୨୦ କୋଟି ଟଙ୍କାରେ ନିର୍ମିତ ହୋଇଛି ମା’ ଦୂର୍ଗାଙ୍କ ସ୍ୱର୍ଣ୍ଣମୂର୍ତ୍ତୀ ! ଖଞ୍ଜା ଯାଇଛି ୫୦ କିଲୋ ସୁନା , ସୁନାରେ ଝଲସୁଛନ୍ତି ମା’ ଜଗତଜନନୀ ।
ଦଶହରା ସମୟରେ ବିଭିନ୍ନ ସହରର ଭିନ୍ନ ଭିନ୍ନ ଦୂର୍ଗା ମଣ୍ଡପରେ ମା’ ଜଗଦମ୍ବାଙ୍କ ଭବ୍ୟ ପ୍ରତିମାକୁ ୯ ଦିନ ବ୍ୟାପି ପୂଜା କରାଯାଏ । ପ୍ରତିବର୍ଷ ଦୂର୍ଗାପୂଜା ସମୟରେ ମା’ଙ୍କ ମୂର୍ତ୍ତୀର ଭବ୍ୟତାକୁ ନେଇ ସାରା ଦେଶରେ ଚର୍ଚ୍ଚା ହୁଏ । ଚଳିତ ବର୍ଷ ଏଭଳି ଏକ ସ୍ୱର୍ଣ୍ଣିମ ତଥା ଭବ୍ୟ ମୂର୍ତ୍ତୀ ଚର୍ଚ୍ଚାରେ ରହିଛି । ପଶ୍ଚିମବଙ୍ଗ କଲିକତାର ଏକ ଦୂର୍ଗା ଉତ୍ସବ ସମିତି ମା’ ଦୂର୍ଗାଙ୍କ ୫୦ କିଲୋର ଏକ ସ୍ୱର୍ଣ୍ଣମୂର୍ତ୍ତୀ ପ୍ରସ୍ତୁତ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମା’ଙ୍କ ମୂର୍ତ୍ତୀ ଏବଂ ମଣ୍ଡପରେ ଯେତେ ସୁନା ଲାଗିଛି ଏହାର ଦାମ୍ ପାଖାପାଖି ୨୦ କୋଟି ଟଙ୍କା ହେବ ବୋଲି କୁହାଯାଉଛି । ଚଳିତ ନବରାତ୍ରୀରେ ଏହା ଦେଶର ସବୁଠାରୁ ମହଙ୍ଗା ମୂର୍ତ୍ତୀ ବୋଲି କୁହାଯାଉଛି । କଲିକତା ସନ୍ତୋଷ ମିତ୍ର ସ୍କୋୟାର୍ ରେ ପ୍ରସ୍ତୁତ ହୋଇଥିବା ଏହି ମଣ୍ଡପରେ ଲାଗିଥିବା ଏହି ୧୩ ଫୁଟ ଉଚ୍ଚତା ବିଶିଷ୍ଟ ମୂର୍ତ୍ତୀର ସୁରକ୍ଷା ସକାଶେ ଅଧିକ ମାତ୍ରାରେ ପୋଲିସ୍ ବଳ ମୁତୟନ କରାଯାଇଛି । ସମିତିର ସଚିବ ସଜଲ୍ ଘୋଷ୍ ଙ୍କ କହିବାନୁସାରେ , ମା’ ଜଗଦମ୍ବାଙ୍କ ସିରରୁ ପାଦ ପର୍ଯ୍ୟନ୍ତ ସୁନାର ପରସ୍ତ ଚଢାଯାଇଛି ।
ମାତାଙ୍କ ସବାରୀ ସିଂହ ଏବଂ ମହିଷାସୁରକୁ ମଧ୍ୟ ସୁନାର ପରସ୍ତରେ ସଜା ଯାଇଛି । ସୁନାରେ ସୁସର୍ଜିତ ହୋଇଥିବା ସିଂହରୁ ଭିନ୍ନ ଏକ ଆଭା ପ୍ରଭାବିତ ହେଉଛି । ଦୂର୍ଗାଙ୍କ ଏହି ଭବ୍ୟ ମୂର୍ତ୍ତୀର ଦର୍ଶନ ପାଇଁ ଶ୍ରଦ୍ଧାଳୁ ଏଠାରେ ଲମ୍ବା ଲାଇନ୍ ଲଗାଉଛନ୍ତି । ଆପତ୍ତିଜନକ ପରିସ୍ଥିିତି ଯେଭଳି ସୃଷ୍ଟି ନ ହେବ ଏଥିସକାଶେ ଲୋକଙ୍କୁ ଗେଟ୍ ରେ ହିଁ ରୋକା ଯାଉଛି ଏବଂ ଗୋଟି ଗୋଟି କରି ସବୁ ଭକ୍ତଙ୍କୁ ମା’ଙ୍କ ମୂର୍ତ୍ତୀର ଦର୍ଶନ କରାଯାଉଛି ।