କନକ ବ୍ୟୁରୋ : ମହାପ୍ରଭୁଙ୍କ ନବକଳେବର ବେଳେ ଚିହ୍ନଟ ହୋଇଥିବା ଦାରୁକୁ ନେଇ ଏବେ ଜୋର୍ ଧରିଛି ରାଜନୀତି । ଦାରୁ ଚୟନରେ ଅନିୟମିତତା ନେଇ ଅଭିଯୋଗ ଆଣିଛି ବିଜେପି । ଦଳ କହିଛି, ବ୍ରହ୍ମ ଚୟନରେ ଫିକ୍ସିଂ ହେବା ଦୁର୍ଭାଗ୍ୟଜନକ । କେଉଁ ପରିସ୍ଥିତିରେ ଗୋଟିଏ ସ୍ଥାନରୁ ତିନିଟି ଯାକ ଦାରୁ ଚିହ୍ନଟ ହେଲା ଏବଂ ଏଥିପାଇଁ କିଏ ଫିକ୍ସିଂ କରିଛି ତାର ତଦନ୍ତ ହେବା ଦରକାର ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ କଂଗ୍ରେସ କହିଛି, ଦାରୁ ଚିହ୍ନଟ ଠାରୁ ଆରମ୍ଭ କରି ରଥଯାତ୍ରା ପର୍ଯ୍ୟନ୍ତ ଯେଉଁ ଅବ୍ୟବସ୍ଥା ହୋଇଛି ଓଡିଆ ଜାତି ପ୍ରତି ତାହା ଅସମ୍ମାନ । ଦାରୁ ଫିକ୍ସିଂରେ ସେତେବେଳର ଆଇନ ମନ୍ତ୍ରୀଙ୍କ ହାତ ରହିଛି । ଏଥିସହ ଜଣେ ବର୍ତମାନର ସାଂସଦ ମଧ୍ୟ ଏଥିରେ ସଂପୃକ୍ତ ବୋଲି ଅଭିଯୋଗ ଆଣିଛି କଂଗ୍ରେସ । ସେପଟେ ବିଜେଡି କହିଛି, ଦାରୁ ପ୍ରତିଷ୍ଠା ପାଇ ପୂଜା ପାଉଛନ୍ତି । ଏହି ସମୟରେ ଏପରି ଅଭିଯୋଗ ଭକ୍ତଙ୍କ ଭାବାବେଗ ଉପରେ ଆଘାତ ଦେଇଛି । ଏହାକୁ ନେଇ ରାଜନୀତି ନକରିବାକୁ କହିଛନ୍ତି ଅର୍ଥମନ୍ତ୍ରୀ ଶଶୀଭୂଷଣ ବେହେରା ।