କ୍ରିକେଟର ଧୋନୀଙ୍କ ସମ୍ପତ୍ତି କେତେ? କ୍ରିକେଟ ବ୍ୟତୀତ ଆଉ କେଉଁଥିରୁ ପାଆନ୍ତି ଅର୍ଥ?
କନକ ବ୍ୟୁରୋ: କ୍ରିକେଟର ମହେନ୍ଦ୍ର ସିଂ ଧୋନୀଙ୍କ ସମ୍ପତ୍ତି କଥା କହିବା ତ ତାଙ୍କର ସମୁଦାୟ ସମ୍ପତ୍ତିର ମୂଲ୍ୟ ୧୦୪୦ କୋଟିରୁ ଅଧିକ ହେବ । ଏଥିରେ କ୍ରିକେଟରୁ ହେଉଥିବା ଆୟ ବ୍ୟତୀତ ବିଭିନ୍ନ କମ୍ପାନୀର ବ୍ରାସ ଏଣ୍ଡୋର୍ସମେଣ୍ଟ, ଏକାଧିକ ଷ୍ଟାର୍ଟଅପରେ କରିଥିବା ନିବେଶରୁ ଆସୁଥିବା ରିଟର୍ଣ୍ଣ ସହ ଅନ୍ୟ ବ୍ୟବସାୟରୁ ହେଉଥିବା ଆୟ ମଧ୍ୟ ସାମିଲ ଅଛି ।
Kanak News is now on WhatsApp
Join and get latest news updates delivered to you via WhatsApp
କ୍ରିକେଟ ଜଗତରେ ସ୍ୱତନ୍ତ୍ର ପରିଚୟ ବହନ କରିଥିବା ମହେନ୍ଦ୍ର ସିଂ ଧୋନୀ ଅନ୍ତରାଷ୍ଟ୍ରିୟ କ୍ରିକେଟରୁ ସନ୍ନ୍ୟାସ ନେବା ପରେ ବି ଲାଇମଲାଇଟରେ ରହିଛନ୍ତି । ଆୟ ମାମଲାରେ ଧୋନୀଙ୍କ ଗଣତି ଦୁନିଆର ସବୁଠୁ ଧନୀ କ୍ରିକେଟରଙ୍କ ମଧ୍ୟରେ ରହିଛି । ତେବେ କେଉଁ ସବୁ ମାଧ୍ୟମରୁ ତାଙ୍କର କେତେ ଆୟ ହେଉଛି ଆସନ୍ତୁ ସଂକ୍ଷେପରେ ଜାଣିବା
ପ୍ରଥମ କ୍ରିକେଟ କଥା ଆସିଲେ ଏଥିରେ ସଫଳତାକୁ ସାରା ବିଶ୍ୱ ଜାଣେ । ଅନ୍ତରାଷ୍ଟ୍ରିୟ କ୍ରିକେଟରୁ ସନ୍ନ୍ୟାସ ନେବା ପରେ ବି ଆଇପିଏଲରେ ତାଙ୍କ ଦବଦବା ରହିଛି । ପ୍ରତି ଆଇପିଏଲ ପିଛା ଧୋନୀ ନିଅନ୍ତି ୧୨ କୋଟି । ଗତ ଆଇପିଏଲ ସିଜିନ ୧୬ରେ ସିଏସକେ କ୍ୟାପ୍ଟେନ ଭାବେ ତାଙ୍କୁ ୧୭୮ କୋଟି ଟଙ୍କା ମିଳିଥିବା ଜଣାପଡିଛି ।
କ୍ରିକେଟ ବ୍ୟତୀତ ଅନ୍ୟ ମାଧ୍ୟମରୁ ତାଙ୍କର ଏବେ ଯାଏଁ ନେଟଓର୍ଥ ହେଉଛି ୧୦୪୦ କୋଟି ।କ୍ରିକେଟ ସହ ବିଜ୍ଞାପନ, ସ୍ପୋର୍ଟିଙ୍ଗ ଡାଇରେକ୍ସନ୍, ବିଜନେସ୍ ଫର୍ମସ୍ ଆଦିରେ ତାଙ୍କର ନିବେଶ ମଧ୍ୟ ତାଙ୍କୁ ମାଲାମାଲ କରୁଛି । ଏଥିରୁ ମାସିକ ତାଙ୍କୁ ୪ କୋଟିରୁ ଅଧିକ ଅର୍ଥ ମିଳିଥାଏ ।
ବିଜ୍ଞାପନ କ୍ଷେତ୍ରରେ ଧୋନୀ ବେଶ୍ ଆଗରେ ଏପରିକି ଅଭିନେତା ଅମିତାଭ ବଚ୍ଚନ ଓ ରଣବୀର ଓ କ୍ରିକେଟର ବିରାଟ କୋହଲିଙ୍କ ଠାରୁ ମଧ୍ୟ ଆଗରେ ଅଛନ୍ତି । ବିଜ୍ଞାପନ କ୍ଷେତ୍ରରେ ପାଖାପାଖି ୩୦ଟି ବ୍ରାଣ୍ଡସ୍ ଏଣ୍ଡୋର୍ସମେଣ୍ଟରେ ସେ ସାମିଲ ଅଛନ୍ତି । ଖାଲି ଏତିକି ନୁହେଁ ରାଞ୍ଚି ସ୍ଥିତ ଫାର୍ମହାଉସରେ ଧୋନୀ କଡକନାଥ କୁକୁଡା ଚାଷ ମଧ୍ୟ କରୁଛନ୍ତି, ଯାହାର ମାଂସ କେଜି ପିଛା ୧୦୦୦ ଟଙ୍କା ।
ଡେରାଡୁନରେ ରହିଛି ଧୋନୀଙ୍କର ବର୍ଣ୍ଣାଢ୍ୟ ଘର । ଏହାସହ ରାଞ୍ଚିରେ ଅଛି ୪୩ ଏକର ବିଶିଷ୍ଟ ଫାର୍ମହାଉସ୍ । ଏହିଠାରେ ଧୋନୀ ପତ୍ନୀ ସାକ୍ଷୀ ଓ ଝିଅ ଜିଭା ସହ ରହୁଛନ୍ତି । ଏହାସହ ରାଞ୍ଚିରେ ତାଙ୍କର ‘ହୋଟେଲ ମାହି ରେସିଡେନ୍ସି’ ନାଁରେ ହୋଟେଲ ରହିଛି । ମାହିଙ୍କର ୭ ଟି ବିଦେଶୀ ଦାମୀ କାର ସହ ୪ଟି ଦାମୀ ବାଇକ୍ ମଧ୍ୟ ରହିଛି ।