କଂଗ୍ରେସ ମୁଖପାତ୍ରଙ୍କ ପାଇଁ ନୂଆ ଗାଇଡ଼ ଲାଇନ୍!
ବିତର୍କରେ ଭାଗ ନେବା ପୂର୍ବରୁ ମିଡ଼ିଆ ସେଲ୍ ମୁଖ୍ୟଙ୍କ ସହ କରିବେ ଆଲୋଚନା ।
କନକ ବ୍ୟୁରୋ: ରାଜ୍ୟରେ ପ୍ରଦେଶ କଂଗ୍ରେସକୁ ସୁଦୃଢ଼ କରିବା ପାଇଁ ନାନା ପ୍ରକାର ପ୍ରୟାସ କରୁଛନ୍ତି ପିିସିସି । ଏସବୁ ମଧ୍ୟରେ ଏକ ନୂଆ ଘଟଣା କଂଗ୍ରେସ ଶିବରରୁ ଜଣାପଡ଼ିଛି । ଏବେ ଗଣମାଧ୍ୟମ ସମ୍ମୁଖରେ ବିବୃତି କିମ୍ବା ଟେଲିଭିଜନ ଚ୍ୟାନେଲରେ କୌଣସି ବିତର୍କରେ ଭାଗ ନେବାକୁ ହେଲେ ମୁଖପାତ୍ରମାନଙ୍କୁ ଗଣମାଧ୍ୟମ ବିଭାଗର ଅଧ୍ୟକ୍ଷଙ୍କଠାରୁ ଅନୁମତି ବା ମାର୍ଗଦର୍ଶନ କରିବାକୁ ପଡ଼ିବ ।
Kanak News is now on WhatsApp
Join and get latest news updates delivered to you via WhatsApp
ଗତ କିଛିଦିନ ତଳେ କଂଗ୍ରେସର ମୁଖପାତ୍ର ବା ମିଡ଼ିଆଟିମ୍ ନେଇ ନବ କଳେବର କରିଥିଲେ ପିସିସି ସଭାପତି ନିରଞ୍ଜନ ପଟ୍ଟନାୟକ । ଏହାପରେ କେନ୍ଦ୍ର ଓ ରାଜ୍ୟ ସରକାରଙ୍କ ବିଭିନ୍ନ ପ୍ରସଙ୍ଗକୁ କାଉଣ୍ଟର କରିବାକୁ ଅଣ୍ଟା ଭିଡ଼ିଥିଲେ ସଭିଏଁ । କିନ୍ତୁ କଂଗ୍ରେସର ମୁଖପାତ୍ରଙ୍କ ମଧ୍ୟରୁ କିଛି ମୁଖପାତ୍ରମାନେ ତଥ୍ୟ ଭିତିକ ଉପସ୍ଥାପନା କରି ପାରୁନଥିବା ଶୁଣିବାକୁ ମିଳିଛି । ତେଣୁ ଗଣମାଧ୍ୟ ବିଭାଗର ଅଧ୍ୟକ୍ଷ ତଥା ବରିଷ୍ଠ ସାମ୍ବାଦିକ ସତ୍ୟପ୍ରକାଶ ନାୟକ ଏନେଇ ଖପ୍ପା ଥିବା ସୂଚନା ମିଳିଛି । ତେଣୁ ବର୍ତ୍ତମାନ ଏଭଳି କିଛି ଗାଇଡ଼ ଲାଇନ୍ ପ୍ରସ୍ତୁତ କରୁଛି ପ୍ରଦେଶ କଂଗ୍ରେସ ।
ଏବେ ଯେଉଁ ମୁଖପାତ୍ରମାନେ ଗଣମାଧ୍ୟମରେ ହେଉଥିବା ବିଭିନ୍ନ ବିତର୍କରେ ଭାଗ ନେବେ ସେ ବିଷୟ ବା ପ୍ରସଙ୍ଗରେ ଅଭିଜ୍ଞଥିବା ମୁଖପାତ୍ରମାନଙ୍କୁ ହିଁ ବିତର୍କରେ ଭାଗନେବାକୁ ଅନୁମତି ମିଳିବ । ଏବଂ ଶାସକ ବିଜେଡ଼ି ଓ ବିରୋଧୀ ବିଜେପିକୁ କାଉଣ୍ଟର କରିବା ପାଇଁ ଦଳର ଗଣମାଧ୍ୟମ ବିଭାଗର ଅଧ୍ୟକ୍ଷ ସତ୍ୟପ୍ରକାଶଙ୍କ ଠାରୁ ଟ୍ରେନିଂ ନେଇ ବିତର୍କକୁ ଓହ୍ଲାଇବେ କଂଗ୍ରେସର ମୁଖପାତ୍ର । ଏବଂ ବର୍ତ୍ତମାନର ପ୍ରସଙ୍ଗ ଉପରେ ଯାହାର ଜ୍ଞାନ ବା ରାଜ୍ୟ ଓ କେନ୍ଦ୍ରକୁ କାଉଣ୍ଟର କରିବାର ଦକ୍ଷତାଥିବ ସେମାନେ ବିତର୍କରେ ଭାଗନେବେ ବୋଲି ଜଣାପଡ଼ିଛି ।