ଦିଲ୍ଲୀ କ୍ୟାପିଟାଲ୍ସ ପ୍ରଂଶସକଙ୍କ ପାଇଁ ଖୁସି ଖବର । ଋଷଭ ପନ୍ତଙ୍କୁ ମିଳିଲା ଗ୍ରୀନ୍ ସିଗନାଲ, ଖୁବଶୀଘ୍ର ମୈଦାନରେ ଗର୍ଜିବ ପନ୍ତଙ୍କ ବ୍ୟାଟ୍ ।
କନକ ବ୍ୟୁରୋ : ଆଇପିଏଲକୁ ଆଉ ମାତ୍ର ୧୦ ଦିନ ବାକି ଥିବା ବେଳେ ଏହାପୂର୍ବରୁ ଦିଲ୍ଲୀ କ୍ୟାପିଟାଲ୍ସର ପ୍ରଂଶସକଙ୍କ ପାଇଁ ଆସିଛି ଖୁସି ଖବର । ଆଇପିଏଲର ଚଳିତ ସିଜିନରେ ପୁଣିଥରେ ବିଧ୍ୱଂସୀ ବ୍ୟାଟର ଋଷଭ ପନ୍ତଙ୍କୁ ମୈଦାନରେ ଦେଖିବାକୁ ମିଳିବ । ଏନେଇ ଏନସିଏ ପକ୍ଷରୁ ଋଷଭଙ୍କୁ ଫିଟନେସ ସାର୍ଟିଫିକେଟ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଏହାପୂର୍ବରୁ ବିଭିନ୍ନ ଗଣମାଧ୍ୟମରେ ଖବର ପ୍ରକାଶିତ ହୋଇଥିଲା ଯେ, ଋଷଭ ପନ୍ତଙ୍କୁ ଦିଲ୍ଲୀ କ୍ୟାପିଟାଲ୍ସ ନିଜ ସ୍କ୍ୱାର୍ଡରେ ସ୍ଥାନ ଦେଇନାହିଁ । ଏନସିଏ ପକ୍ଷରୁ ଫିଟନେସ ସାର୍ଟିଫିକେଟ ମିଳିନଥିବାରୁ ଦିଲ୍ଲୀ କ୍ୟାପିଟାଲ୍ସ ପକ୍ଷରୁ ଏଭଳି ନିଷ୍ପତ୍ତି ନିଆଯାଇଛି । କିନ୍ତୁ ଆଇପିଏଲର ଦିନ କେଇଟା ପୂର୍ବରୁ ଋଷଭ ପନ୍ତଙ୍କୁ ଫିଟନେସ ସାର୍ଟିଫିକେଟ ମିଳିଥିବା ନେଇ ସୂଚନା ମିଳିଛି । ତେଣୁ ୨୦୨୪ ଆଇପିଏଲ ସିଜିନରେ ଋଷଭଙ୍କୁ ଦିଲ୍ଲୀ କ୍ୟାପିଟାଲ୍ସର ଅଧିନାୟକ ଭାବେ ଦେଖିବାକୁ ମିଳିପାରେ ।
ଏବେ ଋଷଭ ପନ୍ତ ଆଇପିଏଲର କିଛି ବିଜ୍ଞାପନ ସୁଟିଂରେ ବ୍ୟସ୍ତ ଅଛନ୍ତି । ତେଣୁ ତାଙ୍କୁ ପୁଣିଥରେ ମୈଦାନରେ ଦେଖିବାକୁ ମିଳିପାରେ ବୋଲି ଚର୍ଚ୍ଚା ହେଉଛି । ୨୦୨୪ ଆଇପିଏଲରେ ବିଶାଖାପାଟଣାରେ ଦିଲ୍ଲୀ ନିଜର ପ୍ରଥମ ମ୍ୟାଚ୍ ଖେଳିବ । ତେଣୁ ଋଷଭ ପନ୍ତ ଖୁବଶୀଘ୍ର ବିଶାଖାପାଟଣା ଅଭିମୁଖେ ଯାତ୍ରା କରିପାରନ୍ତି । ମାର୍ଚ୍ଚ ୨୩ରେ ଦିଲ୍ଲୀ ନିଜର ପ୍ରଥମ ମୁକାବିଲା ପଞ୍ଜାବ ବିପକ୍ଷରେ ଖେଳିବ ।