ଅଞ୍ଜଳୀ ମୃତ୍ୟୁ ମାମଲାରେ ବଡ କାର୍ଯ୍ୟାନୁଷ୍ଠାନ । ୧୧ ପୋଲିସ କର୍ମୀ ସସପେଣ୍ଡ, ଅଭିଯୁକ୍ତଙ୍କ ଉପରେ ଚାଲିବ ହତ୍ୟା ଆଧାରରେ ମାମଲା
କନକ ବ୍ୟୁରୋ : ଦିଲ୍ଲୀ ଅଞ୍ଜଳୀ ମୃତ୍ୟୁ ମାମଲାରେ ଅବହେଳା କାରଣରୁ ୧୧ ଜଣ ପୋଲିସ କର୍ମଚାରୀଙ୍କୁ ଛଟେଇ କରାଯାଇଛି । ଛଟେଇ ହୋଇଥିବା କର୍ମଚାରୀଙ୍କ ମଧ୍ୟରେ ରହିଛନ୍ତି ୨ଜଣ ସବ୍ ଇନସ୍ପେକ୍ଟର, ୪ଜଣ ହେଡ୍ କନେଷ୍ଟବଳ, ୪ଜଣ ଆସିଷ୍ଟାଣ୍ଟ ଇନସ୍ପେକ୍ଟର ଓ ଜଣେ କନେଷ୍ଟବଳ । ଏହି ପୋଲିସ କର୍ମଚାରୀମାନଙ୍କ ମଧ୍ୟରୁ ୬ଜଣ ପିସିଆରରେ ଡ୍ୟୁଟି କରୁଥିବା ବେଳେ ୫ଜଣ ପୋଲିସ କର୍ମୀ ତଲାଶୀ କାର୍ଯ୍ୟରେ ନିୟୋଜିତ ଥିଲେ । ସ୍ପେଶାଲ ସିପି ଶାଲୀନି ସିଂ ତାଙ୍କ ଯାଂଚ ରିପୋର୍ଟରେ ଏମାନେ ଦୋଷୀ ବୋଲି ଉଲ୍ଲେଖ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏନେଇ କେନ୍ଦ୍ର ଗୃହମନ୍ତ୍ରଣାଳୟ ତକ୍ରାଳ ପ୍ରଭାବରେ ଏମାନଙ୍କୁ ସସ୍ପେଣ୍ଡ କରିବାକୁ ନିର୍ଦ୍ଦେଶ ଦେଇଥିଲେ । ସେପଟେ ଏହି ମୃତ୍ୟୁ ମାମଲାରେ ଅଭିଯୋଗ ପତ୍ରରେ ଧାରା ୩୦୨ ଯୋଡିବାକୁ ମଧ୍ୟ ଗୃହମନ୍ତ୍ରଣାଳୟ ନିର୍ଦ୍ଦେଶ ଦେଇଥିଲେ । ଏହାସହ ସ୍ଥାନୀୟ ଡିସିପିଙ୍କୁ ମଧ୍ୟ କାରଣଦର୍ଶାଅ ନୋଟିସ ଜାରି କରାଯାଇଛି । ଯଦି ଡିସିପି ତାଙ୍କ କାର୍ଯ୍ୟରେ ଅବହେଳା କରିଥିବା ନେଇ ଯାଂଚରେ ସାମ୍ନାକୁ ଆସେ ତେବେ ତାଙ୍କୁ ତୁରନ୍ତ ସସ୍ପେଣ୍ଡ କରିବାକୁ ମଧ୍ୟ ଗୃହମନ୍ତ୍ରଣାଳୟ କହିଛନ୍ତି ।
ଗୃହ ମନ୍ତ୍ରଣାଳୟ ତରଫରୁ କୁହାଯାଇଛି କି ରାଜଧାନୀ ଦିଲ୍ଲୀରେ ଆଇନ ବ୍ୟବସ୍ଥାର ସ୍ଥିତି ସୁଧାରିବା ପାଇଁ ଯାହା ଆବଶ୍ୟକ ତାହା କରାଯିବ । ଯେଭଳି ମହିଳା ଓ ଶିଶୁମାନେ ଭୟର ବାତାବରଣ ଭିତରେ ନରୁହନ୍ତି ତାହା ଉପରେ ନଜର ରଖିବାକୁ କୁହାଯାଇଛି ।
Kanjhawala death case | The 11 Policemen of Rohini District that have been suspended include two Sub Inspectors, four Assistant Sub Inspectors, four Head Constables, and one Constable. Six of them were on PCR duty and five were at the picket on the day of the incident.
— ANI (@ANI) January 13, 2023
ସୂଚନା ଥାଉକି ଡିସେମ୍ବର ୩୧ ତାରିଖ ରାତିରେ ଦିଲ୍ଲୀରେ ଅଞ୍ଜଳୀ ନାମକ ଜଣେ ଝିଅ ସହ ଏକ କାର ଦୁର୍ଘଟଣା ଘଟାଇବା ପରେ କାରଟି ଅଞ୍ଜଳୀଙ୍କୁ ୧୩ କିଲୋମିଟର ପର୍ଯ୍ୟନ୍ତ ଘୋଷାଡି ଘୋଷାଡି ନେଇଯାଇଥିଲା । ଏଥିରେ ଅଞ୍ଜଳୀଙ୍କର ମର୍ମନ୍ତୁଦ ମୃତ୍ୟୁ ହୋଇଥିଲା ।