ସ୍ୱାମୀ, ସ୍ତ୍ରୀଙ୍କ କଳି ଭିତରେ ବଳି ପଡିଲେ ହୋମଗାର୍ଡ କମାଣ୍ଡାଣ୍ଟ । ଏସଡିଏମ୍ ଜ୍ୟୋତି ମୌର୍ଯ୍ୟଙ୍କ ଘଟଣାରେ ସସପେଣ୍ଡ ହେବେ ମନୀଷ ଦୁବେ!
କନକ ବ୍ୟୁରୋ: ଏସଡିଏମ୍ ଜ୍ୟୋତି ମୌର୍ଯ୍ୟ ଓ ସ୍ୱାମୀ ଆଲୋକ ମୌର୍ଯ୍ୟଙ୍କ କଳି ଭିତରେ ବଳି ପଡିଲେ ହୋମଗାର୍ଡ କମାଣ୍ଡାଣ୍ଟ ମନୀଷ ଦୁବେ । ଜ୍ୟୋତିଙ୍କ ସହ ମନୀଷଙ୍କ ସମ୍ପର୍କ ଥିବା ନେଇ ଆଲୋକ ଅଭିଯୋଗ କରିବା ପରେ ସାକ୍ଷୀ ପ୍ରମାଣର ଯାଞ୍ଚ କରିଥିଲେ ବିଭାଗୀୟ ଅଧିକାରୀ । ଏହି ଘଟଣାରେ ସମସ୍ତ ସାକ୍ଷୀଙ୍କ ବୟାନ ରେକର୍ଡ କରଯିବା ତଥା ଯାଞ୍ଚ କରାଯିବା ପରେ ମନୀଷ ଦୁବେ ଦୋଷୀ ବୋଲି ପ୍ରମାଣିତ ହୋଇଛନ୍ତି । ଫଳରେ ତାଙ୍କର ନିଲମ୍ବନ ପାଇଁ ସୁପାରିଶ ହୋଇଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ମହୋବା ହୋମଗାର୍ଡ ଜିଲ୍ଲା କମାଣ୍ଡାଣ୍ଟ ମନୀଷ ଦୁବେଙ୍କର ଏସଡିଏମ୍ ଜ୍ୟୋତି ମୌର୍ଯ୍ୟଙ୍କ ସହ ସମ୍ପର୍କ ଥିବା ମାମଲା ବିବାଦୀୟ ହେବା ପରେ ଏହାର ଯାଞ୍ଚ ଦାୟିତ୍ୱ ନେଇଥିଲେ ହୋମଗାର୍ଡ ଡିଆଇଜି ସନ୍ତୋଷ ସିଂ । ସବୁ ସାକ୍ଷୀ ଓ ପ୍ରମାଣ ଯାଞ୍ଚ କରିବା ପରେ ରିପୋର୍ଟକୁ ହୋମଗାର୍ଡ ଡିଜିଙ୍କୁ ହସ୍ତାନ୍ତର କରିଛନ୍ତି, ଯେଉଁଥିରେ ମନୀଷ ଦୁବେ ଦୋଷୀ ପ୍ରମାଣିତ ହୋଇଛନ୍ତି । ମନୀଷ ବିଭାଗୀୟ ଛବିକୁ କ୍ଷୁର୍ଣ୍ଣ କରିଥିବା ରିପୋର୍ଟରେ ଉଲ୍ଲେଖ ହୋଇଛି । ତେଣୁ ତାଙ୍କୁ ଚାକିରୀରୁ ନିଲମ୍ବନ କରାଯିବାକୁ ସୁପାରିଶ କରାଯାଇଛି ।