କନକ ବ୍ୟୁରୋ: କାଲିଠାରୁ ଆରମ୍ଭ ହେବ ଆଇପିଏଲ ୨୦୨୩ । ପ୍ରଥମ ମ୍ୟାଚରେ ମୁହାଁମୁହିଁ ହେବେ ଚେନ୍ନାଇ ସୁପର କିଙ୍ଗସ ଓ ଗୁଜରାଟ ଟାଇଟନ୍ସ । ଆଇପିଏଲକୁ ନେଇ ସବୁ ଟିମ ନିଜ ପ୍ରସ୍ତୁତି ଆରମ୍ଭ କରିସାରିଲେଣି । ଏହାସହ ନିଜ ହୋମ ଟାଉନରେ ଟ୍ରେନିଂ କ୍ୟାମ୍ପ ମଧ୍ୟ ଆରମ୍ଭ ହୋଇଗଲାଣି । ଖେଳାଳିମାନଙ୍କ ପ୍ରାକ୍ଟିସ ପାଇଁ ଏହି କ୍ୟାମ୍ପକୁ ନେଟ ବୋଲର୍ସଙ୍କୁ ଡାକରା ଆସିଥାଏ । ହେଲେ ଆପଣ ଜାଣିଛନ୍ତି କି ଆଇପିଏଲରେ ନେଟ ବୋଲର୍ସଙ୍କୁ କେତେ ଟଙ୍କା ଦରମା ମିଳିଥାଏ?
Kanak News is now on WhatsApp
Join and get latest news updates delivered to you via WhatsApp
ଆଇପିଏଲ ଖେଳାଳିଙ୍କୁ କେତେ ଟଙ୍କା ମିଳିବ ତାହା ନିଲାମୀ ଓ କଣ୍ଟ୍ରାକ୍ଟରୁ ଧାର୍ଯ୍ୟ ହୋଇଥାଏ । ହେଲେ ନେଟ ବୋଲର୍ସଙ୍କୁ କେତେ ଦରମା ମିଳେ ତାହା କାହାକୁ ବି ଜଣାନଥାଏ । ଯଦି ଆପଣଙ୍କୁ କୁହାଯିବ ନେଟ ବୋଲର୍ସଙ୍କୁ ତାଙ୍କ ପାରିଶ୍ରମିକ କିଛି ବି ମିଳିନଥାଏ ସେମାନେ ଫ୍ରିରେ ସର୍ଭିସ ଦେଇଥାନ୍ତି ତେବେ ଆପଣ ନିଶ୍ଚୟ ଚକିତ ହୋଇଯିବେ । ଆପଣ ଭାବିବେ ଖେଳାଳି ଓ ଷ୍ଟାଫଙ୍କୁ କୋଟି କୋଟି ଟଙ୍କା ଦେଉଥିବା ଫ୍ରାଞ୍ଚାଇଜ କଣ ସତରେ ନେଟ ବୋଲରଙ୍କୁ ଫ୍ରିରେ କାମ କରାଇଥାନ୍ତି । ଆଜ୍ଞା ହଁ ଏକଥା ପୂରା ସତ । ଆଇପିଏଲରେ ନେଟ ବୋଲର୍ସଙ୍କୁ ଫ୍ରିରେ ରଖାଯାଇଥାଏ ।
କରୋନା ପୂର୍ବରୁ ନେଟ ବୋଲର୍ସ ଫ୍ରିରେ ରହୁଥିଲେ । ହେଲେ କରୋନା ବେଳେ ପ୍ରୋଟୋକଲ୍ସମାନି ସେମାନଙ୍କୁ ବାୟୋବବଲରେ ରଖାଗଲା । ସେମାନଙ୍କୁ ସାଙ୍ଗରେ ନବାଆଣିବା ବି କରଗାଗଲା । ଆଉ ସେତେବେଳେ ସେମାନଙ୍କୁ ଗୋଟିଏ ସିଜିନରେ ୫ ଲକ୍ଷ ଟଙ୍କା ଦିଆଯିବା ସହ ରହିବା ଖାଇବା ଖର୍ଚ୍ଚ ବି ବହନ କରାଯାଉଥିଲା । ହେଲେ ଏବେ କରୋନା ଶେଷ ହେବା ପରେ ଖେଳାଳିଙ୍କୁ ଫ୍ରିରେ ରଖିବାର ପରମ୍ପରା ଆରମ୍ଭ ହୋଇଯାଇଛି । ଟିମ ଯେଉଁ ସହରକୁ ମ୍ୟାଚ ଖେଳିବାକୁ ଯାଇଥାଏ, ସେହିଠାରୁ ହିଁ ଲୋକାଲ ନେଟ ବୋଲର୍ସଙ୍କ ବନ୍ଦୋବସ୍ତ କରାଯାଇଥାଏ । ସେଥିପାଇଁ ନେଟ ବୋଲର୍ସଙ୍କ ସାଙ୍ଗରେ ରଖିବା, ଖାଇବା ଓ ହୋଟେଲ ଖର୍ଚ୍ଚ ବହନ କରିବା ଆବଶ୍ୟକତା ପଡୁନାହିଁ ।
ଯଦି ଫ୍ରାଞ୍ଚାଇଜଙ୍କର କୌଣସି ଖାସ ନେଟ ବୋଲରଙ୍କ ଆବଶ୍ୟକତା ରହିଥାଏ ତେବେ ସେମାନ ଟିମ ମ୍ୟାନେଜମେଣ୍ଟ ଦ୍ୱାରା ତାଙ୍କୁ ସ୍ୱତନ୍ତ୍ର ଡାକିଥାନ୍ତି । ଆଉ ତାଙ୍କୁ ଦିନ ହିସାବରେ ୭ ହଜାର ଟଙ୍କା ଦିଆଯାଇଥାଏ । ତେବେ ବିନା ପାରିଶ୍ରମିକରେ ନେଟ ବୋଲର୍ସଙ୍କୁ କଣ ଫାଇଦା ମିଳିଥାଏ । ଟିମ ସହ ଯୋଡି ହେବା ପରେ ନେଟ ବୋଲରଙ୍କ ଡାଇଟର ଧ୍ୟାନ ଫ୍ରାଞ୍ଚାଇଜ ରଖିଥାଏ, ଅନେକ କିଛି ଶିଖିବାକୁ ମିଳିଥାଏ- ଯେମିତିକି ଷ୍ଟାର ଖେଳାଳିଙ୍କୁ ବୋଲିଂ କରିବାର ସୁଯୋଗ ମିଳିଥାଏ, କୋଚଙ୍କଠାରୁ ବିଭିନ୍ନ ଟେକ୍ନିକ ଶିଖିବାକୁ ମିଳିଥାଏ, ନିଜର ଦୁର୍ବଳ ପଏଣ୍ଟ ସୁଧାରିବାର ସୁଯୋଗ ମିଳିଥାଏ ।
ଯଦି କୌଣସି ସ୍ପୋର୍ଟସ ଏକାଡେମୀ ନିଜ ତରଫରୁ ନେଟ ବୋଲର୍ସ ଦେଇଥାନ୍ତି କିମ୍ବା ଖେଳାଳି ନିଜେ ନେଟ୍ସ ବୋଲର୍ସ ହୋଇଥାନ୍ତି ତେବେ ସେଠାରେ ତାଙ୍କୁ ଟଙ୍କା ଦିଆଯାଇନଥାଏ । କାରଣ ସେଠାରେ ନେଟ୍ସ ବୋଲର ନିଜ ପ୍ରତିଭା ଦେଖାଇଥାନ୍ତି । ଏଥିରେ ତାକୁ ଆଗକୁ ଖେଳିବାକୁ ସୁଯୋଗ ମିଳିନଥାଏ । ଏହାର ଉଦାହରଣ ହେଉଛନ୍ତି ଉମରାନ ମଲ୍ଲିକ । ଉମରାନ ନେଟ ବୋଲର ଭାବେ ସନରାଇଜର୍ସ ହାଇଦ୍ରାବାଦ ଟିମରେ ଯୋଗ ଦେଇଥିଲେ ଆଉ ପରେ ଟିମ ଇଣ୍ଡିଆରେ ଡେବ୍ୟୁ କରିଥିଲେ ।