ବିଶ୍ୱ ଅର୍ଥନୀତିକୁ ସତର୍କ କରାଇଲା ଆଇଏମଏଫ୍ : ଆହୁରି ଖରାପ ସମୟ ଆସୁଛି; ଭାରତର ଆର୍ଥିକ ଅଭିବୃଦ୍ଧି ୬.୮ % ହ୍ରାସ ଆକଳନ
କନକ ବ୍ୟୁରୋ : ବିଶ୍ୱ ଅର୍ଥନୀତିକୁ ନେଇ ସତର୍କ କରିଛି ଅନ୍ତର୍ଜାତୀୟ ମୁଦ୍ରା ପାଣ୍ଠି ବା ଆଇଏମଏଫ୍ । ଆଇଏମଏଫ୍ କହିଛି, ବିଶ୍ୱ ଅର୍ଥନୀତି ପାଇଁ ଆଗକୁ ଆହୁରି ଖରାପ ସମୟ ଆସୁଛି । ଏପଟେ ଭାରତର ଆର୍ଥିକ ଅଭିବୃଦ୍ଧି ହ୍ରାସ ପାଇବ ବୋଲି କହିଛି ଆଇଏମଏଫ୍ । ଜୁନ ମାସରେ ଭାରତର ଜିଡିପି ଅଭିବୃଦ୍ଧି ୨୦୨୨ ମସିହାରେ ୭.୪ ପ୍ରତିଶତ ଆକଳନ କରାଯାଇଥିଲା । ତେବେ ଏଥିରେ ହ୍ରାସ ପାଇବ ବୋଲି ଆଇଏମଏଫ୍ ପୂର୍ବାନୁମାନ କରିଛି ।
Kanak News is now on WhatsApp
Join and get latest news updates delivered to you via WhatsApp
ଆନୁଆଲ ୱାର୍ଲ୍ଡ ଇକୋନମିକ୍ ଆଉଟଲୁକ୍ ରିପୋର୍ଟରେ ଭାରତର ଆର୍ଥିକ ଅଭିବୃଦ୍ଧି ୬.୮ ପ୍ରତିଶତ ରହିବ ବୋଲି ଆକଳନ କରାଯାଇଛି । ସେହିପରି ୨୦୨୩ ଆର୍ଥିକ ବର୍ଷରେ ଅଭିବୃଦ୍ଧି ୬.୧ ପ୍ରତିଶତ ହେବ ବୋଲି ପୂର୍ବାନୁମାନ କରିଛି ଅନ୍ତର୍ଜାତୀୟ ମୁଦ୍ରା ପାଣ୍ଠି । ତେବେ ବିଶ୍ୱ ବ୍ୟାଙ୍କର ଦକ୍ଷିଣ ଏସିଆ ମୁଖ୍ୟ ଅର୍ଥନୀତିଜ୍ଞ କହିଛନ୍ତି, ଅନ୍ୟ ଦେଶ ତୁଳନାରେ ଭାରତର ସ୍ଥିତି ଭଲ ଅଛି । ସେ କହିଛନ୍ତି, କରୋନା ମହାମାରୀ ବେଳେ ଭାରତ ସରକାର ବଳିଷ୍ଠ ପଦକ୍ଷେପ ନେଇଥିବାରୁ ଏହାର ସୁଫଳ ମିଳିଛି ।