କନକ ବ୍ୟୁରୋ : ଲୋକଙ୍କ ବିଶ୍ୱାସ ଆଧାରରେ ମିଡିଆ ଚାଲିଥାଏ । ତେଣୁ ଗଣମାଧ୍ୟମ ରାଜନୀତି ଅପେକ୍ଷା ଲୋକଙ୍କ ପ୍ରକୃତ ପ୍ରସଙ୍ଗକୁ ପ୍ରାଥମିକତା ଦେବା ଉଚିତ୍। ମିଡିଆ ମୁଖ୍ୟତଃ ଲୋକଙ୍କ ସ୍ୱର ହେବା ଉଚିତ୍ ।ପ୍ରଜାତନ୍ତ୍ରର ୭୫ ତମ ପ୍ରତିଷ୍ଠା ଦିବସ କାର୍ଯ୍ୟକ୍ରମରେ ସାମିଲ ହେବା ସହ ନିଜ ଅଭିଭାଷଣରେ କିଛି ଏଭଳି କଥା କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
Kanak News is now on WhatsApp
Join and get latest news updates delivered to you via WhatsApp
ଗଣତାନ୍ତ୍ରିକ ସମାଜରେ ମିଡିଆର ଭୂମିକାର ଗୁରୁତ୍ୱପୂର୍ଣ୍ଣ ଭୂମିକା ରହିଛି । ଆମର ମହାନ ସଂସ୍କୃତି, ଐତିହ୍ୟ ମୂଲ୍ୟବୋଧକୁ ବଜାୟ ରଖିବା, ଜାତୀୟ ସଂହତି ଓ ସାଂପ୍ରଦାୟିକ ସୌହାଦ୍ଦ୍ୟପୂର୍ଣ୍ଣ ବାତାବରଣ ସୃଷ୍ଟି କରିବାରେ ଗଣମାଧ୍ୟମର ଦାୟିତ୍ୱ ହେବା ଉଚିତ । କୌଣସି ଭୟ କିମ୍ବା ଅନୁରାଗ ବିନା ଗଣମାଧ୍ୟମ ଏହାର କର୍ତ୍ତବ୍ୟ ପାଳନ କରିବା ଉଚିତ୍ ।ଭାରତ ବିଭିନ୍ନ ଘାତ ପ୍ରତିଘାତକୁ ସାମ୍ନା କରିଥିଲେ ମଧ୍ୟ ଏହି ୭୫ ବର୍ଷ ମଧ୍ୟରେ ନିଜର ଗଣତାନ୍ତ୍ରିକ ମୂଲ୍ୟବୋଧକୁ ବଞ୍ଚାଇ ରଖିବାରେ ସଫଳ ହୋଇଛି । ଏକ ଗଣତାନ୍ତ୍ରିକ ମୂଲ୍ୟବୋଧ ଦ୍ୱାରା ଆମ ଦେଶ ପରିଚାଳିତ ହେଉଛି ।
ସତ୍ୟ ଓ ଅହିଂସା ହେଉଛି ଆମର ମୁଖ୍ୟ ନୀତି ଆଦର୍ଶ । ସ୍ୱାଧୀନତା ସଂଗ୍ରାମ ଆମକୁ ଏହି ଆଦର୍ଶ ଶିଖିଛୁ । ଆମେ ସ୍ୱାଧୀନତାର ୭୫ ବର୍ଷରେ ଆମ ଦେଶର ସାମ୍ବାଧାନିକ ଗଣତନ୍ତ୍ର ବ୍ୟବସ୍ଥାକୁ ପ୍ରତ୍ୟେକ ସ୍ତରରେ ଆଗକୁ ବଢାଇବାକୁ ମୁଖ୍ୟମନ୍ତ୍ରୀ ଆହ୍ୱାନ ଦେଇଛନ୍ତି ।