ପୁଣି ଥରେ ଆପତିଜନକ ବୟାନ ଦେଇ ବିବାଦରେ ଉଦୟନିିଧି ଷ୍ଟାଲିନ: କହିଲେ ବିଜେପି ହେଉଛି ବିଷଧର ସାପ, ଏଆଇଏଡିଏମକେ ଅଳିଆ ଗଦା
କନକ ବ୍ୟୁରୋ: ସନାତନ ଧର୍ମ ବିରୋଧୀ ବୟାନ ସମାଲୋଚନା ଘେରରେ ଥିବା ତାମିଲନାଡୁ ମନ୍ତ୍ରୀ ଉଦୟନିଧି ଷ୍ଟାଲିନ ପୁଣି ଥରେ ଖବରରେ । ଏଥକ ମନ୍ତ୍ରୀ ସିଧାସଳଖ ବିଜେପି ଓ ଏଆଇଏଡିଏମକେକୁ ଟାର୍ଗେଟ କରି ବିବାଦୀୟ ବୟାନ ଦେଇଛନ୍ତି । ବିଜେପିକୁ ବିଷଧର ସାପ ଓ ଏଆଇଏଡିଏମକେକୁ ଅଳିଆ ଗଦା ସହ ତୁଳନା କରିଛନ୍ତି ଷ୍ଟାଲିନ । ସେପଟେ ଜବାବ ରଖି ବିଜେପି କହିଛି ଡିଏମକେ ନେତା ନୀଚ୍ଚ ରାଜନୀତି କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କିଛି ଦିନ ପୂର୍ବରୁ ସନାତନ ଧର୍ମକୁ ନେଇ ବିବାଦୀୟ ଟିପ୍ପଣୀ ଦେଇ ସମାଲୋଚନା ଘେରରେ ଥିବା ତାମିଲନାଡୁ ମନ୍ତ୍ରୀ ଉଦୟନିଧି ଷ୍ଟାଲିନ ପୁଣି ଥରେ ଚର୍ଚ୍ଚାରେ । ଏଥରକ କୌଣସି ଧର୍ମ କି ବ୍ୟକ୍ତିଙ୍କୁ ସେ ଟାର୍ଗେଟ କରିନାହାଁନ୍ତି ବଂର ସିଧାସଳଖ ବିଜେପିକୁ ବିଷଧର ସାପ ବୋଲି କହିଛନ୍ତି । ରବିବାର ଏକ କାର୍ଯ୍ୟକ୍ରମରେ ଉଦୟନିଧି ଉଭୟ ବିଜେପି ଓ ପ୍ରତିନ୍ଦ୍ୱନ୍ଦୀ ଆଂଚଳିକ ଦଳ ଏଆଇଏଡିଏମକେକୁ ଟାର୍ଗେଟ କରିଥିଲେ । ଷ୍ଟାଲିନ କହିଛନ୍ତି ଯଦି କୌଣସି ବିଷଧର ସାପ ଆପଣଙ୍କ ଘରେ ପଶିଯାଏ, ଏହାକୁ ଘଉଡାଇ ଦେବା ଠିକ ହେବନି । କାରଣ ଘରର ଅଳିଆରେ ହୁଏତ ସାପ ଲୁଚି ରହିପାରେ । ଯେଉଁ ପର୍ଯ୍ୟନ୍ତ ଅଳିଆକୁ ସଫା ନକରିବେ ସେପର୍ଯ୍ୟନ୍ତ ସାପ ରହିବା ଓ ଫେରିବା ଆଶଙ୍କା ରହିଥାଏ । ଯଦି ଏହି ଘଟଣାକୁ ତାମିଲନାଡୁ ରାଜନୀତିର ବର୍ତମାନ ସ୍ଥିତି ସହ ତୁଳନା କରିବା ତେବେ ବିଷଧର ସାପ ‘ବିଜେପି’ ଓ ଅଳିଆଗଦା ‘ଏଆଇଏଡିଏମକେ’କୁ ସଫା କରିବା ଜରୁରୀ । ବିଜେପି ଭଳି ବିଷଧର ସାପଠୁ ମୁକ୍ତି ଚାହୁଁଥିଲେ ଏଆଇଏଡିଏମକେ ପରି ଅଳିଆକୁ ତାମିଲନାଡୁର ସଫା କରିବାକୁ ପଡିବ ।
ନିକଟରେ ତାମିଲନାଡୁ ଅନ୍ୟତମ ହେଭିୱେଟ ଡିଏମକେ ନେତା ଏ ରାଜା ପ୍ରଧାନମନ୍ତ୍ରୀ ମୋଦୀଙ୍କୁ ସାପ ସହ ତୁଳନା କରି ବିବାଦକୁ ଆସିଥିଲେ । ଆଉ ଏବେ ଉଦୟନିଧି ଷ୍ଟାଲିନଙ୍କ ବୟାନକୁ ନେଇ ଯେତିକି ଚର୍ଚ୍ଚା ଆରମ୍ଭ ହୋଇଛି ସେତିକି ବିବାଦ ମଧ୍ୟ ଆରମ୍ଭ ହୋଇଛି । ବିଜେପି କହିଛି ଡିଏମକେ ରାଜନେତାଙ୍କ ଏହା ହେଉଛି ନିଚ୍ଚ ରାଜନୀତି ।
ବିଜେପିକୁ କେବଳ ବିଷଧର ସାପ କହିନାହାଁନ୍ତି ଉଦୟନିଧ ଷ୍ଟାଲିନ ବଂର ସନାତନ ଧର୍ମକୁ ନେଇ ବିଜେପି ଯେଉଁ ଟାର୍ଗେଟ କରି ଆସୁଛି ଏହାର ପାଲଟା ଜବାବ ମଧ୍ୟ ସେ ଦେଇଛନ୍ତି । ନିଜ ଟୁଇଟର ପେଜରରେ ଏକ ମଶା ମାରିବା ପାଇଁ ବ୍ୟହାର କରାଯାଉଥିବା ଅଗରବତୀ ଫଟୋ ପୋଷ୍ଟ କରିଛନ୍ତି ଷ୍ଟାଲିନ । ନିକଟରେ ଷ୍ଟାଲିନ କହିଥିଲେ ସନାତନ ଧର୍ମ ହେଉଛି ଡେଙ୍ଗୁ ଓ ମ୍ୟାଲେରିଆ ସଦୃଶ । ଏହାର ମୂଳଉତ୍ପାଟନ କରିବା ଜରୁରୀ । ଯାହାକୁ ଧର୍ମଗୁରୁ, ହିନ୍ଦୁ ସଂଗଠନ ଓ ବିଜେପି ପ୍ରବଳ ବିରୋଧ କରିଥିଲା ।