ପାକିସ୍ତାନର ନିମନ୍ତ୍ରଣକୁ ପ୍ରତ୍ୟାଖ୍ୟାନ କରିପାରନ୍ତି ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ । କର୍ତାରପୁର କରିଡର ଉଦଘାଟନକୁ ନିମନ୍ତ୍ରଣ କରିଥିଲେ ପାକ୍ ବୈଦେଶିକ ମନ୍ତ୍ରୀ
କନକ ବ୍ୟୁରୋ : ମନା କରିବେ ମନମୋହନ । ପାକିସ୍ତାନର ନିମନ୍ତ୍ରଣକୁ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ପ୍ରତ୍ୟାଖ୍ୟାନ କରିବେ ବୋଲି ସୂଚନା ମିଳିଛି । କର୍ତାରପୁର କରିଡରର ଉଦଘାଟନରେ ଯୋଗଦେବା ପାଇଁ ମନମୋହନଙ୍କୁ ନିମନ୍ତ୍ରଣ କରିବାକୁ ପାକ୍ ବୈଦେଶିକ ମନ୍ତ୍ରୀ ସୂଚନା ଦେଇଥିଲେ । କିନ୍ତୁ ଏହି ଉଦଘାଟନ କାର୍ଯ୍ୟକ୍ରମକୁ ପ୍ରଧାନମନ୍ତ୍ରୀ ମୋଦିଙ୍କୁ ନିମନ୍ତ୍ରଣ କରି ନାହିଁ ପାକିସ୍ତାନ । ନ୍ୟୁଜ ଏଜେନ୍ସି ଏଏନ୍ଆଇ ସୂତ୍ରରୁ ମିଳିଥିବା ଖବର ଅନୁସାରେ ଏହି ନିମନ୍ତ୍ରଣ ସ୍ୱୀକାର କରିବେ ନାହିଁ ମନମୋହନ ସିଂହ ।
Kanak News is now on WhatsApp
Join and get latest news updates delivered to you via WhatsApp
ଅପରପକ୍ଷରେ ମନମୋହନ ସିଂହଙ୍କ କାର୍ଯ୍ୟାଳୟରୁ ମିଳିଥିବା ସୂଚନା ଅନୁସାରେ ଏପର୍ଯ୍ୟନ୍ତ ପାକିସ୍ତାନ ପକ୍ଷରୁ କୌଣସି ଔପଚାରିକ ନିମନ୍ତ୍ରଣ ମିଳିନାହିଁ । କରତାରପୁର କରିଡର ଉଦଘାଟନ କାର୍ଯ୍ୟକ୍ରମରେ ଯୋଗଦେବା ପାଇଁ କୌଣସି ନିମନ୍ତ୍ରଣ ମିଳିନଥିବା ବେଳେ ଏନେଇ କୌଣସି ମୌଖିକ ଆଲୋଚନା ମଧ୍ୟ ହୋଇନଥିବା ମନମୋହନ ସିଂହଙ୍କ କାର୍ଯ୍ୟାଳୟ ପକ୍ଷରୁ କୁହାଯାଇଛି । ତେବେ ଏପରି କୌଣସି ନିମନ୍ତ୍ରଣ ମିଳିଲେ ବିଦେଶ ମନ୍ତ୍ରାଳୟକୁ ଏନେଇ ସୂଚନା ଦିଆଯିବ ଏବଂ ସେଠାରୁ ଅନୁମତି ମିଳିଲା ପରେ ପରବର୍ତୀ ପଦକ୍ଷେପ ନିଆଯିବ ।