କନକ ବ୍ୟୁରୋ: ଦୁବାଇ ଯିବେ ମିଶନଶକ୍ତି ମହିଳା ଜ୍ୟୋତିରେଖା ଚେଟ୍ଟି । କୋରାପୁଟ ଜିଲ୍ଲା ମିଶନଶକ୍ତି ସଭାନେତ୍ରୀ ଜ୍ୟୋତିରେଖାଙ୍କୁ ବିମାନ ଯୋଗେ ଦୁବାଇ ଯିବା ପାଇଁ ମୁଖ୍ୟମନ୍ତ୍ରୀ ଭୁବନେଶ୍ୱରରେ ଟିକେଟ ଦେଇଛନ୍ତି । ଆସନ୍ତା ମେ’ ୧୫ ତାରିଖରେ ଭୁବନେଶ୍ୱରରୁ-ଦୁବାଇ ବିମାନ ଯାତ୍ରା ଆରମ୍ଭ ହେଉଛି । ଆଉ ଏହି ଯାତ୍ରାରେ ଦୁବାଇ ଯିବେ ଜ୍ୟୋତି । ଏଥିପାଇଁ ସେ ବେଶ ଉତ୍ସାହିତ ବି ଅଛନ୍ତି । ମିଶନ ଶକ୍ତି ସଶକ୍ତିକରଣରେ ସେ ଉଲ୍ଲେଖନୀୟ ଭୂମିକା ଗ୍ରହଣ କରିଥିବାରୁ ତାଙ୍କୁ ଏହି ସୁଯୋଗ ମିଳିଛି । ଆଉ ଏଥିପାଇଁ ସେ ବେଶ ଉତ୍ସାହିତ ବି ଅଛନ୍ତି । ସେ କହିଛନ୍ତି, ମିଶନଶକ୍ତି ଦ୍ୱାରା ତାଙ୍କ ଜୀବନ ବହୁକ ଆଗକୁ ଯାଇଛି ।
Kanak News is now on WhatsApp
Join and get latest news updates delivered to you via WhatsApp
କୋରାପୁଟ ଜିଲ୍ଲାର ଜ୍ୟୋତି ୨୦୦୨ରେ ସଦର ବ୍ଲକ ପଦ୍ମପୁର ପଂଚାୟତ ହାଟପଦାରେ ୧୦ ଜଣ ମହିଳାଙ୍କୁ ନେଇ ସ୍ୱଂୟ ସହାୟକ ଗୋଷ୍ଠୀ ଗଠନ କରିଥିଲେ । ନିଜେ ସଫଳ ହେବା ପରେ ନିଜ ପଂଚାୟତର ୨୧ଟି ୱାର୍ଡରେ ପ୍ରାୟ ୨୫୦ ସ୍ୱଂୟ ସହାୟକ ଦଳ ଗଠନ କରି ୩ ହଜାରରୁ ଅଧିକ ମହିଳାଙ୍କୁ ସ୍ୱାବଲମ୍ବୀ କରିପାରିଛନ୍ତି । ଏହା ସହ ବିଭିନ୍ନ ସରକାରୀ ଯୋଜନାର ଠିକ ରୁପାନ୍ତିକରଣ ପାଇଁ ସେ ମହିଳାଙ୍କୁ ସଚେତନ କରାଇ ଆସୁଛନ୍ତି । ମିଶନଶକ୍ତି ଦ୍ୱାରା ସେ ସ୍ୱାବଲମ୍ବୀ ହୋଇପାରିଛନ୍ତି ବୋଲି କହିଛନ୍ତି ଜ୍ୟୋତି ।
ମେ ୧୫ରେ ଜ୍ୟୋତି ଦୁଇଦିନ ପାଇଁ ଦୁବାଇ ଗସ୍ତରେ ଯିବେ । ଆଉ ସେଠାରେ ଯେଉଁ ଶିକ୍ଷା ପାଇବେ ତାହା କାମରେ ଲଗାଇବାକୁ ଚେଷ୍ଟା କରିବେ ବୋଲି ସେ କହିଛନ୍ତି ।