ନିଜକୁ ଗୁଳି ମାରିଦେଲେ ଡିଆଇଜି ସି ବିଜୟକୁମାର : କାହିଁକି କଲେ ଆତ୍ମହତ୍ୟା? କ’ଣ କହିଲେ ସହକର୍ମୀ
କନକ ବ୍ୟୁରୋ : ନିଜକୁ ଗୁଳି ମାରିଦେଲେ ଡିଆଇଜି । ତାମିଲନାଡୁର କୋଇମ୍ବାଟୋର ରେଞ୍ଜ ଡିଆଇଜି ସି ବିଜୟକୁମାର ନିଜକୁ ଗୁଳି ମାରି ମୃତ୍ୟୁବରଣ କରିଛନ୍ତି । ଆଜି ସକାଳେ ନିଜ କ୍ୟାମ୍ପ ଅଫିସରେ ନିଜ ମୁଣ୍ଡକୁ ଗୁଳି ମାରିଦେଇଛନ୍ତି । ସୂଚନା ମୁତବାକ, ବିଜୟକୁମାର ଆଜି ସକାଳୁ ଉଠିବା ପରେ ପ୍ରାତ ଭ୍ରମଣରେ ଯାଇଥିଲେ । ସକାଳ ୬ ଟା ୪୫ ମିନିଟ୍ ସମୟରେ ଅଫିସକୁ ଆସିବା ପରେ ତାଙ୍କ ପିଏସଓଙ୍କୁ ତାଙ୍କ ବନ୍ଧୁକ ଆଣିବାକୁ କହିଥିଲେ ।
Kanak News is now on WhatsApp
Join and get latest news updates delivered to you via WhatsApp
ପିଏସଓ ବନ୍ଧୁକ ଦେଇ ଯିବା ପରେ ପ୍ରାୟ ୬ଟା ୫୦ ମିନିଟ୍ ସମୟରେ ନିଜକୁ ଗୁଳି କରି ଦେଇଥିଲେ ଡିଆଇଚି । ପରେ ଅଫିସରେ ଥିବା ଅନ୍ୟ କର୍ମଚାରୀମାନେ ଉପରିସ୍ଥ ଅଧିକାରୀଙ୍କୁ ଏ ସମ୍ପର୍କରେ ସୂଚନା ଦେଇଥିଲେ । କିଛି ସପ୍ତାହ ହେବ ସେ ଠିକସେ ଶୋଇପାରୁନଥିବା ନେଇ ତାଙ୍କ ସହକର୍ମୀଙ୍କୁ କହୁଥିଲେ । ଡିପ୍ରେସନ ତଥା ମାନସିକ ଚାପରେ ରହୁଥିବା ନେଇ ସହକର୍ମୀଙ୍କୁ କହୁଥିଲେ ବିଜୟକୁମାର । କିନ୍ତୁ କ’ଣ ପାଇଁ ଏଭଳି ଆତ୍ମହତ୍ୟା କଲେ ସେନେଇ କିଛି ସ୍ପଷ୍ଟ ସୂଚନା ମଳିପାରିନାହିଁ ।