ଟେଲିଗ୍ରାମ ଆପ୍ ଜରିଆରେ ଟଙ୍କା ଡବଲ କରିବାକୁ କହି ଲୁଟ୍ । ଅଭିଯୁକ୍ତକୁ ଗିରଫ କଲା ସାଇବର ପୋଲିସ୍ ।
କନକ ବ୍ୟୁରୋ: କୋରାପୁଟ ସାଇବର ଥାନା ହାତରେ ମୟୁରଭଞ୍ଜ ଠକ । ଏକ ଲକ୍ଷ ୫୮ ହଜାର ଟଙ୍କା ଜବତ । ଟେଲିଗ୍ରାମ ଆପ୍ ଜରିଆରେ ଟଙ୍କା ଡବଲ କରିବାକୁ କହି ରଚୁଥିଲା ନେଟୱର୍କ । ହ୍ୱାଟ୍ସଆପ୍ ମାଧ୍ୟମରେ ବିଭିନ୍ନ ଲୋକଙ୍କୁ ପ୍ରଥମେ ମେସେଜ୍ ପଠାଇ ବିଶ୍ୱାସ ଜନ୍ମାଉଥିଲା । ବିଶ୍ୱାସ ଜନ୍ମାଇ ଲକ୍ଷାଧିକ ଟଙ୍କା ନେଇସାରିବା ପରେ ନିଜ ଆକାଉଣ୍ଟକୁ ଡିଲିଟ କରିଦେଉଥିଲା ।
Kanak News is now on WhatsApp
Join and get latest news updates delivered to you via WhatsApp
କୋରାପୁଟ ପଟାଙ୍ଗୀର ଜଣେ ଯୁବକ ଆଶିଷ କୁମାର ପ୍ରଧାନ ଏଭଳି ଠକାମୀର ଶିକାର ହେବା ପରେ ସାଇବର ଥାନାରେ ଅଭିଯୋଗ କରିଥିଲେ । ତାଙ୍କ ଅଭିଯୋଗକୁ ଆଧାର କରି ପୋଲିସ୍ ଅଭିଯୁକ୍ତ ଜଗନ୍ନାଥକୁ ଗିରଫ କରିବା ସହ ଏକ ଲକ୍ଷ ୫୮ ହଜାର ଟଙ୍କା ଓ ଗୋଟଏ ମୋବାଇଲ ଜବତ କରିଛି । ଅଭିଯୁକ୍ତ ଜଗନ୍ନାଥ ନାଁରେ ବିଭିନ୍ନ ଥାନାରେ ପୂର୍ବରୁ ମଧ୍ୟ ମାମଲା ରହିଛି । ଘଟଣାର ତଦନ୍ତ ଚାଲିଛିି ଓ ଖୁବ୍ ଶୀଘ୍ର ଅଧିକ ତଦନ୍ତ ସାମ୍ନାକୁ ଆସିବ ବୋଲି ପୋଲିସ୍ ପକ୍ଷରୁ କୁହାଯାଇଛି ।