ଜେଇ ସିଭିଲ ପରୀକ୍ଷା ବାତିଲ : ବଢିଲା ଚାକିରି ଆଶାୟୀଙ୍କ ଚିନ୍ତା; ଏତେ ବଡ ପରୀକ୍ଷାରେ କେମିତି ଲିକ ହେଲା ପ୍ରଶ୍ନପତ୍ର ?
କନକ ବ୍ୟୁରୋ : ବାତିଲ ହୋଇଛି ଜେଇ ସିଭିଲ ପରୀକ୍ଷା । ପ୍ରଶ୍ନପତ୍ର ଲିକ୍ ହୋଇଥିବା ନେଇ ସ୍ପଷ୍ଟ ହେବା ପରେ ଓଡିଶା ଷ୍ଟାଫ ସିଲେକ୍ସନ କମିଶନ ଦ୍ୱାରା ଆୟୋଜିତ ହୋଇଥିବା ଜେଇ ସିଭିଲ୍ ପରୀକ୍ଷା ବାତିଲ ହୋଇଛି । ଏବେ ନୂଆ ତାରିଖରେ ପରୀକ୍ଷା ହେବ । କିନ୍ତୁ ଏହାକୁ ନେଇ ଚିନ୍ତାରେ ଚାକିରି ଆଶାୟୀ । କାରଣ ସେମାନେ ଏବେ ପରୀକ୍ଷାର ସ୍ୱଚ୍ଛତାକୁ ନେଇ ସନ୍ଦେହ ପ୍ରକାଶ କରିଛନ୍ତି । ପୂର୍ବରୁ ମଧ୍ୟ ଏହି ପରୀକ୍ଷା ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଯଦିଓ ସେ ସମୟରେ ଅନିୟମିତତାକୁ ନେଇ କୌଣସ ଅଭିଯୋଗ ଆସିନି କିନ୍ତୁ ଏବେ ପରୀକ୍ଷା ପ୍ରଶ୍ନ ପତ୍ର ଲିକ୍ ହୋଇଥିବା ଜଣାପଡିବାରୁ ସନ୍ଦେହ ପ୍ରକାଶ କରିଛନ୍ତି ଆଶାୟୀ । ଏହି ପ୍ରଶ୍ନ ପତ୍ର ଲିକ୍ ଘଟଣାରେ ଜଣେ ମହିଳାଙ୍କ ସମେତ ୯ ଜଣ ଗିରଫ ହୋଇଛନ୍ତି । ଅଭିଯୁକ୍ତମାନେ ଓଡିଶା ବିହାର ଓ ଆନ୍ଧ୍ରପ୍ରଦେଶର ବୋଲି କହିଛନ୍ତି ବାଲେଶ୍ୱର ଏସପି ସାଗରିକା ନାଥ ।
ଏତେ ବଡ ପରୀକ୍ଷାରେ ପ୍ରଶ୍ନପତ୍ର ଲିକ୍ ହେବା ଘଟଣା ଓଡିଶାରେ ବୋଧହୁଏ ବିରଳ । ପୂର୍ବରୁ ବିହାର, ଉତ୍ତର ପ୍ରଦେଶ ଓ ମଧ୍ୟପ୍ରଦେଶରେ ବ୍ୟାପମ ଭଳି ପରୀକ୍ଷାରେ ପ୍ରଶ୍ନପତ୍ର ଲିକ୍ ହୋଇଥିଲା । କିନ୍ତୁ ଓଡିଶାରେ ଏତେ ବଡ ପରୀକ୍ଷାରେ ପ୍ରଶ୍ନପତ୍ର ଲିକ୍ ଯୋଗୁଁ ପରୀକ୍ଷା ବାତିଲ ହେବା ଖୁବ ବିରଳ ।