କନକ ବ୍ୟୁରୋ : ଲୋକସଭାରେ ମଙ୍ଗଳବାର ଦିନ ଘଟିଥିବା ଘଟଣାକୁ ନେଇ ବାଚସ୍ପତି ଓମ୍ ବିର୍ଲା ଅସନ୍ତୋଷ ଜାହିର କହିଛନ୍ତି । ସେ କହିଛନ୍ତି କି ସଂସଦ ଭବନ ଭିତରେ ରହିଥିଲେ ବି ଅଧ୍ୟକ୍ଷ ଆସନରେ ବସିବେ ନାହିଁ । ଲୋକସଭା ଅଧ୍ୟକ୍ଷ ସରକାରୀ ଦଳର ସାଂସଦ ଓ ବିରୋଧୀ ସାଂସଦଙ୍କ ଉପରେ ନିଜର ଅସନ୍ତୋଷ ଜାହିର କରି ଏଭଳି ନିଷ୍ପତ୍ତି ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବାଚସ୍ପତି ଓମ୍ ବିର୍ଲା କହିଛନ୍ତି କି, ଯେପର୍ଯ୍ୟନ୍ତ ଗୃହରେ ଅନୁଶାସନ ଫେରି ନଆସିଛି ସେ ଅଧ୍ୟକ୍ଷ ଆସନରେ ବସିବେ ନାହିଁ । ସେ ଆହୁରି କହିଛନ୍ତି କି, ତାଙ୍କ ପାଇଁ ଗୃହର ଗାରିମା ସବୁଠୁ ଆଗରେ । ସଂସଦର ମର୍ଯ୍ୟାଦା ବଞ୍ଚାଇ ରଖିବା ସମସ୍ତଙ୍କର କାମ । ହେଲେ ସଂସଦରେ କିଛି ସଦସ୍ୟଙ୍କ ବ୍ୟବହାର ଗୃହର ଉଚ୍ଚ ପରମ୍ପରାର ବିପରିତ ବୋଲି ସେ କହିଛନ୍ତି ।
ଓମ୍ ବିର୍ଲା ତାଙ୍କର ନିଷ୍ପତ୍ତିକୁ ବିରୋଧୀ ଓ ଶାସକଦଳର ସାଂସଦମାନଙ୍କୁ ଅବଗତ କରାଇଛନ୍ତି । କହିରଖୁ କି ମଙ୍ଗଳବାର ଦିନ ଲୋକସଭାରେ ବିରୋଧୀ ସାଂସଦମାନେ ହଟ୍ଟଗୋଳ କରିବା ସହ ବାଚସ୍ପତିଙ୍କ ଆସନ ନିକଟକୁ କାଗଜ ଖଣ୍ଡମାନ ଫୋପାଡିଥିଲେ ।
ମଙ୍ଗଳବାର ଦିନ ବିରୋଧୀ ସାଂସଦଙ୍କ ଏଭଳି ବ୍ୟବହାରକୁ ନେଇ ଅସନ୍ତୋଷ ଜାହିର କରିଛନ୍ତି ବାଚସ୍ପତି ଓମ୍ ବିର୍ଲା । ସେ କହିଛନ୍ତି କି ମଙ୍ଗଳବାରଦିନ ଦିଲ୍ଲୀ ସେବା ଅଧ୍ୟାଦେଶ ବିଲ ଉପସ୍ଥାପନ ବେଳେ ବିରୋଧୀ ସାଂସଦମାନେ ଯେଭଳି ହଙ୍ଗାମା କଲେ ତାହା ଦ୍ୱାରା ସଂସଦରେ କୌଣସି କାର୍ଯ୍ୟ ହୋଇପାରିବ ନାହିଁ ।