର ଲୋକଙ୍କୁ ଭେଟିବାକୁ ଯିବା ବେଳେ ପ୍ରିୟଙ୍କା ବସିଥିବା ସ୍କୁଟିକୁ ଅଟକାଇ ଚାଲାଣ କଟାଯାଇଥିଲା । ବିନା ହେଲମେଟରେ ଯାଉଥିବା ଦେଖି ପୋଲିସ ଅଟକାଇବା ପରେ ସ୍କୁଟିର ସବୁ କାଗଜ ପତ୍ର ଯାଞ୍ଚ କରି ଆଜି ଚାଲାଣ ପଠାଇଛି ପୋଲିସ ।
ତେବେ ଚାଲାଣ କଟାଯିବା ପରେ ପ୍ରିୟଙ୍କା କହିଛନ୍ତି କି ମୋତେ ଜବରଦସ୍ତି ଅଟକାଯାଇଛି । ଜଣେ ମହିଳା ପୋଲିସ ରାସ୍ତା ଉପରେ ମତେ ଠେଲି ଦେଲେ ଆଉ ମୁଁ ତଳେ ପଡିଗଲି । ତେଣୁ ମୁଁ ନିଷ୍ପତ୍ତି ନେଇଛି କି ଯେଉଁ ଲୋକମାନେ ପୋଲିସ ଅତ୍ୟାଚାରର ଶିକାର ହେଉଛନ୍ତି ତାଙ୍କ ପାଇଁ ପୋଲିସ ବିରୋଧରେ ସତ୍ୟାଗ୍ରହ ଆରମ୍ଭ କରିବି ।