୭ ଦିନରେ ୯ ଲକ୍ଷ କୋଟି କ୍ଷତି ସହିଲେଣି ଆଦାନୀ । କେବେ ରୋକିବ ଏହି କ୍ଷତି?
କନକ ବ୍ୟୁରୋ: ଆମେରିକା ହିିଣ୍ଡନବର୍ଗର ରିପୋର୍ଟ ଆସିବା ପରେ ବଡ ଧରଣର କ୍ଷତି ଦେଖିଛି ଅଦାନୀ ଗ୍ରୁପ । ସେୟାରବଜାରରେ ଲଗାତାର ହ୍ରାସ ହେବା ପରେ ଆଦାନୀ ଗ୍ରୁପର ମାର୍କେଟ୍ କ୍ୟାପିଟାଲାଇଜେସନ୍ ଲଗାତାର କମିବାରେ ଲାଗିଛି । ମାତ୍ର ୭ ଦିନରେ ଅଦାନୀ ଗ୍ରୁପ୍ ୧୦ ଲକ୍ଷ କୋଟି ଟଙ୍କା ହରାଇଛି । ଅଦାନୀ ପାୱର, ଅଦାନୀ ଟୋଟାଲ ଗ୍ୟାସ୍, ଅଦାନୀ ବିଲ୍ମର, ଅଦାନୀ ଗ୍ରୀନ୍, ଅଦାନୀ ଟ୍ରାନ୍ସମିଶନ୍, ଅଦାନୀ ପୋର୍ଟସ୍, ଅଦାନୀ ଟ୍ରାନ୍ସମିଶନ, ଅଦାନୀ ଏଣ୍ଟରପ୍ରାଇଜେସ୍, ଅମ୍ବୁଜା ସିମେଣ୍ଟସ୍, ଏସିସି , ଓ ଏନଡିଟିଭିକୁ ମିଶାଇ ଷ୍ଟକ୍ ମାର୍କେଟରେ ଅଦାନୀ ଗ୍ରୁପର ପାଖାପାଖି ୧୦ ସେୟାର ଅନସୂଚିତ ଅଛି । ହେଲେ ଆମେରିକା ହିଣ୍ଡନବର୍ଗ ରିପୋର୍ଟ ଆସିବା ପରେ ଏସବୁ ସେୟାରରେ ୫୦ ପ୍ରତିଶତ ଯାଏଁ ହ୍ରାସ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅଦାନୀ ଝଡ଼ ଯୋଗୁଁ ସେୟାର ବଜାରରେ ଅସ୍ଥିରତା ଦେଖା ଦେଇଥିବା ବେଳେ ବ୍ୟାଙ୍କ ସଂପର୍କରେ ଏଭଳି ମନ୍ତବ୍ୟ ରଖିଛନ୍ତି ଭାରତୀୟ ରିଜର୍ଭ ବ୍ୟାଙ୍କ । ଅଦାନୀ ଗ୍ରୁପକୁ ଏସବିଆଇ, ପଂଜାବ ନ୍ୟାସନାଲ୍ ବ୍ୟାଙ୍କ ସମେତ କିଛି ରାଷ୍ଟ୍ରାୟତ ବ୍ୟାଙ୍କ ବିପୁଳ ପରିମାଣ ରୁଣ ଦେଇଥିବା ନେଇ ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଥିଲା ।
ଆଶଙ୍କା ପାଇଥିଲା ଯେ ଅଦାନୀ ଗ୍ରୁପ ଭଳି ଭାରତୀୟ ବ୍ୟାଙ୍କ ମଧ୍ୟ ପ୍ରଭାବିତ ହେବେ । ତେବେ ଆରବିଆଇ ଶୁଣାଇଛି ଆଶ୍ୱସ୍ତବାଣୀ । ବିଜ୍ଞପ୍ତି ଜାରି କରି ରିଜର୍ଭ ବ୍ୟାଙ୍କ ପକ୍ଷରୁ କୁହାଯାଇଛି ଯେ ବ୍ୟାଙ୍କଗୁଡିକର ଆର୍ଥିକ ସ୍ୱାସ୍ଥ୍ୟ ଠିକ୍ ରହିଛି । ଭାରତୀୟ ବ୍ୟାଙ୍କିଙ୍ଗ୍ ସେକ୍ଟର ଓ ସମସ୍ତ ବ୍ୟାଙ୍କଗୁଡିକ ଉପରେ କଡ଼ା ନଜର ରଖାଯାଇଛି । ୫ କୋଟି କିମ୍ବା ତା’ଠାରୁ ଅଧିକ ଟଙ୍କା ରୁଣର ଡାଟା-ବେସ୍କୁ ତଦାରଖ କରାଯାଉଛି । ଆରବିଆଇ କହିଛି, ବ୍ୟାଙ୍କଗୁଡିକ ଭଲ ସ୍ଥିତିରେ ଅଛନ୍ତି ।