ଭିଜିଲାନ୍ସ ଜାଲରେ କୋଟିପତି ଶିକ୍ଷୟିତ୍ରୀ : ଭୁବନେଶ୍ୱର ୟୁନିଟ ୬ ସିଟି ଟ୍ରେନିଂ ସ୍କୁଲର ଶିକ୍ଷୟିତ୍ରୀ ତିଳୋତମା ମହାନ୍ତିଙ୍କ ୩ଟି ଘରେ ରେଡ୍,ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
କନକ ବ୍ୟୁରୋ : ଭିଜିଲାନ୍ସ ଜାଲରେ କୋଟିପତି ଶିକ୍ଷୟିତ୍ରୀ । ଭୁବନେଶ୍ୱର ୟୁନିଟ ୬ ସିଟି ଟ୍ରେନିଂ ସ୍କୁଲର ଶିକ୍ଷୟିତ୍ରୀ ତିଳୋତମା ମହାନ୍ତିଙ୍କ ଘରେ ଭିଜିଲାନ୍ସ ରେଡ କରିଛି । ଏକକାଳୀନ ୩ ଟି ଘରେ ରେଡ କରୁଛି ଭିଜିଲାନ୍ସ । ଚଢାଉ ବେଳେ ୩୬ ଲକ୍ଷ ଟଂକାର ନଗଦ ଜମା ସହିତ ୧୮ଟି ଏଲଆଇସି ବଣ୍ଡ୍ ଜବତ ହୋଇଛି । ସେହିପରି ୯ ଟି ପ୍ଲଟ ସହ ୨ ଟି ଘର ଠାବ କରିଛି ଭିଜିଲାନ୍ସ ଟିମ୍ । ଜଣେ ସିଟି ଟ୍ରେନିଂ ସ୍କୁଲର ଶିକ୍ଷୟିତ୍ରୀଙ୍କ ନିକଟରେ ଏତେ ଟଂକାର ସଂପତି କେଉଁଠୁ ଆସିଲା ସେ ନେଇ ଖୋଳତାଡ କରୁଛି ଭିଜିଲାନ୍ସ । ଆୟ ବର୍ହିଭୂତ ସଂପତି ଠୁଳ ଅଭିଯୋଗରେ ଚଢାଉ କରିବା ବେଳେ କୋଟିପତି ଶିକ୍ଷୟିତ୍ରୀଙ୍କ କୋଟି କୋଟି ଟଙ୍କାର ସଂପତି ଜବତ କରିଛି ଭିଜିଲାନ୍ସ । ଚଢାଉ ଜାରି ରହିଥିବାରୁ ମୋଟ୍ ଜବତ ସଂପତିର ତଥ୍ୟ ଚୂଡାନ୍ତ ହୋଇନାହିଁ ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ ଆଜି ସକାଳୁ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସର ଏକ ଟିମ ଭୁବନେଶ୍ୱର ୟୁନିଟ ୬ ସିଟି ସ୍କୁଲର ସହକାରୀ ଶିକ୍ଷୟତ୍ରୀ ତିଳୋତ୍ତମା ମହାନ୍ତିଙ୍କ ଘରେ ଚଢାଉ ଜାରି ରଖିଛି । ତିଳୋତ୍ତମାଙ୍କର ୟୁନିଟ-୯ର ଗୋପବନ୍ଧୁ ଛକ ପାଖରେ ଥିବା ସରକାରୀ ବାସଭବନ ସମେତ ଅନ୍ୟ ୩ଟି ସ୍ଥାନରେ ଭିଜିଲାନ୍ସ ଏକକାଳୀନ ଚଢାଉ କରିଥିବା ଜଣାପଡ଼ିଛି ବର୍ତ୍ତମାନ ସୁଦ୍ଧା ଭିଜିଲାନ୍ସ ପକ୍ଷରୁ ଚଢ଼ାଉ ଜାରି ରହିଛି । ସହକାରୀ ଶିକ୍ଷୟତ୍ରୀ ତିଳୋତ୍ତମା ମହାନ୍ତିଙ୍କ ସ୍ବାମୀ ଜଣେ ଏଲଆଇସି ଏଜେଣ୍ଟ ବୋଲି ମଧ୍ୟ ଜଣାଯାଇଛି।