୨୦୨୪ ସାଧାରଣ ନିର୍ବାଚନ ପ୍ରସ୍ତୁତି : ୧୮ରେ ଦିଲ୍ଲୀରେ ବିଜେପି ନେତୃତ୍ୱାଧୀନ ଏନଡିଏର ବୈଠକ; ବିହାରରୁ ୩ ଦଳର ନେତା ସାମିଲ ହେବା ସମ୍ଭାବନା
କନକ ବ୍ୟୁରୋ : ୨୦୨୪ ସାଧାରଣ ନିର୍ବାଚନ ପାଇଁ ଆରମ୍ଭ ହେଲା ବିଜେପି ନେତୃତ୍ୱାଧୀନ ଏନଡିଏର ପ୍ରସ୍ତୁତି । ୧୮ ତାରିଖରେ ଦିଲ୍ଲୀରେ ଏହି ବୈଠକ ବସିବ । ବିରୋଧୀ ଏକାଠି ହୋଇ ପାଟନା ପରେ ଏବେ ବେଙ୍ଗାଲୁରୁରେ ବୈଠକ କରିବାକୁ ଯାଉଛନ୍ତି । ଆଉ ଏହାରି ଭିତରେ ଏନଡିଏ ମଧ୍ୟ ବୈଠକ ପାଇଁ ପ୍ରସ୍ତୁତି ଆରମ୍ଭ କରିଛି ।
Kanak News is now on WhatsApp
Join and get latest news updates delivered to you via WhatsApp
ଯେଉଁମାନେ ୨୦୧୪ ପରେ ବିଭିନ୍ନ କାରଣ ପାଇଁ ଏନଡିଏରୁ ଓହରିଯାଇଥିଲେ ସେହି ସବୁ ଦଳକୁୁ ଏନଡିଏକୁ ଫେରାଇ ଆଣିବାକୁ ପ୍ରୟାସ ଆରମ୍ଭ କରିଛି ବିଜେପି । ଏହି କ୍ରମରେ ବିହାରରେ ଚିରାଗ ପାଶୱାନଙ୍କ ସମେତ ତିନି ଦଳ ଏହି ବୈଠକରେ ଯୋଗଦେବା ନେଇ ସମ୍ଭାବନା ରହିଛି । ସେହିପରି ଏନସିପି, ଅକାଳୀ ଦଳ, ଟିଡିପି ମଧ୍ୟ ଏନଡିଏରେ ସାମିଲ ହେବା ନେଇ ଚର୍ଚ୍ଚା ବଢିଛି । ବିଜେପି ମୁଖ୍ୟତଃ ମହାରାଷ୍ଟ୍ର, ବିହାର, ଉତ୍ତରପ୍ରଦେଶ, ପଞ୍ଜାବରେ ଭୋଟ୍ ବ୍ୟାଙ୍କ ଉପରେ ନଜର ରଖିଥିବା ସୂଚନା ରହିଛି ।