ଫିଲ୍ମ ଷ୍ଟାଇଲରେ ଡକାୟତି: ଗ୍ୟାଙ୍ଗରେ ସାମିଲ ପୁଲିସ ଓ ନେତା । ଆନ୍ଧ୍ରର ଦୁଇ ବ୍ୟକ୍ତିଙ୍କଠାରୁ ଲୁଟିଥିଲେ ଲକ୍ଷାଧିକ ଟଙ୍କା
କନକ ବ୍ୟୁରୋ: ଫିଲ୍ମ ଷ୍ଟାଇଲରେ ହେଉଛି ଡକାୟତି । ଆଉ ଏହି ଡକାୟତି ଗ୍ୟାଙ୍ଗରେ ଅଛନ୍ତିି ପୁଲିସ ଓ ନେତା । ଲକ୍ଷାଧିକ ଟଙ୍କା ଲୁଟ ମାମଲାରେ ପୁଲିସ ଏଭଳି ଏକ ଗ୍ୟାଙ୍ଗ୍କୁ ଠାବ କରିବାରେ ସଫଳ ହୋଇଛି । କୋରାପୁଟ ଲମତାପୁଟ ଅଞ୍ଚଳରୁ ଆସିଛି ଏଭଳି ଖବର ।
Kanak News is now on WhatsApp
Join and get latest news updates delivered to you via WhatsApp
ଆନ୍ଧ୍ରର ଦୁଇ ବ୍ୟକ୍ତିଙ୍କଠାରୁ ୧ ଲକ୍ଷ ୧୫ ହଜାର ଟଙ୍କା ଲୁଟ କରିଥିଲେ ଅଭିଯୁକ୍ତମାନେ । ଗୁୁରୁବାର ଆନ୍ଧ୍ରପ୍ରଦେଶର ଆଣ୍ଟିପାଖ ଗାଁର ଦୁଇ ବ୍ୟକ୍ତି କାମେଡି ଚିଟିବାବୁ ଏବଂ ବିଶୋଇ ଭୀମଧର ପାୱାର ଟିଲର କିଣିବାକୁ ଜୟପୁର ଆସିଥିଲେ । ପ୍ରବଳ ଖରାଯୋଗୁ ରାସ୍ତାରେ ବିଶ୍ରାମ ନେଉଥିଲେ । ଏହି ସମୟରେ ୫ ଅଭିଯୁକ୍ତ ଏକ କାରରେ ଆସି ସେମାନଙ୍କୁ ମାରପିଟ୍ କରି ଟଙ୍କା ନେଇ ଫେରାର ହୋଇଯାଇଥିଲେ । ଦୁର୍ବୁତ୍ତଙ୍କୁ ଅଟକାଇବାକୁ ଚେଷ୍ଟା କରିବାରୁ ସୋମାନେ ଗାଡି ଚଢାଇ ହତ୍ୟା କରିବାକୁ ଉଦ୍ୟମ କରିଥିଲେ । ତେବେ ଏନେଇ ପାଡୁଆ ଥାନାରେ ଅଭିଯୋଗ ପରେ ପୁଲିସ ଅଭିଯୁକ୍ତମାନଙ୍କୁ ଗିରଫ କରିଛି । ଅଭିଯୁକ୍ତମାନେ ହେଲେ ଗ୍ୟାଙ୍ଗର ମାଷ୍ଟରମାଇଣ୍ଡ ପୂର୍ବତନ ସମିତି ସଭ୍ୟ ଅନ୍ତର୍ଯ୍ୟାମୀ ଗୁଣ୍ଡା, ପାଡୁଆ ଥାନାରେ କାର୍ଯ୍ୟରତ ଦୁଇ ଗୃହରକ୍ଷୀ ଡମ୍ବରୁଧର ମାଝି, ଅର୍ଜୁନ ପାଙ୍ଗୀ ଏବଂ ଗ୍ରାମରକ୍ଷୀ ନୀଳକଣ୍ଠ ପାଙ୍ଗୀ ।