ଅନାସ୍ଥା ପ୍ରସ୍ତାବରେ ମୋଦୀଙ୍କ ବିବୃତ୍ତି । କହିଲେ, ବିରୋଧୀଙ୍କ ଅନାସ୍ଥା ପ୍ରସ୍ତାବ ଆମ ପାଇଁ ଶୁଭ । ଦେଶର ଜନସାଧାରଣ ଆମ ପ୍ରତି ବିଶ୍ୱାସ ଦେଖାଇଛନ୍ତି ।
କନକ ବ୍ୟୁରୋ: ଅନାସ୍ଥା ପ୍ରସ୍ତାବରେ ଲୋକସଭାରେ ବିବୃତ୍ତି ରଖିଛନ୍ତି ପ୍ରଧାନମନ୍ତ୍ରୀ ମୋଦୀ । ପ୍ରଧାନମନ୍ତ୍ରୀ କହିଛନ୍ତି, ଦେଶର ଜନସାଧାରଣ ବାରମ୍ବାର ଆମ ପ୍ରତି ବିଶ୍ୱାସ ଦେଖାଇଛନ୍ତି । ଏଥିପାଇଁ ଦେଶର ଜନତାଙ୍କ ପ୍ରତି ମୁଁ କୃତଜ୍ଞ । ତେବେ ଭଗବାନ ବେଶ ଦୟାଳୁ ଅଟନ୍ତି । ସେ କାହା ମାଧ୍ୟମରେ ବି ନିଜର ଇଚ୍ଛାକୁ ପୂର୍ଣ୍ଣ କରିଥାନ୍ତି । ତେଣୁ ଭଗବାନ ବିରୋଧୀଙ୍କୁ ସଦବୁଦ୍ଧି ଦେଇଥିବାରୁ, ସେମାନେ ଆମ ପାଇଁ ଏହି ଅନାସ୍ଥା ପ୍ରସ୍ତାବ ଆଣିଛନ୍ତି ବୋଲି ମୋଦୀ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏଥିସହିତ ମୋଦୀ ଆହୁରି ମଧ୍ୟ କହିଛନ୍ତି, “ ୨୦୧୮ରେ ମଧ୍ୟ ବିରୋଧୀ ଏପରି ପ୍ରସ୍ତାବ ଆଣିଥିଲେ । ସେତେବେଳେ ବି ମୁଁ କହିଥିଲି, ଅବିଶ୍ୱାସ ପ୍ରସ୍ତାବ ଆମ ସରକାରର ଫ୍ଲୋର ଟେଷ୍ଟ ନୁହେଁ ବରଂ ଏହା ସେମାନଙ୍କ ପାଇଁ ଫ୍ଲୋର ଟେଷ୍ଟ । ୨୦୧୮ ମସିହାରେ ଯେତେବେଳେ ଯେତେବେଳେ ମତଦାନ ହେଇଥିଲା , ସେତେବେଳେ ବିରୋଧୀଙ୍କ ପାଖରେ ଯେତିକି ଭୋଟ୍ ଥିଲା, ସେତିକି ବି ସେମାନେ ଜମା କରିପାରିନଥିଲେ । କେବଳ ସେତିକି ନୁହେଁ ଯେତେବେଳେ ଆମେ ଜନତାଙ୍କ ପାଖକୁ ଯାଇଥିଲୁ । ସେତେବେଳେ ଲୋକମାନେ ବି ପୂରା ବିଶ୍ୱାସର ସହ ବିରୋଧୀଙ୍କ ପ୍ରତି ଅନାସ୍ଥା ଦେଖାଇଥିଲେ । ଆଉ ନିର୍ବାଚନରେ ବିଜେପି ଏବଂ ଏନଡିଏକୁ ଅଧିକ ସିଟ୍ ମିଳିଥିଲା । ବିରୋଧୀଙ୍କ ଅବିଶ୍ୱାସ ପ୍ରସ୍ତାବ ଆମ ପାଇଁ ଶୁଭଙ୍କର ଅଟେ ।”
#WATCH | “In a way, Opposition’s No Confidence has always been lucky for us. Today, I can see that you (Opposition) have decided that NDA and BJP will come back in 2024 elections with a grand victory, breaking all previous records, with the blessings of the people,” says PM Modi… pic.twitter.com/QG0efZptuw
— ANI (@ANI) August 10, 2023
ତେବେ ୨୦୨୪ ସାଧାରଣ ନିର୍ବାଚନ ନେଇ ଲୋକସଭାରେ ଆଜି ବଡ ଭବିଷ୍ୟବାଣୀ କରିଛନ୍ତି ପ୍ରଧାନମନ୍ତ୍ରୀ ମୋଦୀ । ଆଗାମୀ ସାଧାରଣ ନିର୍ବାଚନରେ ଏନଡିଏ ଏବଂ ବିଜେପି ସବୁ ପୁରୁଣା ରେକର୍ଡ ଭାଙ୍ଗି, ପୁଣି ସରକାର ଗଢିବ ବୋଲି ମୋଦୀ କହିଛନ୍ତି । ତେବେ ବିରୋଧୀ ଦଳଙ୍କ ଆଚରଣ ପ୍ରମାଣ କରିଦେଇଛି ଯେ, ସେମାନଙ୍କ ପାଇଁ ଦେଶ ନୁହେଁ ଦଳ ବଡ । ଏହାସହ ତାଙ୍କ ପାଖରେ ଗରିବୀର ଭୋକ ନାହିଁ, ବରଂ ସତ୍ତାର ଭୋକ ରହିଛି ବୋଲି ମୋଦୀ କହିଛନ୍ତି ।