ଇଲେକ୍ଟ୍ରି ତାର ଲାଗି ବସରେ ଲାଗିଲା ନିଆଁ । ୫ ଜଣ ଯାତ୍ରୀଙ୍କର ମୃତ୍ୟୁ ।
କନକ ବ୍ୟୁରୋ: ଇଲେକ୍ଟ୍ରି ତାର ଲାଗି ଜଳିଗଲା ବସ୍ । ବସ୍ ଜଳିଯିବା କାରଣରୁ ପ୍ରାଣ ହରାଇଲେ ୫ ଜଣ ଯାତ୍ରୀ । ଉତ୍ତରପ୍ରଦେଶ ଗାଜିପୁରରୁ ଆସିଛି ଏମିତି କିଛି ଖବର । ଏକ ଯାତ୍ରୀବାହୀ ବସରେ ଇଲେକ୍ଟ୍ରି ତାର ଲାଗିଯିବା ହେତୁ ୫ ଜଣ ଯାତ୍ରୀଙ୍କର ମୃତ୍ୟୁ ଘଟିଛି । ତେବେ ବସରେ ପ୍ରଥମେ ୧୧ ହଜାର ଭୋଲ୍ଟର ତାର ଲାଗିଯାଇଥିଲା । ଏହାପରେ ବସଟି ହଠାତ୍ ହୁତୁହୁତ ହେଇ ଜଳିବା ଆରମ୍ଭ କରିଥିଲା । ଏହାପରେ ଯାତ୍ରୀଙ୍କ ମଧ୍ୟରେ ଠେଲାପେଲା ଆରମ୍ଭ ହେଇଯାଇଥିଲା । ଆଉ ଦେଖୁ ଦେଖୁ ବସରେ ନିଆଁ ବ୍ୟାପିଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ବସରେ ନିଆଁ ଲାଗିବା ଘଟଣାରେ ମନ୍ତ୍ରୀ ଅନୀଲ ରାଜଭର କହିଛନ୍ତି ଯେ, ଏହି ଘଟଣା ଉପରେ ପ୍ରଶାସନ ନଜର ରଖିଛି । ଅନେକ ଯାତ୍ରୀ ଆହତ ହେଇଥିବା ନେଇ ସୂଚନା ରହିଛି । ସ୍ଥାନୀୟ ଲୋକମାନେ ଆହତ ଯାତ୍ରୀମାନଙ୍କୁ ପାଖ ହସ୍ପିଟାଲରେ ପହଞ୍ଚାଇଥିଲେ ବୋଲି ମନ୍ତ୍ରୀ ସୂଚନା ଦେଇଛନ୍ତି । ତେବେ ବସରେ ଇଲେକ୍ଟ୍ରି ତାର ଲାଗିଯିବାରୁ ବସରେ ନିଆଁ ଲାଗିଥିବା କୁହାଯାଇଛି । ପ୍ରଶାସନ ପକ୍ଷରୁ ରେସ୍କ୍ୟୁ ଅପରେସନ ମଧ୍ୟ କରାଯାଇଛି । ବସରୁ ସମସ୍ତ ଯାତ୍ରୀଙ୍କୁ ବାହାର କରାଯାଇଥିବାବେଳେ, ଆହତମାନଙ୍କର ଚିକିତ୍ସା କରାଯାଉଛି ।