ଓଡ଼ିଶା ମାଟିରେ ବରପୁତ୍ରଙ୍କୁ ଅସମ୍ମାନ: ଜରାଜୀର୍ଣ୍ଣ ଅବସ୍ଥାରେ ନବକୃଷ୍ଣ ଚୌଧୁରୀଙ୍କ ଘର
କନକ ବ୍ୟୁରୋ: ଅବହେଳିତ, ଜରାଜୀର୍ଣ୍ଣ ଅବସ୍ଥାରେ ଓଡିଶାର ଗର୍ବ, ଗୌରବ ଆଉ ଅସ୍ମିତାର ପରିଚୟ ନବକୃଷ୍ଣ ଚୌଧୁରୀଙ୍କ ଆଶ୍ରମ । ଚାଳ, ଛପର ଉପରେ ପଡିଛି ଜରି ପାଲ । ଘର ବାହାରେ ଏକ ଚଉକି ଉପରେ ରହିଛି ନବକୃଷ୍ଣ ଚୌଧୁରୀଙ୍କ ଫଟୋ । ଆଉ କୁଟିଆ ଘରର ଚାରିପଟେ ଅନାବନା ଝାଟି ବଣ ଘେରି ରହିଛି । ଏଭଳି ଅବହେଳିତ ଅବସ୍ଥାରେ ରହିଛି ପୂର୍ବତନ ମୁଖ୍ୟମନ୍ତ୍ରୀ ନବକୃଷ୍ଣ ଚୌଧୁରୀ ଏବଂ ମାଳତୀ ଚୌଧୁରୀଙ୍କ ଘର । ଆଉ ପୁରା ଜଳ ଜଳ ହୋଇ ଦିଶୁଛି କିପରି ସରକାର ଭୁଲି ଯାଇଛନ୍ତି ଓଡିଶାର ଏହି ବରପୁତ୍ରଙ୍କୁ ।
Kanak News is now on WhatsApp
Join and get latest news updates delivered to you via WhatsApp
ପୂର୍ବତନ ମୁଖ୍ୟମନ୍ତ୍ରୀ ନବକୃଷ୍ଣ ଚୌଧୁରୀଙ୍କୁ ଅସମ୍ମାନ କରାଯାଉଥିବା ନେଇ ବିଧାନସଭାରେ ଉଦ୍ବେଗ ପ୍ରକାଶ କରିଛନ୍ତି ଖଣ୍ଡପଡା ବିଧାୟକ ସୌମ୍ୟରଂଜନ ପଟ୍ଟନାୟକ । ନବକୃଷ୍ଣ ଚୌଧୁରୀ, ମାଳତୀ ଚୌଧୁରୀଙ୍କ ଜରାଜୀର୍ଣ୍ଣ ଫଟୋ ଦେଖାଇ ଗୃହରେ ଅସନ୍ତୋଷ ପ୍ରକାଶ କରିଛନ୍ତି ଖଣ୍ଡପଡା ବିଧାୟକ । ସରକାର ପୂର୍ବପୁରୁଷଙ୍କ ସ୍ମୃତିକୁ ଉଜ୍ଜୀବିତ କରିବାକୁ ବିଭିନ୍ନ ପଦକ୍ଷେପ ନେଉଛନ୍ତି । ଏହା ସ୍ୱାଗତଯୋଗ୍ୟ । କିନ୍ତୁ ନବକୃଷ୍ଣ ଚୌଧୁରୀ, ମାଳତୀ ଚୌଧୁରୀଙ୍କ ପ୍ରତି କାହିଁକି ଦୃଷ୍ଟି ଦିଆଯାଇନି ବୋଲି ସେ ପ୍ରଶ୍ନ କରିଛନ୍ତି । ପୂର୍ବପୁୁରୁଷ ମାନେ ଆମର ଗର୍ବ ଗୌରବ । ତେଣୁ ତାଙ୍କ ବାବଦରେ ଚିନ୍ତା କରିବା ଆବଶ୍ୟକ ବୋଲି ସେ କହିଛନ୍ତି ।
ଓଡିଶାର ଗର୍ବ, ଗୌରବ ଥିବା ନବକୃଷ୍ଣଙ୍କ ପ୍ରତି ଆଜି ସରକାର ଅଣଦେଖା କରିଦେଇଛନ୍ତି । ମଠ, ମନ୍ଦିର ବିଭିନ୍ନ ପୀଠର ପୁର୍ନଉଦ୍ଧାର ହେଉଛି । ହେଲେ ଏହି ବରପୁତ୍ରଙ୍କ ଜରାଜୀର୍ଣ୍ଣ କୂଟୀର ଉପରେ ସରକାରଙ୍କ ନଜର ପଡୁନାହିଁ ।