ଟାଙ୍ଗୀ ବେଆଇନ୍ ଡମ୍ପିଂୟାର୍ଡ଼ ଉପରେ ମାଇନିଂ ବିଭାଗର ଚଢଉ। କ୍ରୋମାଇଟ୍, ଅଷ୍ଟ୍ରେଲିଆନ୍ କୋକ୍, ହାର୍ଡ କୋକ୍ ଭଳି ମୁଲ୍ୟବାନ୍ ପଦାର୍ଥ ଜବତ ।
କନକ ବ୍ୟୁରୋ: କଟକ ଟାଙ୍ଗୀ ଥାନା ଅନ୍ତର୍ଗତ ତରଡ଼ଗଡ଼ା ନିକଟରେ ଥିବା ବେଆଇନ୍ ଡମ୍ପିଂୟାର୍ଡ଼ ଉପରେ ମାଇନିଂ ବିଭାଗର ଚଢାଉ । କ୍ରୋମାଇଟ୍, ଅଷ୍ଟ୍ରେଲିଆନ୍ କୋକ୍, ହାର୍ଡ କୋକ୍ ଭଳି ବହୁ ମୁଲ୍ୟବାନ୍ ପଦାର୍ଥ ଏହି ଡମ୍ପିଂ ମଧ୍ୟରୁ ଜବତ କରିଛି ଟାଙ୍ଗୀ ପୋଲିସ ଓ ମାଇନିଂ ବିଭାଗ । ଜବତ ସାମଗ୍ରୀର ଆନୁମାନିକ ମୁଲ୍ୟ ୪୦ରୁ ୫୦ ହଜାର ଟଙ୍କା ହେବ ବୋଲି ସୂଚନା ଦେଇଛନ୍ତି ତଦନ୍ତକାରୀ ଅଧିକାରୀ । ଚଢଉ ବେଳେ ପାଖାପାଖି ୩ଶହ ଟନ୍ର ବେଆଇନ୍ ଖଣିଜ ସାମଗ୍ରୀ ଜବତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଦୀର୍ଘ ଦିନ ହେଲା ହରିଅନ୍ତା ପଞ୍ଚ।।ୟତ ତରତ ଗାଁରେ ଥିବା ବନ୍ଦ ବାଉଣ୍ଡ୍ରି ଭିତରେ ଏହି ବେଆଇନ୍ କାର୍ଯ୍ୟ ଚାଲୁରହିଥିଲା । ବିଶେଷ ସୁତ୍ରରୁ ଖବରପାଇ ମାଇନିଂ ବିଭାଗ ଏକ ସ୍ୱତନ୍ତ୍ର ଟିମ୍ ଗଠନ କରି ଏହି ପ୍ଲଟ ଉପରେ ଚଢଉ କରିଥିଲା । ଚଢଉ ସମୟରେ କାର୍ଯ୍ୟରତ ଶ୍ରମିକ ଓ ମାଫିଆମାନେ ଘଟଣାସ୍ଥଳରୁ ଚମ୍ପଟ ମାରିଥିଲେ । ଦୀର୍ଘ ଦିନ ହେଲା ଏହି ଜାଗାରେ ମାଫିଆ ମାନେ ବେଆଇନ କାର୍ଯ୍ୟରେ ଲିପ୍ତ ରହି ଦୈନିକ ଲକ୍ଷାଧିକ ଟଙ୍କାର ମୁନାଫା କମାଉଥିଲେ । ହେଲେ ଟାଙ୍ଗୀ ଥାନାରୁ ମାତ୍ର ୨ କିଲୋମିଟର ଦୂରତାରେ ଏତେ ବଡ଼ କାମ କେମିତି ହେଉଥିଲା ତାହା ସାଧାରଣରେ ପ୍ରଶ୍ନ ବାଚୀ ସୃଷ୍ଟି କରିଛି ।