କନକ ବ୍ୟୁରୋ : ବିମାନ ଯାତ୍ରା । ସବୁଠୁ ନିରାପଦ, କମ ସମୟ ସା୦େ.ପକ୍ଷ ଓ ଅଧିକ ଖର୍ଚ୍ଚର ଯାତ୍ରା ବୋଲି କୁହାଯାଏ । କେବେ କେମିିତି ବିଭିନ୍ନ କାରଣରୁ ବିମାନ ତ୍ରୁଟି ଘଟଣା ମଧ୍ୟ ସାମ୍ନାକୁ ଆସିଛି । ଏହା ଭିତରେ ଚିନ୍ତା ବଢାଇଛନ୍ତି ହ୍ୟାକର । ବିମାନର ଜିପିଏସକୁ ହ୍ୟାକ କରି ନକଲି ତଥ୍ୟ ପ୍ରଦାନ କରି ବାଟବଣା କରୁଛନ୍ତି ହ୍ୟାକର । ଇରାନରେ ଘଟିଛି ଏଭଳି ଏକ ଘଟଣା ଯାହା ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଛି । ଗୋଟିଏ କି ଦୁଇଟି ନୁହେଁ ଇରାନରେ ପ୍ରାୟ ୨୦ଟି ବିମାନକୁ ଭୁଲ ଜିପିଏସ ତଥ୍ୟଦେଇ ବାଟବଣା କରାଯିବା ସହ କିଛି ଘଂଟା ଧରି ମଝି ଆକାଶରେ ଝୁଲି ରହିଥିଲା ଜୀବନ । ତେବେ ଏୟାର ଟ୍ରାଫିକ କଂଟ୍ରୋଲ ସହାୟତାରେ ବିମାନ ଗୁଡିକୁ ନିରାପଦରେ ଅବତରଣ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗତ ଦୁଇ ସପ୍ତାହ ମଧ୍ୟରେ ଇରାନରେ ଅନେକ ସରକାରୀ, ଘରୋଇ ବିମାନ ଏବଂ କରପୋରେଟ ଜେଟ ସହ ଏଭଳି ବିପଦର ସମ୍ମୁଖୀନ ହୋଇସାରିଲେଣି । ଆଗକୁ ମଧ୍ୟ ଏହା ଜାରି ରହିବା ନେଇ ଆଶଙ୍କା ରହିଛି ।
ଆସନ୍ତୁ ଜାଣିବା କେମିତି ହ୍ୟାକର ବିମାନ ଗୁଡିକ ଟାର୍ଗେଟ କରୁଛନ୍ତି । ବିମାନଗୁଡିକୁ ଗ୍ରାଉଣ୍ଡ ଷ୍ଟେସନରୁ ମିଛ ଜିପିଏସ ସିଗନାଲ ଦିଆଯାଇଥିଲା । ଏହା ଏତେ ଦୃୃଢ ଥିଲା ଯେ ଏୟାରକ୍ରାପ୍ଟ ନାଭିଗେସନ ସିଷ୍ଟମକୁ ଅକାମୀ କରିଦେଇଥିଲା । ମିଛ ତଥ୍ୟ ପାଇଁ ଉପଗ୍ରହ ଦ୍ୱାରା ସୂଚିତ କରାଯାଉଥିବା ତଥ୍ୟକୁ ମଧ୍ୟ ଅକାମୀ କରି ଦେଇଥିଲା । ଫଳରେ ବିମାନଗୁଡିକ ମଝି ଆକାଶରେ ଦିଗହରା ହୋଇଥିଲେ । ବିମାନ କେଉଁ ଦିଗରେ ଯାଉଛି ସେକଥା ପାଇଲଟ ଜାଣିପାରିନଥିଲେ । ଏୟାର ଟ୍ରାଫିକ କଂଟ୍ରୋଲ ସହାୟତାରେ ବିମାନ ଗୁଡିକୁ ନିରାପଦରେ ଅବତରଣ କରାଯାଇଛି । ନଚେତ ବଡ ଧରଣର ଦୁର୍ଘଟଣା ହେବା ନିଶ୍ଚିତ ଥିଲା ।
ଏଭଳି କାମ ପଛରେ ସ୍ପୁଫିଙ୍ଗ ପ୍ରକିୟା ଦାୟୀ । ସ୍ପୁଫିଙ୍ଗ ଅର୍ଥ କପିକୁ ବୁଝାଏ ।ଏହି ପ୍ରକିୟାରେ ଜଣେ ରିସିଭରଙ୍କୁ ଭୁଲ ଜିପିଏସ ସିଗନାଲ ଦିଆଯାଇଥାଏ । ସିଗନାଲ ରିସିଭ କରୁଥିବା ବ୍ୟକ୍ତି ପ୍ରକୃତ ତଥ୍ୟ ପାଇବାକୁ ସକ୍ଷମ ହୁଅନ୍ତି ନାହିଁ ।