ତୱାଙ୍ଗ ସୀମା ସଂର୍ଘଷକୁ ନେଇ ରାଜନୀତି। ସରକାର ଓ ସେନାଙ୍କୁ ପ୍ରଶ୍ନ କଲେ ରାହୁଲ ଗାନ୍ଧୀ, ବିଜେପିର ଜବାବ ଚୀନକୁ ନିଜର ଭାବନ୍ତି ରାହୁଲ
କନକ ବ୍ୟୁରୋ: ଭାରତ ଓ ଚୀନ ସେନା ମଧ୍ୟରେ ତୱାଙ୍ଗ ସଂଘର୍ଷ ଘଟଣାରେ ଲାଗିଛି ରାଜନୀତିର ବିବାଦୀୟ ରଙ୍ଗ । ଡିସେମ୍ବର ୯ରେ ଯେଉଁ ସୀମା ସଂର୍ଘଷ ଘଟିଥିଲା ତାକୁ ନେଇ କଂଗ୍ରେସ ସାଂସଦ ରାହୁଲ ଗାନ୍ଧୀ ବଡ ବୟାନ ଦେଇଛନ୍ତି । ରାହୁଲ କେବଳ କେନ୍ଦ୍ର ସରକାରଙ୍କ ଉପରେ ନୁହେଁ ବଂର ସେନାର ଆଭିମୁଖ୍ୟ ଉପରେ ମଧ୍ୟ ପ୍ରଶ୍ନ ଉଠାଇଛନ୍ତି । ଭାରତ ଯୋଡ଼ ସାମ୍ବାଦିକ ସମ୍ମିଳନୀରେ ରାହୁଲ ଗୋଟେ ପରେ ଗୋଟେ ଅଭିଯୋଗ ଆଣି ମୋଦୀ ସରକାର ଓ ଭାରତୀୟ ସେନା ଉପରେ ପ୍ରଶ୍ନ ଉଠାଇଥିଲେ । ସେ କହିଥିଲେ ଯେ ଚୀନ ଯୁଦ୍ଧ ପାଇଁ ପ୍ରସ୍ତୁତ ହେଉଛି ଓ ସରକାର ଶୋଇଛନ୍ତି । କଂଗ୍ରେସ ସାଂସଦଙ୍କ ବୟାନକୁ ନେଇ ଆରୋପ ପ୍ରତ୍ୟାରୋପ ଆରମ୍ଭ ହୋଇଛି
Kanak News is now on WhatsApp
Join and get latest news updates delivered to you via WhatsApp
ବିଜେପି ସ୍ପଷ୍ଟ ଶଦ୍ଧରେ କହିଛି ଚୀନ ସହିତ ରାହୁଲଙ୍କ ଘନିଷ୍ଠ ସମ୍ପର୍କ ରହିଛି । ତେଣୁ ଚୀନ କଣ କରିବ ନକରିବ ସେକଥା ପୂର୍ବରୁ ରାହୁଲଙ୍କ ପାଖରେ ସୂଚନା ରହିଛି । ରାହୁଲଙ୍କ ଏଭଳି ବୟାନ କେବଳ ସରକାର ବିରୋଧୀ ନୁହେଁ ବଂର ସେନାର ମନୋବଳକୁ ମଧ୍ୟ ଭାଙ୍ଗୁଛି । ନିଜ ବୟାନ ପାଇଁ ରାହୁଲ ଦେଶ ଓ ସେନାକୁ କ୍ଷମା ମାଗନ୍ତୁ । କଂଗ୍ରେସ ମଧ୍ୟ ଏନେଇ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରୁ । ବିଜେପି ଏକଥା ମଧ୍ୟ କହିଛି ଯେ ଦେଶର ସୁରକ୍ଷାକୁ ନେଇ ରାହୁଲ ଦ୍ୱନ୍ଦାତ୍ମକ, ବିବାଦୀୟ, ଅପମାନଜନିତ ବୟାନ ଦେଇଛନ୍ତି ରାହୁଲ ।
ଡୋକଲାମ, ଗଲୱାନ, ତୱାଙ୍ଗ । ଯେବେ ଡ୍ରାଗନ ଭାରତୀୟ ସୀମା ଅତିକ୍ରମଣ କରିଛି ଭାରତୀୟ ସେନା ଏହାର କଡ଼ା ଜବାବ ଦେଇଛି । ଏଭଳି ଘଟଣାକୁ ନେଇ ପ୍ରତିଥର ପରି ଏଥରକ ମଧ୍ୟ ରାଜନୀତି ହେଉଛି । ଏବେ ଦେଖିବାକୁ ବାକି ରହିଲା ସୀମା ସଂଘର୍ଷକୁ ନେଇ କଂଗ୍ରେସ ଓ ବିଜେପି ମଧ୍ୟରେ ଆରମ୍ଭ ହୋଇଥିବା ବୟାନବାଜି ବିବାଦ ଆଗକୁ କେଉଁ ମୋଡ ନେଉଛି ।