ରାହୁଲ ଗାନ୍ଧୀ ନା ପ୍ରଧାନମନ୍ତ୍ରୀ ମୋଦୀ କିଏ କରିଥିଲେ ସାହାଯ୍ୟ ? ସଂସଦରେ ଅମିତ ଶାହାଙ୍କ ଦାବି ପରେ ମୁହଁ ଖୋଲିଲେ କଳାବତୀ
କନକ ବ୍ୟୁରୋ : ସଂସଦରେ ଅବିଶ୍ୱାସ ପ୍ରସ୍ତାବ ଉପରେ ଚର୍ଚ୍ଚା ଚାଲିଥିବା ବେଳେ ଗୃହମନ୍ତ୍ରୀ ଅମିତ୍ ଶାହା ମହାରାଷ୍ଟ୍ରର ବିଦର୍ଭରେ କଳାବତୀ ବନ୍ଦୁରକରଙ୍କ କଥା କହିଥିଲେ । ଅମିତ୍ ଶାହା ଦାବି କରିଥିଲେ କି, ରାହୁଲ ଗାନ୍ଧୀ ଯେଉଁ ଗରିବ ମହିଳା କଳାବତୀଙ୍କ ଘରେ ଭୋଜନ କରିଥିଲେ ସେହି ମହିଳାଙ୍କୁ ସାହାଯ୍ୟ ରାହୁଲ ଗାନ୍ଧୀ ନୁହେଁ ବରଂ ମୋଦୀ କରିଥିଲେ । ଶାହାଙ୍କ ଏହି ବୟାନ ପରେ ବିଧବା କୃଷକ କଳାବତୀଙ୍କୁ ନେଇ ସାରା ଦେଶରେ ଚର୍ଚ୍ଚା ଆରମ୍ଭ ହୋଇଯାଇଛି । ଏବେ କଳାବତୀ ଅମିତ ଶାହାଙ୍କ ଦାବି ଉପରେ ପ୍ରତିକ୍ରିୟା ରଖିଛନ୍ତି । ସେ ତାଙ୍କ ପ୍ରତିକ୍ରିୟାରେ କହିଛନ୍ତି କି ଅମିତ ଶାହା ସଂସଦରେ ମିଛ କହିଛନ୍ତି । ରାହୁଲ ଗାନ୍ଧୀଙ୍କ ସହ ଭେଟ ପରେ ତାଙ୍କୁ ସହାୟତା ମିଳିଥିଲା ଓ ବିଜେପିର ସେହି ସହାୟତା ସହ କୌଣସି ସଂପର୍କ ନଥିବା କଥା ସେ ରୋକଠୋକ ମନା କରିଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅମିତ ଶାହା ରାହୁଲ ଗାନ୍ଧୀଙ୍କୁ କଟାକ୍ଷ କରି କହିଥିଲେ କି, ରାହୁଲ ଗାନ୍ଧୀ ବୁନ୍ଦେଲଖଣ୍ଡର ଗରିବ ମହିଳା କଳାବତୀଙ୍କ ଘରେ ଭୋଜନ କରି ସଂସଦରେ ଗରିବଙ୍କ ବାବଦରେ ବର୍ଣ୍ଣନା କରିଥିଲେ । ହେଲେ ସେହି ଗରିବ ମହିଳାଙ୍କ ପ୍ରତି କଂଗ୍ରେସ ସରକାର କଣ ସହାୟତା କରିଥିଲା କି ? ବରଂ ମୋଦୀ ସରକାର କଳାବତୀଙ୍କ ଘରକୁ ବିଜୁଳି, ସୌଚାଳୟ ଓ ଗରିବ କଲ୍ୟାଣ ଯୋଜନାରେ ସାମିଲ କରାଯାଇଛି । ତେଣୁ ଯେଉଁ କଳାବତୀଙ୍କ ଘରେ ରାହୁଲ ଗାନ୍ଧୀ ଭୋଜନ କରିଥିଲେ ସେହି କଳାବତୀ ବି ମୋଦୀଙ୍କ ସମର୍ଥନରେ ଠିଆ ହୋଇଛି ବୋଲି ଅମିତ୍ ଶାହା କହିଥିଲେ । ଏହାପରେ ଅମିତ ଶାହା ମଧ୍ୟ ଆଉ ଏକ ଭୁଲ ତଥ୍ୟ ସଂସଦରେ ଉପସ୍ଥାପନ କରିଥିଲେ । ଯାହା କି କଳାବତୀଙ୍କ ବାସ୍ତବ ଘର ବୁନ୍ଦେଲଖଣ୍ଡ ବୋଲି ଅମିତ ଶାହା କହିଥିବା ବେଳେ ବାସ୍ତବରେ ଯେଉଁ କଳାବତୀଙ୍କ ଘରେ ରାହୁଲ ଗାନ୍ଧୀ ଭୋଜନ କରିଥିଲେ ତାଙ୍କ ଘର ମହାରାଷ୍ଟ୍ରର ୟବତମାଲରେ ।
କଳାବତୀଙ୍କ ପ୍ରୁ ପ୍ରୀତମ କହିଛନ୍ତି କି, ରାହୁଲ ଗାନ୍ଧୀଙ୍କ ସହ ଭେଟ ପରେ ରାହୁଲ ଗାନ୍ଧୀ ଆମ ପରିବାରକୁ ୩୦ ଲକ୍ଷ ଟଙ୍କାର ସହାୟତା ଯୋଗାଇବା ସହ ଆମ ପାଇଁ ଘରର ବ୍ୟବସ୍ଥା କରିଥିଲେ । କେବଳ ସେତିକି ନୁହେଁ ଘରକୁ ପାଣି ଯୋଗାଣ ଓ ବିଜୁଳି ସଂଯୋଗ ମଧ୍ୟ ରାହୁଲ ଗାନ୍ଧୀଙ୍କ ଦ୍ୱାରା କରାଯାଇଥିଲା । ପ୍ରୀତମ କହିଛନ୍ତି କି, ସେତେବେଳେ ଆମକୁ ଯାହା ମିଳିଛି ତାହା କେବଳ ରାହୁଲ ଗାନ୍ଧୀଙ୍କ ପାଇଁ ମିଳିଛି ।