ଅଳିଆ ଗାଡିରୁ ମିଳିଲା ପ୍ରଧାନମନ୍ତ୍ରୀ ମୋଦୀ, ଯୋଗୀ ଆଦିତ୍ୟନାଥଙ୍କ ଫଟୋ । ଚାଲିଗଲା ଗରୀବ ସଫେଇ କର୍ମଚାରୀଙ୍କ ଚାକିରି ।
କନକ ବ୍ୟୁରୋ: ଜଣେ ଭୁଲ କଲା ଆଉ ଜଣେ ଦଣ୍ଡ ପାଇଲା । ଏଭଳି ଘଟଣା ଦେଖିବାକୁ ମିଳିଛି । ମଥୁରା-ବୃନ୍ଦାବନ ନଗର ନିଗମ ଇଲାକାରେ । ଅଳିଆ ଗୋଟାଇ ନେଉଥିବା ଠେଲାଗାଡିରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଫଟୋ ମିଳିବା ପରେ ସଫେଇ କର୍ମଚାରୀଙ୍କୁ ଚାକିରିରୁ ବହଷ୍କାର କରିଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସଫେଇ କର୍ମଚାରୀଙ୍କ କହିବା ମୁତାବକ, ତାଙ୍କ ଅଳିଆ ଗାଡିକୁ ଏହି ଦୁଇ ନେତାଙ୍କ ଫଟୋ କେମିତି ଆସିଲା ତାଙ୍କୁ କିଛି ଜଣାନାହିଁ । କିନ୍ତୁ ସେ ଅଳିଆ ନେଇ ଯାଉଥିବାବେଳେ ସୁଭାଷ ଇଣ୍ଟର କଲେଜ ନିକଟରେ ଜଣେ ବ୍ୟକ୍ତି ତାଙ୍କୁ ଅଟକାଇଥିଲେ ଓ ତାଙ୍କ ଅଳିଆ ଗାଡିରୁ ଏହି ଦୁଇଜଣଙ୍କ ଫଟୋକୁ ବାହାର କରି ନେଇ ପାଖରେ ଥିବା ଟ୍ୟାପରେ ଧୋଇଥିଲେ । ଏହାର ଭିଡିଓ ଭାଇରାଲ ହେବା ପରେ ନଗର ନିଗମ ଅଧିକାରୀଙ୍କ ମୁଣ୍ଡରେ ଚଡକ ପଡିଥିଲା । ଅଧିକାରୀ ଖସିଯାଇଥିଲେ ହେଲେ ବଳି ପଡିଯାଇଥିଲେ ସଫେଇ କର୍ମଚାରୀ ।
ତାଙ୍କର କିଛି ଦୋଷ ନାହିଁ । ଚାକିରୀ ଛଡେଇ ନେଇ ଜଣେ ଗରୀବର ପେଟକୁ ଲାତ ମାରିଛନ୍ତି ଅଧିକାରୀ, ତାଙ୍କ ପିଲାମାନଙ୍କ ପାଟିରୁ ଦାନା ଛଡେଇ ନେଇଥିବା ସଫେଇ କର୍ମଚାରୀ ଜଣକ ଅଭିଯୋଗ କରିବା ସହ ନ୍ୟାୟ ପାଇଁ ଗୁହାରୀ କରିଛନ୍ତି । ଏହି ଘଟଣାକୁ ନେଇ ବିରୋଧୀ ଦଳ ନଗର ନିଗମ କର୍ତ୍ତୃପକ୍ଷଙ୍କୁ କଡା ନିନ୍ଦା କରିବା ସହ ଯଥାଶୀଘ୍ର ଘଟଣାର ବିଚାର କରି ସଫେଇ କର୍ମଚାରୀଙ୍କୁ ତାଙ୍କ ଚାକିରୀ ଫେରାଇ ଦେବାକୁ ଦାବି କରିଛନ୍ତି ।