ଜେଲ୍ ଭିତରେ ସେଲିବ୍ରିଟି ସାଜିଛି ଗୋପାଳ ଦାସ । କଏଦୀଙ୍କୁ ହାତ ହଲାଇ କରୁଛି ଅଭିବାଦନ, ମଗାଉଛି ଦୁଇଟି ଖବର କାଗଜ ।
କନକ ବ୍ୟୁରୋ: ଚୌଦାର ଜେଲରେ ସେଲିବ୍ରିଟି ପାଲଟିଛି ନବଦାସ ହତ୍ୟାକାଣ୍ଡର ଅଭିଯୁକ୍ତ ଗୋପାଳ ଦାସ । ଜେଲ ଭିତରେ ଗୋପାଳର କାର୍ଯ୍ୟକଳାପ ଚର୍ଚ୍ଚାର ବିଷୟ ହୋଇଛି । ତାକୁ ଦେଖିବା ପାଇଁ ଅନ୍ୟ କଏଦୀମାନେ ୱାର୍ଡରଙ୍କୁ ଅନୁରୋଧ କରୁଥିବା ସୂଚନା ମିଳିଛି । ଆଉ ଅନ୍ୟ କଏଦୀଙ୍କୁ ଦେଖିଲେ ଅଭିବାଦନ ଜଣାଇବା ଶୈଳୀରେ ଗୋପାଳ ହାତ ହଲାଉଛି ।
Kanak News is now on WhatsApp
Join and get latest news updates delivered to you via WhatsApp
- ଜେଲ ସେଲିବ୍ରିଟି ଗୋପାଳ!
- ନିଜ ଖବର ଦେଖି ହସୁଛି
ଚୌଦ୍ୱାର ସର୍କଲ ଜେଲର ଜଣେ ସେଲିବ୍ରିଟି କଏଦୀ ପାଲଟି ଯାଇଛି ଗୋପାଳକୃଷ୍ଣ ଦାସ । ସୁରକ୍ଷା ଦୃଷ୍ଟିରୁ ନବ ଦାସ ହତ୍ୟାକାଣ୍ଡର ଅଭିଯୁକ୍ତ ଗୋପାଳକୁ ଜେଲର ଏକ ସ୍ୱତନ୍ତ୍ର ସେଲରେ ରଖାଯାଇଛି । ତେବେ କୁହାଯାଉଛି ଆତ୍ମଘୋଷିତ ବାବା ସାରଥୀ, ଜେଲର ଏହି ସେଲରେ ରହୁଥିଲେ । ଗୋପାଳ ଏଠାକୁ ଆସିବା ପରେ ଜେଲ ଭିତରେ ତାର ବିଭିନ୍ନ କାର୍ଯ୍ୟକଳାପ ଚର୍ଚ୍ଚାର ବିଷୟ ହୋଇଛି । ତାକୁ ଦେଖିବା ପାଇଁ ଅନ୍ୟ କଏଦୀମାନେ ୱାର୍ଡରଙ୍କୁ ଅନୁରୋଧ କରୁଥିବା ସୂଚନା ମିଳିଛି । ଆଉ ଅନ୍ୟ କଏଦୀଙ୍କୁ ଦେଖିଲେ ଅଭିବାଦନ ଜଣାଇବା ଶୈଳୀରେ ଗୋପାଳ ହାତ ହଲାଉଛି । ଜେଲରେ ବେଶ ସ୍ୱାଭାବିକ ଲାଗୁଛି ଗୋପାଳ । ତା ମନରେ କୌଣସି ଅନୁତାପ ନାହିଁ ।
ଚର୍ଚ୍ଚାରେ ଜେଲ ଭିତରେ ଗୋପାଳର କାର୍ଯ୍ୟକଳାପ
- ଗୁରୁବାର ସକାଳୁ ଗୋପାଳ ଚୂଡ଼ା ଉପମା ଜଳଖିଆ କରିଥିବା ସୂଚନା ମିଳିଛି
- ଏହାପରେ ଦୁଇଟି ଖବରକାଗଜ ମଗାଇଥିଲା ନବ ହତ୍ୟାକାଣ୍ଡର ଅଭିଯୁକ୍ତ
- ଘଣ୍ଟାଏରୁ ଅଧିକ ସମୟ ଧରି ବିଭିନ୍ନ ଖବର ଉପରେ ସେ ନଜର ପକାଇଥିଲା
- ଏପରିକି ଖବରକାଗଜରେ ନିଜ ଖବର ଦେଖି ଗୋପାଳ ହସୁଥିବା ଜଣାପଡି଼ଛି
- ଜେଲରେ ଗୋପାଳର କୌଣସି ଅନୁଶୋଚନା ନଥିବା କହିଛନ୍ତି ଜେଲ କର୍ତ୍ତୃପକ୍ଷ
- ମଧ୍ୟାହ୍ନ ଭୋଜନରେ ଭାତ, ଡାଲି ଓ ସାଦା ତରକାରୀ ଖାଇଛି ଗୋପାଳକୃଷ୍ଣ ଦାସ
- ରାତିରେ ସୁରକ୍ଷା ଦାୟିତ୍ୱରେ ଥିବା କର୍ମଚାରୀ ସେଲ ଆଗରେ ଜଗି ରହୁଛନ୍ତି
- ସୁରକ୍ଷାରେ ଯେଭଲି ତ୍ରୁଟି ନହୁଏ ସେଥିପାଇଁ ଏକ ସ୍ୱତନ୍ତ୍ର କମିଟି କରାଯାଇଛି
ଚୌଦ୍ୱାର ସର୍କଲ ଜେଲକୁ ପ୍ରବେଶ କଲାବେଳେ ମୁଖ୍ୟ ଫାଟକରେ ମୁଣ୍ଡିଆ ମାରିଥିଲା ଗୋପାଳ । ନବ ଦାସ ହତ୍ୟାକାଣ୍ଡର ଅଭିଯୁକ୍ତ ଗୋପାଳକୃଷ୍ଣ ଦାସକୁ ସୁରକ୍ଷା ଦୃଷ୍ଟିରୁ ଝାରସୁଗୁଡା ସବଜେଲରୁ ଚୌଦ୍ୱାର ସର୍କଲ ଜେଲକୁ ଅଣାଯାଇଛି । ମୁଖ୍ୟ ଗେଟ୍ ଦେଇ ଜେଲ ଭିତରକୁ ପଶିଲାବେଳେ ମୁଣ୍ଡରେ ହାତ ଲଗାଇ ଦୁଇଥର ନମସ୍କାର କରିଥିଲା ଗୋପାଳ । ତେବେ କାହିଁକି ଏଭଳି କଲା ଗୋପାଳ ତାକୁ ନେଇ ମଧ୍ୟ ଉକ୍ରଣ୍ଠା ବଢିବାରେ ଲାଗିଛି । ଗୋପାଳର ମାନସିକ ଅବସ୍ଥା ଠିକ ନଥିବା ତାର ପରିବାର ଲୋକ କହିଥିଲେ । ତେଣୁ ଗୋପାଳର ସ୍ୱାସ୍ଥ୍ୟବସ୍ଥା ଯାଞ୍ଚ ପାଇଁ ଏକ ୩ ଜଣିଆ ଡାକ୍ତରୀ ଟିମ୍ ଗଠନ କରାଯାଇଛି । ଏହି ଟିମର ନେତୃତ୍ୱ ଜଣେ ମାନସିକ ରୋଗ ବିଶେଷଜ୍ଞ ନେଉଥିବା ମଧ୍ୟ ଜଣାପଡିଛି ।