ଆଜି ରଙ୍ଗର ପର୍ବ ହୋଲି : ପରସ୍ପରକୁ ଅବିର ବୋଳି ଉତ୍ସବ ମନାଇବେ ଲୋକ; ଓଡିଶାରେ ସାର୍ବଜନୀନ ସ୍ଥାନରେ ରଙ୍ଗ ଖେଳିବା ମନା
ସେପଟେ ମଥୁରାରେ ଧୁମଧାମରେ ପାଳନ ହେଲା ହୋଲି ; ବୃନ୍ଦାବନ, ପ୍ରୟାଗରାଜ ସମେତ ଉତର ଭାରତ ଉତ୍ସବ ମୁଖର
କନକ ବ୍ୟୁରୋ : ପବିତ୍ର ଦୋଳ ପୂର୍ଣ୍ଣିମା ପରେ ଆଜି ସାରା ଓଡିଶାରେ ହୋଲି ଉତ୍ସବ ପାଳନ ହେଉଛି । ରଙ୍ଗର ପର୍ବକୁ ନେଇ ପଲ୍ଲିରୁ ସହର ସବୁଠି ଉତ୍ସବ ମୁଖର । କରୋନା କଟକଣା ଭିତରେ ପାଳନ ହେବ ହୋଲି । ଓଡିଶାରେ ସର୍ବସାଧାରଣ ସ୍ଥାନରେ ହୋଲି ଖେଳିବାକୁ ଲୋକଙ୍କୁ ବାରଣ କରାଯାଇଛି । କେବଳ ପରିବାର ଭିତରେ ହୋଲି ଖେଳିବାକୁ ଅନୁମତି ରହିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଦୋଳ ପୂର୍ଣ୍ଣିମାରୁ ଉତ୍ତର ଭାରତରେ ହୋଲି ଉତ୍ସବ ଆରମ୍ଭ ହୋଇଯାଇଥିବା ବେଳେ ଆଜି ଓଡିଶାରେ ହୋଲି ପାଳନ କରାଯିବ । ହୋଲିରେ ରାସାୟନିକ ରଙ୍ଗ ବଦଳରେ ହର୍ବାଲ ହୋଲି ଖେଳି ନିଜକୁ ଅନ୍ୟମାନଙ୍କୁ ସୁରକ୍ଷିତ ରଖିବାକୁ ପରାମର୍ଶ ଦେଇଛନ୍ତି ବିଶେଷଜ୍ଞ । ଗତକାଲି ଭୁବନେଶ୍ୱରରେ ବିଭିନ୍ନ ରଙ୍ଗ ଦୋକାନରେ ଚଢାଉ କରି ରାସାୟନିକ ରଙ୍ଗ ଜବତ କରିଛି କମିସନରେଟ ପୁଲିସ ।