ସମୁଦ୍ରରେ ଲୀନ ହୋଇଯିବ ମୁମ୍ବାଇ ସହର! ପାଣିରେ ବୁଡ଼ିଯିବ ଭାରତର ମାୟାନଗରୀ
କନକ ବ୍ୟୁରୋ: ସମୁଦ୍ର ଗର୍ଭରେ ବିଲୀନ ହୋଇଯିବ ମୁମ୍ବାଇ ସମେତ ବିଶ୍ୱର ଅନେକ ବଡ ବଡ ସହର । କଥାଟି ବିଶ୍ୱାସ ହେଉନଥିଲେ ବି ଏହା ସତ । ଏନେଇ ଜାତିସଂଘ ପକ୍ଷରୁ ଏକ ରିପୋର୍ଟ ପ୍ରକାଶ କରିଛି । ଜଳବାୟୁ ପରିବର୍ତ୍ତନ ଯୋଗୁ ପୃଥିବୀର ତାପମାତ୍ରା କ୍ରମଶଃ ବଢିବାରେ ଲାଗିଛି । ଫଳରେ ଏଭରେଷ୍ଟ ଭଳି ବଡ ବଡ ବରଫ ପାହାଡ ତରଳିବା ସହ ସମୁଦ୍ରରେ ଜଳସ୍ତର ବୃଦ୍ଧି ପାଇବାରେ ଲାଗିଛି । ଏହାର ପ୍ରଭାବ ସମୂଦ୍ରକୂଳରେ ଥିବା ସହରରେ ପଡ଼ିବ ବୋଲି ମିଳିତ ଜାତିସଂଘ ପକ୍ଷରୁ ଚିନ୍ତାପ୍ରକଟ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସମୁଦ୍ର ଜଳସ୍ତର ବୃଦ୍ଧି ମାନବ ସମାଜ ପାଇଁ କେତେ ବଡ଼ ସଂକଟ ଆଣିପାରେ, ସେନେଇ ଏକ ବଡ଼ ଆକଳନ କରିଛି ମିଳିତ ଜାତିସଂଘ । ୟୁଏନର ରିପୋର୍ଟ ଅନୁସାରେ ଜଳବାୟୁ ପରିବର୍ତନ ଯୋଗୁଁ ଏଭରେଷ୍ଟ ଭଳି ବଡ ବଡ ବରଫ ପାହାଡ ତରଳିବା ସହ ସମୁଦ୍ରରେ ଜଳସ୍ତର ବୃଦ୍ଧି ପାଇବାରେ ଲାଗିଛି । ସମୁଦ୍ରର ଜଳସ୍ତର ବଢିବା ଫଳରେ କିଛି ସହର ଏବେ ପାଣିରେ ମିଶି ଯାଇଥିବା ବେଳେ ଆଗାମୀ ଦିନରେ ଆଉ କିଛି ବଡ ବଡ ସହର ପାଣିରେ ବିଲିନ ହୋଇଯିବ ବୋଲି ଆକଳନ କରିଛି ଜାତିସଂଘ । ଏଥିରେ ସବୁଠୁ ଅଧିକ ପ୍ରଭାବିତ ହେବେ ଭାରତ, ଚୀନ, ବାଂଲାଦେଶ ଓ ନେଦରଲାଣ୍ଡ । ପ୍ରାୟ ୨୫ କୋଟିରୁ ୪୦ କୋଟି ଲୋକ ସେମାନଙ୍କ ବାସଗୃହ ହରାଇବେ ଏବଂ ପାୟ ୯୦ କୋଟି ଲୋକ ପ୍ରଭାବିତ ହେବେ ବୋଲି ରିପୋର୍ଟ ପ୍ରକାଶ କରିଛି ଜାତିସଂଘ । ଜାତିସଂଘ ଏଭଳି ରିପୋର୍ଟ ପରେ ସମୂଦ୍ରକୂଳରେ ଘର କରିଥିବା ଲୋକଙ୍କ ମନରେ ଛନକା ପଶିଯାଇଛି ।
ଏହି ରିପୋର୍ଟ ଅନୁସାରେ, ବୁଡ଼ିଯିବ ତଟବର୍ତ୍ତୀ ଅଞ୍ଚଳର ବଡ଼ ବଡ଼ ସହର! ସମୁଦ୍ର ଗର୍ଭରେ ବିଲିନ ହେବ ମୁମ୍ବାଇ ସମେତ ବିଶ୍ୱର ୭ ସହର । ମୁମ୍ବାଇ, ବ୍ୟାଙ୍କକ୍, ଲଣ୍ଡନ, ସାଂଘାଇ, ନ୍ୟୁୟର୍କ ଭଳି ସହର ପ୍ରତି ବେଶି ବିପଦ ରହିଛି । ୮୦ ବର୍ଷ ମଧ୍ୟରେ ବୁଡିଯିବ ଏହି ଏସବୁ ସହର । ଉପକୂଳ ବର୍ତ୍ତିିର୍ ଅଞ୍ଚଳରେ ବାସ କରୁଥିବା ୯୦ କୋଟି ଲୋକେ ପ୍ରଭାବିତ ହେବେ । ଧିରେ ଧିରେ ପୃଥିବୀର ତାପମାତ୍ରା ବଢୁଥିବାରୁ ଏଭଳି ସମସ୍ୟା ଦେଖାଯିବ । ୧୯୦୦ ମସିହାରୁ ଦ୍ରୁତ ଗତିରେ ବଢୁଛି ଜଳସ୍ତର । ଗତ ୩ ହଜାର ବର୍ଷ ମଧ୍ୟରେ ଏହା ଦ୍ରୁତତମ ରହିଛି । ଆଗୀମୀ ୧୦୦ ବର୍ଷରେ ନିଶ୍ଚିହ୍ନ ହୋଇଯିବ ଅନେକ ତଳିଆ ରାଷ୍ଟ୍ର । ୨୦୫୦ ସୁଦ୍ଧା ତଳିଆ ଦେଶରେ ସମୂଦ୍ରର ଜଳସ୍ତର ଏକ ମିଟର ବଢିବ । ଫିଜି, ଭାନୁଆଟୁ, ସୋମାଲୋମାନ ଦ୍ୱୀପରେ ଏହାର ପ୍ରଭାବ ଦେଖିବାକୁ ମିଳିଲାଣି । ସେଠାକାର ଲୋକେ ଏବେ ଅନ୍ୟତ୍ର ପଳାୟନ କରୁଛନ୍ତି ।