ଟିମ୍ ଇଣ୍ଡିଆର ମୁଖ୍ୟ କୋଚ୍ ହୋଇପାରନ୍ତି ଗୌତମ ଗମ୍ଭୀର । ବିସିସିଆଇ ଆଲୋଚନା ନେଇ ଜାତୀୟ ଗଣମାଧ୍ୟମରେ ଚର୍ଚ୍ଚା ।
କନକ ବ୍ୟୁରୋ: କିଏ ହେବେ ଟିମ୍ ଇଣ୍ଡିଆର ମୁଖ୍ୟ କୋଚ୍? ରାହୁଲ ଦ୍ରାବିଡ଼ଙ୍କ ପରେ କିଏ ଟିମ୍ ଇଣ୍ଡିଆର କୋଚ୍ ହେବେ? ଏହି ଦୁଇଟି ବଡ଼ ପ୍ରଶ୍ନ ଟିମ୍ ଇଣ୍ଡିଆ ଏବଂ ଏହାର ପ୍ରଶଂସକଙ୍କ ସାମ୍ନାରେ ଛିଡ଼ା ହୋଇଛି । ଇଏସପିଏନ୍ କ୍ରିକଇନଫୋର ରିପୋର୍ଟ ଅନୁଯାୟୀ, ବିସିସିଆଇ ଗୌତମ ଗମ୍ଭୀରଙ୍କ ସହ ଏହି ପ୍ରସଙ୍ଗରେ କଥା ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ବିସିସିଆଇ ଟିମ୍ ଇଣ୍ଡିଆର ମୁଖ୍ୟ କୋଚ୍ ପଦ ପାଇଁ ଆବେଦନ ଆହ୍ୱାନ କରିସାରିଛି ଏବଂ ଶେଷ ତାରିଖ ହେଉଛି ମେ ୨୭ । ଗୌତମ ଗମ୍ଭୀରଙ୍କ ପାଖରେ ଭଲ ପ୍ରଶିକ୍ଷଣ ଅଭିଜ୍ଞତା ରହିଛି । ଆଇପିଏଲର ଚଳିତ ସିଜନରେ ସେ କେକେଆରର ମେଣ୍ଟର ହୋଇଛନ୍ତି । ଏହି ଦଳ ପଏଣ୍ଟ ଟେବୁଲର ଶୀର୍ଷ ସ୍ଥାନ ସହ ପ୍ଲେଅଫରେ ପହଞ୍ଚିଛି । ଗତ ଦୁଇ ସିଜନରେ ସେ ଲକ୍ଷେ୍ନøକୁ ପ୍ଲେଅଫରେ ସ୍ଥାନ ଦେଇଥିଲେ । ଏଠାରେ ପ୍ରଶ୍ନ ଉଠୁଛି ଗୌତମ ଗମ୍ଭୀର କେକେଆର ଛାଡ଼ି ଟିମ୍ ଇଣ୍ଡିଆ ସହ ଯୋଡି ହେବେ କି? ଯଦି ଗୌତମ ଗମ୍ଭୀର ଟିମ୍ ଇଣ୍ଡିଆର ମୁଖ୍ୟ କୋଚ୍ ହୁଅନ୍ତି ତେବେ ତାଙ୍କୁ କେକେଆର ଛାଡ଼ିବାକୁ ପଡ଼ିବ । ଯଦି ଗୌତମ ଗମ୍ଭୀର ଟିମ୍ ଇଣ୍ଡିଆର ମୁଖ୍ୟ କୋଚ୍ ହୁଅନ୍ତି, ତେବେ ଏହା ବହୁତ ଫାଇଦା ଦେବ । ଗମ୍ଭୀରଙ୍କୁ ଜଣେ ଭଲ ମ୍ୟାନ୍ ମ୍ୟାନେଜର ଭାବେ ବିବେଚନା କରାଯାଏ । ସେ ଟିମରେ ଥିବା ବେଳେ ଟି-୨୦ ବିଶ୍ୱକପ୍ ଓ ଦିନିକିଆ ବିଶ୍ୱକପ ଭାରତ ଜିତିଛି । ସେ ଇଣ୍ଡିଆ ପାଇଁ ୫୮ଟି ଟେଷ୍ଟ ମ୍ୟାଚ୍ ଖେଳିଛନ୍ତି । ୧୪୭ ଦିନିକିଆ ଓ ୩୭ ଟି-୨୦ ମ୍ୟାଚ୍ ଖେଳିଛନ୍ତି । ଗମ୍ଭୀର ଅନ୍ତର୍ଜାତୀୟ କ୍ରିକେଟରେ ମୋଟ ୨୦ଟି ଶତକ ହାସଲ କରିଛନ୍ତି ।