ଆଈ ଜୟା ବଚ୍ଚନଙ୍କ ଉପଦେଶକୁ ନେଇ ନବ୍ୟାଙ୍କ ପ୍ରତିକ୍ରିୟା , ବିବାହ ପୂର୍ବରୁ ମା’ ହେବାକୁ ନେଇ କହିଲେ ଏଭଳି କଥା
କନକ ବ୍ୟୁରୋ : ବଲିଉଡ ଅଭିନେତ୍ରୀ ଜୟା ବଚ୍ଚନ କିଛିଦିନ ତଳେ ସଂପର୍କକୁ ନେଇ ତାଙ୍କ ନାତୁଣୀ ନବ୍ୟ ନବେଲି ନନ୍ଦାଙ୍କୁ କିଛି ପରାମର୍ଶ ଦେଇଥିଲେ । ଏଥିରେ ଜୟା ଶାରୀରିକ ଆକର୍ଷଣ ବାବଦରେ ଖୋଲାଖୋଲି କଥା ହୋଇଥିଲେ । ଜୟା କହିଥିଲେ କି ଆଜିର ସମୟରେ ସଂପର୍କକୁ ଦୃଢ ଓ ଦୀର୍ଘଜୀବୀ କରିବାକୁ ହେଲେ ଶାରୀରିକ ସଂପର୍କ ନିହାତି ଆବଶ୍ୟକ । ପୂର୍ବରୁ ଏହା ଉପରେ ବିଶେଷ ଗବେଷଣା ହେଉ ନଥିବା ବେଳେ ଏବେର ପୀଢି ଏହା ଉପରେ ଏକ୍ସପେରିମେଣ୍ଟ କରିପାରିବେ । ଏହା ବ୍ୟତୀତ ଜୟା କହିଥିଲେ କି ମୋ ନାତୁଣୀ ନବ୍ୟା ଯଦି ବିବାହ ପୂର୍ବରୁ ମା ହୁଅନ୍ତି ତେବେ ମୋ ତରଫରୁ କୌଣସି ଅଭିଯୋଗ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଏହାକୁ ନେଇ ନାତୁଣୀ ନବ୍ୟା ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ କହିଛନ୍ତି କି, ଯଦି ବାହାଘର ପୂର୍ବରୁ ପିଲା ଜନ୍ମ ହେବ ତେବେ ତାହାକୁ ନେଇ ମୋ ତରଫରୁ କୌଣସି ସମସ୍ୟା ନାହିଁ । ଏହାସହ ଜୟାଙ୍କ ବୟାନ ପରେ ଦେଖାଦେଇଥିବା ବିବାଦକୁ ନେଇ ନବ୍ୟା କହିଛନ୍ତି ଯେ, ଏହି ପୋଡକାଷ୍ଟରେ ଆମର ଉର୍ଦ୍ଦେଶ୍ୟ ହେଉଛି ମହିଳାଙ୍କ ପାଇଁ ସୁରକ୍ଷିତ ପରିବେଶ ସୃଷ୍ଟି କରିବା । ଏହି ପୋଡକାଷ୍ଟରେ ମୁଁ ସବୁବେଳେ ଆଈଙ୍କ ସହ ସଂପର୍କ, ବନ୍ଧୁତା ଭଳି ଅନେକ ବିଷୟରେ ଆଲୋଚନା କରିଥାଏ ବୋଲି ନବ୍ୟା କହିଛନ୍ତି ।