ରାଜ୍ୟରେ ବ୍ୟାପୁଛି ଭାଇରାଲ ଜ୍ୱର ସାଙ୍ଗକୁ ଆଖିଧରା ସଂକ୍ରମଣ : ହସ୍ପିଟାଲରେ ରୋଗୀଙ୍କ ଲମ୍ବା ଲାଇନ୍; ଆଖିଧରା ଔଷଧ, ଓ କଳା ଚଷମାର ଚାହିଦା ବୃଦ୍ଧି
କନକ ବ୍ୟୁରୋ : ଘରକୁ ଘର ଆଖିଧରା ସଂକ୍ରମଣ ବ୍ୟାପିବାରେ ଲାଗିଛି । ବର୍ଷା ଋତୁ ଆରମ୍ଭ ହୋଇଥିବା ବେଳେ ଏହି ଆଖିଧରା ସଂକ୍ରମଣ ବ୍ୟାପିବା ସମସ୍ତଙ୍କୁ ଚିନ୍ତାରେ ପକାଇ ଦେଇଛି । ସ୍ଥିତି ଏପରି ଯେ ଯାହାକୁ ଦେଖିବ ତାର ଆଖି ନାଲି । କ୍ୟାପିଟାଲ ହସ୍ପିଟାଲରେ ପ୍ରତିଦିନ ୬୦ରୁ ଅଧିକ ଆଖିଧରା ରୋଗୀ ଚିକିତ୍ସା ପାଇଁ ଆସୁଥିବାର ସୂଚନା ରହିଛି । ଏହି ଆଖିଧରା ସଂକ୍ରମଣରେ ଛୋଟ ଛୁଆ ମଧ୍ୟ ସାମିଲ ହୋଇଥିବା ସୂଚନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ଆଖିଧରା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଥିବାରୁ ବଜାରରେ ହଠାତ ଆଣ୍ଟିବାୟୋଟିକ ଆଇ ଡ୍ରପ, କଳା ଚଷମାର ଚାହିଦା ବୃଦ୍ଧି ପାଇଛି । ଅନ୍ୟପଟେ ରାଜ୍ୟରେ ଭାଇରାଲ ଜ୍ୱରରେ ଆକ୍ରାନ୍ତଙ୍କ ସଂଖ୍ୟା ମଧ୍ୟ ବୃଦ୍ଧି ପାଇଛି । କ୍ୟାପିଟାଲ ହସ୍ପିଟାଲ ଓ ଏମ୍ସରେ ଅଧିକରୁ ଅଧିକ ଜ୍ୱରରେ ଆକ୍ରାନ୍ତ ଚିକିତ୍ସା ପାଇଁ ଆସୁଥିବା ଜଣାପଡିଛି । ଆରଏମଆରସି ନିର୍ଦ୍ଦେଶକି ସଂଘମିତ୍ରା ପତି କହିଛନ୍ତି, ଏଯାଏଁ କୌଣସି ନୂଆ ଭାଇରସ ଚିହ୍ନଟ ହୋଇନାହିଁ । ରୋଗୀଙ୍କ ନମୁନା ପରୀକ୍ଷା କରାଯାଉଛି ।