ଗାନ୍ଧୀନଗରରେ ହାର୍ଦ୍ଦିକ ପାଣ୍ଡ୍ୟାଙ୍କ ବିଶାଳ ରୋଡ୍ ସୋ’: ଆଇପିଏଲ ବିଜୟ ଉତ୍ସବ ମନାଇଲା ଗୁଜରାଟ୍ ଟାଇଟନ୍ସ
କନକ ବ୍ୟୁରୋ: ଗାନ୍ଧୀନଗରରେ ଗୁଜରାଟ ଟାଇଟନ୍ସର ବିଶାଳ ରୋଡ ଶୋ । ନୀଳ ରଙ୍ଗର ବସରେ ବସି ରୋଡ ଶୋ କରିଛନ୍ତି ଟିମ ଟାଇଟନ୍ସର ଖେଳାଳୀ । ଏଥିସହ ବସରେ ଦେଖିବାକୁ ମିଳିଛି ଟାଇଟନ୍ସ କି ସବାରୀ । ବେଶ ଉତ୍ସାହ ଓ ଖୁସିର ସହ ଖେଳାଳୀଙ୍କ ଏହି ରୋଡ ଶୋ ଆକର୍ଷଣର କେନ୍ଦ୍ରବିନ୍ଦୁ ସାଜିଛି । ଏହି ଦୃଶ୍ୟ ହେଉଛି ଗାନ୍ଧିନଗରର ହାଏତ ପଂଚତାକରା ହୋଟେଲର । ଟିମ ଗୁଜରାଟ ଟାଇଟନ୍ସ ଏଠାରୁ ବାହାରି ପୁରା ଗାନ୍ଧୀ ନଗରରେ ରୋଡ ଶୋର କରିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଖେଳାଳୀଙ୍କ ବିଜୟ ଉତ୍ସବ ଦେଖିବା ପାଇଁ ରାସ୍ତାର ଦୁଇ କଡରେ ପ୍ରଶଂସକଙ୍କ ନାହିଁନଥିବା ଭିଡ ଦେଖିବାକୁ ମିଳିଛି । ଆଇପିଏଲରେ ଡେବ୍ୟୁ କରିଥିବା ଏହି ନୂଆ ଦଳ ଯେଉଁଭଳି ଭାବେ ଟାଇଟେଲ ହାତେଇଛି ତାକୁ ନେଇ ଦଳକୁ ଯେତେ ପ୍ରଶଂସା କଲେ ବି କମ ପଡିବ । ପଡିଆରେ ଅଭିଜ୍ଞ ଦଳ ଓ ଖେଳାଳୀଙ୍କ ଭିତରେ ପ୍ରଥମ ଥର ପାଇଁ ଓହ୍ଲାଇ ଦଳ ଆଇପିଏଲ ଟାଇଟେଲ ଜିତବା ପରେ ଏବେ ପ୍ରଶଂସା ହିଁ ପ୍ରଶଂସା ସାଉଁଟୁଛି । ପଦାର୍ପଣରେ ପ୍ରଭାବୀ, ପ୍ରଶଂସନୀୟ ଓ ପରାକ୍ରମୀ ପ୍ରଦର୍ଶନ କରି ଦଳ ଆଇପିଏଲ ସିଜନ ୨୦୨୨ର ବିଜେତା ହୋଇଛି । ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ୱରେ ଗୁଜରାଟ ଟାଇଟନ୍ସ ଏହି ସଫଳତା ପାଇବା ସହ ଗୌରବ ଅର୍ଜନ କରିଛି ।
ଅନେକ ବଡ ବଡ ଦଳମାନଙ୍କୁ ପଛରେ ପକାଇ ଏଥରକ ଟ୍ରଫି ନିଜ ନାଁରେ କରିଛି ହାର୍ଦ୍ଦିକ ପାଣ୍ଡ୍ୟିାଙ୍କ ଗୁଜରାଟ ଟାଇଟନ୍ସ । ୫ଥର ଚାମ୍ପିୟନ ମୁମ୍ବାଇ ଇଣ୍ଡିଆନ୍ସ ଓ ୪ଥର ବିଜେତା ଚେନ୍ନାଇ ସୁପରକିଙ୍ଗ ଭଳି ଦଳକୁ ମାତ ଦେଇ ଏଥରକର ବିଜେତା ଏହି ନୂଆ ଦଳ । ପ୍ରଥମଥର ପାଇଁ ଗୁଜରାଟ ଟାଇଟନ୍ସ ଆଇପିଏଲ ସହ ଯୋଡି ହୋଇଥିଲେ ହାର୍ଦ୍ଦିକ ଓ ତାଙ୍କ ଟିମ୍ । ରବିବାର ଫାଇନାଲ ମ୍ୟାଚରେ ରାଜସ୍ଥାନ ରୟାଲସକୁ ୭ ୱିକେଟରେ ପରାସ୍ତ କରି ଟାଇଟେଲ ନିଜ ନାଁରେ କରିଛି ଦଳର । ବିଜୟ ପରେ ଦଳକୁ ଆଜି ସମ୍ମାନିତ କରିଛନ୍ତି ଗୁଜରାଟ ସରକାର । ମୁଖ୍ୟମନ୍ତ୍ରୀ ଭୁପେନ୍ଦ୍ର ପଟେଲ ବିଜେତାଙ୍କୁ ଭେଟି ଶୁଭେଚ୍ଛା ଜଣାଇବା ସହ ସମ୍ମାନ ପ୍ରଦାନ କରିଛନ୍ତି ।