କନକ ବ୍ୟୁରା: ପଞ୍ଜାବରେ ବଡ ବିଜୟ ପରେ ଆମ୍ ଆଦମୀ ପାର୍ଟିର ନେତା ଭଗୱନ୍ତ ମାନ୍ ମୁଖ୍ୟମନ୍ତ୍ରୀ ଭାବେ ଶପଥ ନେଇସାରିଛନ୍ତି । ଆଉ ଆସନ୍ତାକାଲି ଅର୍ଥାତ, ମାର୍ଚ୍ଚ ୧୯ ତାରିଖରେ ଭଗୱନ୍ତ ମାନଙ୍କ କ୍ୟାବିନେଟର ଶପଥ ଗ୍ରହଣ ସମାରୋହ ହେବାକୁ ଯାଉଛି । ମିଳିଥିବା ସୂଚନା ମୁତାବକ, ଏହି ଶପଥ ଗ୍ରହଣ ସମାରୋହରେ ମୋଟ ୧୦ ଜଣ ମନ୍ତ୍ରୀ ପଦ ଓ ଗୋପନୀୟତାର ଶପଥ ନେବେ । ଆସନ୍ତାକାଲି ସକାଳ ୧୧ଟା ସମୟରେ ଏହି ଶପଥ ଗ୍ରହଣ ସମାରୋହର ଆୟୋଜନ କରାଯିବ ।
Kanak News is now on WhatsApp
Join and get latest news updates delivered to you via WhatsApp
पंजाब का नया मंत्रिमंडल कल शपथ ग्रहण करेगा। पंजाब की AAP सरकार में होने वाले सभी मंत्रियों को बहुत-बहुत शुभकामनाएँ।
पंजाब की जनता ने हम सबको बहुत बड़ी ज़िम्मेदारी दी है, हमें दिन-रात मेहनत कर लोगों की सेवा करनी है, पंजाब को एक ईमानदार सरकार देनी है। हमें रंगला पंजाब बनाना है। pic.twitter.com/Z5wDmD9Zpg
— Bhagwant Mann (@BhagwantMann) March 18, 2022
ହରପାଲ ସିଂହ ଚିମା, ଡ. ବଲଜୀତ କୌର, ହରଭଜନ ସିଂହ, ଡ. ବିଜୟ ସିଙ୍ଗଲା ମନ୍ତ୍ରୀ ଭାବେ ଶପଥ ନେବେ । ଏହାସହିତ ଏହି ଲିଷ୍ଟରେ ଗୁରମୀର ସିଂହ ମୀତ ହାୟର, ହରଜିତ ସିଂହ ବୈଂସ, ଲାଲ ଚନ୍ଦ କଟାରୁଚକ, କୁଲଦୀପ ସିଂହ ଧାଲୀବାଲ, ଲାଲଜୀତ ସିଂହ ଭୁଲ୍ଲର, ବ୍ରମ ଶଙ୍କର ମଧ୍ୟ ମନ୍ତ୍ରୀ ପଦର ଶପଥ ନେବେ ।
ଅନ୍ୟପଟେ ପଞ୍ଜାବ ବିଧାନସଭାର ନୂଆ ବାଚସ୍ପତି ଭାବେ ଶପଥ ନେଇପାରନ୍ତି, କୁଲତାର ସିଂହ ସନ୍ଧବା । ସେ ଦୁଇଥର ବିଧାୟକ ଭାବେ ଶପଥ ନେଇଛନ୍ତି । ତେଣୁ ସେ ପଞ୍ଜାବ ବିଧାନସଭାର ଆଗାମୀ ବାଚସ୍ପତି ହୋଇପାରନ୍ତି ବୋଲି ଚର୍ଚ୍ଚା ହେଉଛି । ସୂଚନାଯୋଗ୍ୟ ଯେ, ଗତ ୧୬ ତାରିଖରେ ପଞ୍ଜାବ ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ ଭଗୱନ୍ତ ମାନ୍ ।