ଅନ୍ଧାର ଟନେଲରେ ଫଶିଛନ୍ତି ଭଗବାନ ଭତ୍ରା । ଆଜି ଉଦ୍ଧାର ଖବର ଶୁଣିବା ପରେ ପୁରା ପରିବାରେ ଖୁସିର ମାହୋଲ
କନକ ବ୍ୟୁରୋ:ଆଉ କିଛି ମୁହର୍ତ୍ତ ପରେ ବାହାରିବେ ଉତରାଖଣ୍ଡ ଉତ୍ତରକାଶି ଟନେଲ ରେ ଫସି ରହିଥିବା ସମସ୍ତ ଶ୍ରମିକ । ଶ୍ରମିକଙ୍କ ଭିତରେ ଓଡ଼ିଶାର ପାଞ୍ଚ ଜଣ ଶ୍ରମିକ ରହିଛନ୍ତି । ସେମାନଙ୍କ ମଧ୍ୟରୁ ନବରଙ୍ଗପୁର ଜିଲ୍ଲା ଡ଼ାବୁଗାଁ ବ୍ଲକ ତାଲବେଡ଼ା ଗାଁର ଭଗବାନ ଭତ୍ରା । ଉଦ୍ଧାର କାମ ଏବେ ଶେଷ ପର୍ଯ୍ୟାୟରେ ଥିବା ଖବର ମିଳିବା ପରେ ଭଗବାନଙ୍କ ଗାଁରେ ଏବେ ଖୁସିର ମାହୋଲ । ପରିବାର ଓ ଗାଁ ଲୋକେ ପ୍ରତିକ୍ଷଣ ଖବର ନେଉଛନ୍ତି କେତେବେଳେ ଟନେଲ ଭିତରୁ ସୁରକ୍ଷିତ ବାହାରିବେ ଭଗବାନ ।
Kanak News is now on WhatsApp
Join and get latest news updates delivered to you via WhatsApp
ଆଜି ସକାଳୁ ଭଗବାନ ଭତ୍ରାଙ୍କ ଘରେ ଗ୍ରାମବାସୀଙ୍କ ଭିଡ଼ ଜମିଥିବା ବେଳେ ଗ୍ରାମର ମହିଳା ମାନେ ମଧ୍ୟ ମୋବାଇଲ ଧରି ଖବର ଦେଖିବାରେ ବ୍ୟସ୍ତ । ସେମାନେ ମଧ୍ୟ ବୁଝି ସାରିଲେଣି କି ଆଉ କିଛି ସମୟ ପରେ ଭଗବାନ ଭାତ୍ରା ଟନେଲ ରୁ ବାହାରିବେ ।