କନକ ବ୍ୟୁରୋ : ଯଦି ଆପଣ କିମ୍ବା ଆପଣଙ୍କ ପରିବାରର କେହି ସରକାରୀ କର୍ମଚାରୀ ଥାନ୍ତି ତେବେ ଏହି ଖବର ଆପଣମାନଙ୍କ ପାଇଁ ବେଶ୍ ଗୁରୁତ୍ୱପୂର୍ଣ୍ଣ । କେନ୍ଦ୍ରୀୟ କାର୍ମିକ ମନ୍ତ୍ରଣାଳୟ ତରଫରୁ ୨୦୦୩ ଡିସେମ୍ବର ୨୨ ତାରିଖ ସୁଦ୍ଧା ବହାରିଥିବା ନିଯୁକ୍ତି ବିଜ୍ଞାପନ ମୁତାବକ ଯେଉଁମାନେ ନିଯୁକ୍ତି ପାଇଛନ୍ତି ସେମାନଙ୍କୁ ପୁରୁଣା ପେନସନ୍ ଯୋଜନାରେ ସାମିଲ କରାଯିବ । ଏଥିରେ ଆଇଏଏସ ଅଧିକାରୀ ଓ ଅନ୍ୟ କର୍ମଚାରୀଙ୍କୁ ସାମିଲ କରାଯିବ । ଏନେଇ ୨୦୨୩ ଅଗଷ୍ଟ ୩୧ ତାରିଖ ସୁଦ୍ଧା କର୍ମଚାରୀମାନଙ୍କୁ ଆବେଦନ କରିବାକୁ ପଡିବ । ଏନେଇ କାର୍ମିକ ମନ୍ତ୍ରଣାଳୟରେ ଉପ ସଚିବ ସଂଜୀବ ନାରାୟଣ ସମସ୍ତ ରାଜ୍ୟକୁ ଚିଠି ପଠାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆପଣଙ୍କୁ କହିରଖୁ କି, ଦେଶରେ ସରକାରୀ କର୍ମଚାରୀଙ୍କ ପାଇଁ ୨୦୦୪ ଜାନୁଆରୀ ମାସରୁ ପୁରୁଣା ପେନସନ ସମାପ୍ତ କରାଯାଇ ନୂଆ ପେନସନ୍ ଯୋଜନା ଲାଗୁ କରାଯାଇଛି । ଏହାକୁ ଏନପିଏସ ବା ନ୍ୟୁ ପେନସନ୍ ସିଷ୍ଟମ ବୋଲି କୁହାଯାଉଛି । ଏହି କ୍ରମରେ ସରକାରୀ କର୍ମଚାରୀମାନେ ସେମାନଙ୍କ ଦରମାର ୧୦ ପ୍ରତିଶତ ପେନସନ ପାଇଁ କାଟୁଛନ୍ତି । ପୁରୁଣା ପେନସନ୍ ଯୋଜନାରେ ଜିପିଏଫର ସୁବିଧା ଥିବା ବେଳେ ନୂଆ ପେନସନ ଯୋଜନାରେ ଏହା ଉପଲବ୍ଧ ନାହିଁ । ସେପଟେ କିଛି ରାଜ୍ୟ ସରକାର ଏବେ ସେମାନଙ୍କ କର୍ମଚାରୀଙ୍କ ପାଇଁ ପୁରୁଣା ପେନସନ ଯୋଜନା ପୁଣିଥରେ ଲାଗୁ କରିଛନ୍ତି ।
ପୁରୁଣା ପେନସନ୍ ଯୋଜନାକୁ ନେଇ କାର୍ମିକ ମନ୍ତ୍ରଣାଳୟ ତରଫରୁ ଜାରି କରାଯାଇଥିବା ଚିଠିରେ ସ୍ପଷ୍ଟ ଉଲ୍ଲେଖ ରହିଛି କି କେନ୍ଦ୍ରୀୟ ସଶସ୍ତ୍ର ବଳର କର୍ମଚାରୀଙ୍କୁ ପୁରୁଣା ପେନସନ ଯୋଜନାରେ ସାମିଲ କରାଯିବ ନାହିଁ ।