ବିକାଶର ନଗ୍ନ ଚିତ୍ର, ରାସ୍ତା ନାହିଁ, କାନ୍ଧ ସାହା : ପ୍ରଥମେ ଚିକିତ୍ସା ପାଇଁ ପରେ ମୃତଦେହକୁ ୫ କିମି ବୋହିଲେ ପରିବାର ଲୋକ
କନକ ବ୍ୟୁରୋ : ଦୁର୍ଗମ ଇଲାକାରେ ବିକାଶର ନଗ୍ନ ଚିତ୍ର । ବଣ ପାହାଡ ଘେରା ଅଂଚଳରେ ରାସ୍ତା ନାହିଁ । ନଦୀ ନାଳ ପାର ହୋଇ ଯାଉଛନ୍ତି ଲୋକେ । ସେହିଭଳି ଏହି ରାସ୍ତା ସମସ୍ୟା ଯୋଗୁ ଚିକିତ୍ସା ପାଇଁ ଜଣେ ଗୁରୁତର ରୋଗୀଙ୍କୁ ଖଟିଆରେ ବୁହା ହେଲା । ଆଉ ମୃତ୍ୟୁ ପରେ ବି ମୃତଦେହକୁ ସଂସ୍କାର ପାଇଁ ଖଟିଆରେ ବୋହି ନେଇଛନ୍ତି ପରିବାର । ପ୍ରାୟ ୫ କିଲୋମିଟର ପର୍ଯ୍ୟନ୍ତ ମୃତଦେହକୁ ବୋହି ବୋହି ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହିଭଳି ଚିତ୍ର ଫୁଲବାଣୀ ବ୍ଲକ ତୁଡିପାଜୁ ତାଡପଙ୍ଗା ଗାଁରେ ଦେଖିବାକୁ ମିଳିଛି । ଗାଁର ଜଣେ ବୃଦ୍ଧ ଅସୁସ୍ଥ ହୋଇପଡ଼ିବାରୁ ତାଙ୍କୁ ମେଡିକାଲ ନିଆଯାଇଥିଲା । ହେଲେ ବଣ ପାହାଡ ଘେରା ଅଞ୍ଚଳ ହୋଇଥିବା ବେଳେ ପାହାଡିଆ , ନାଳ ଅତିକ୍ରମ କରି ଚିକିତ୍ସା ପାଇଁ ବହୁ କଷ୍ଟରେ ମେଡିକାଲରେ ପହଞ୍ଚାଇ ଥିଲେ । ସେଠାରେ ବୃଦ୍ଧଙ୍କ ମୃତ୍ୟୁ ହୋଇଯାଇଥିଲା । ଶେଷରେ ପରିବାର ଲୋକେ ମହାପ୍ରୟାଣ ଗାଡିରେ ମୃତଦେହ ଆଣିଥିଲେ । ରାସ୍ତା ସମସ୍ୟା ଯୋଗୁ ଗାଡି ଅଧାର ଛାଡିଯାଇଥିଲା । ପରିବାର ଲୋକେ ପୁଣି ସେହି ନାଳ, ଖାଲଖମା ରାସ୍ତା ଦେଇ ପ୍ରାୟ ୫ କିଲୋମିଟର ପର୍ଯ୍ୟନ୍ତ ମୃତଦେହ ବୋହି ନେଇଥିଲେ । ଗାଁରେ ପହଞ୍ଚିବା ପରେ ତାଙ୍କର ଅନ୍ତିମ ସଂସ୍କାର କରିଥିଲେ ।