ପ୍ଲାଷ୍ଟିକ ବଦଳରେ କ୍ଷୀର: ୧୦ଟି ପ୍ଲାଷ୍ଟିକ ବୋତଲ ଦିଅନ୍ତୁ, ଗୋଟେ ପ୍ୟାକେଟ କ୍ଷୀର ନେଇଯାଆନ୍ତୁ… ପରିବେଶକୁ ପ୍ଲାଷ୍ଟିକମୁକ୍ତ କରିବାକୁ ଭିନ୍ନ ଏକ ପ୍ରୟାସ
କନକ ବ୍ୟୁରୋ: ପ୍ଲାଷ୍ଟିକ ଦିଅନ୍ତୁ କ୍ଷୀର ନିଅନ୍ତୁ… ୧୦ଟି ପ୍ଲାଷ୍ଟିକ ବୋତଲ ଦେଇ ଗୋଟେ ପ୍ୟାକେଟ କ୍ଷୀର ନେଇଯାଆନ୍ତୁ । ପରିବେଶକୁ ପ୍ରଦୂଷଣ ମୁକ୍ତ କରିବାକୁ ହରିୟାଣାରେ ଏଭଳି ଏକ ପଦକ୍ଷେପ ନିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ବ୍ୟବହାର ପରେ ଅଦରାକାରୀ ହୋଇ ପଡିଥିବା ୧୦ଟି ପ୍ଲାଷ୍ଟିକ୍ ବୋତଲ ବଦଳରେ ମାଗଣାରେ କ୍ଷୀର ପ୍ୟାକେଟ ଦେବା ଚର୍ଚ୍ଚାର ବିଷୟ ପାଲଟିଛି । ହରିୟାଣା ପଞ୍ଚକୁଲା ନଗର ନିଗମ ସହରକୁ ୨୦୨୦ରେ ଶ୍ରେଷ୍ଠ ୨୦ ସହର ଭିତରେ ପଞ୍ଚକୁଲାକୁ ସ୍ଥାନ ଦେବାକୁ ଏପରି ଏକ ଏକ୍ସଚେଂଜ ଅଫର ହାତକୁ ନେଇଛନ୍ତି । ସହରରେ ସଂପୂର୍ଣ୍ଣ ସ୍ୱଚ୍ଛତା ଯୋଜନା ଅଧିନରେ ଏହି କାର୍ଯ୍ୟକ୍ରମକୁ ହାତକୁ ନିଆଯାଇଛି । ଏହାକୁ ଲୋକେ ମଧ୍ୟ ସ୍ୱାଗତ କରିଛନ୍ତି । ଅଧିକ ସଂଖ୍ୟାରେ ପ୍ଲାଷ୍ଟିକ ବୋତଲ ଆଣି କ୍ଷୀର ନେବାକୁ ଲୋକେ ଆଗ୍ରହ ଦେଖାଉଛନ୍ତି ।
ଅଦରକାରୀ ପ୍ଲାଷ୍ଟିକ ବୋତଲ ବଦଳରେ କ୍ଷୀର ଦେଇ ପରୋକ୍ଷରେ ଲୋକଙ୍କ ମଧ୍ୟରେ ପ୍ଲାଷ୍ଟିକ ପରି ବର୍ଜ୍ୟବସ୍ତୁକୁ ବାହାରେ ନଫିଙ୍ଗିବାକୁ ଏକ ବାର୍ତ୍ତା ଦେବାକୁ ଉଦ୍ୟମ କରିଛି ପଞ୍ଚକୁଲା ପ୍ରଶାସନ । ୧୦ଟି ପ୍ଲାଷ୍ଟିକ ବୋତଲ ବଦଳରେ ଗୋଟିଏ ପ୍ୟାକେଟ୍ କ୍ଷୀର କିଂବା ଦହି , ୭ଟି ପ୍ଲାଷ୍ଟିକ ବୋତଲ ବଦଳରେ ୨୦୦ ଗ୍ରାମ ଦହି, ୫ଟି ପ୍ଲାଷ୍ଟିକ ବୋତଲ ବଦଳରେ ଗୋଟିଏ ବ୍ରେଡ ମଧ୍ୟ ଦିଆଯିବାକୁ ବ୍ୟବସ୍ଥା ହୋଇଛି । ଏହି ବେଷ୍ଟ ଏକ୍ସଚେଂଜ ଅଫର ପଞ୍ଚକୁଲାର ସେକ୍ଟର ୭, ୮, ୯ ଓ ୧୧ରେ ଥିବା ବିଶେଷ ଷ୍ଟଲରେ ଲାଗୁ ହୋଇଛି ।