ବାୟଜୁ ବନ୍ଦ କଲା ସମସ୍ତ କାର୍ଯ୍ୟାଳୟ । ୱାର୍କ ଫ୍ରମ ହୋମ୍ କରିବାକୁ ସମସ୍ତ କର୍ମଚାରୀଙ୍କୁ ନିର୍ଦ୍ଦେଶ
କନକ ବ୍ୟୁରୋ : ସଂକଟରେ ପଡିଥିବା ଏଡଟେକ୍ କମ୍ପାନୀ ବାୟୁଜୁ ତରଫରୁ ବଡ ନିଷ୍ପତ୍ତି ନିଆଯାଇଛି । ଏହି କ୍ରମରେ କମ୍ପାନୀ ତରଫରୁ ସମସ୍ତ କାର୍ଯ୍ୟାଳୟକୁ ବନ୍ଦ କରାଯାଇଛି । ଏହାସହ ସମସ୍ତ କର୍ମଚାରୀଙ୍କୁ ୱାର୍କ ଫ୍ରମ ହୋମ୍ କରିବାକୁ ନିର୍ଦ୍ଦେଶ ଦିଆଯାଇଛି । ନିବେଶକଙ୍କ ସହ ବିବାଦରେ ଫଶିଥିବା ବାୟଜୁ କମ୍ପାନୀ ପାଖାପାଖି ୨୦ ହଜାର କର୍ମଚାରୀଙ୍କୁ ଦରମା ଦେବାରେ ଅସମର୍ଥ ହୋଇଛି । ଏହାପରେ ଖର୍ଚ୍ଚ କାଟ କରିବାକୁ କମ୍ପାନୀ ତରଫରୁ ଏଭଳି ନିଷ୍ପତ୍ତି ନିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ତରଫରୁ କମ୍ପାନୀର ବେଙ୍ଗାଲୁରୁରେ ଥିବା ଆଇବିସି ନଲେଜ ପାର୍କ ସ୍ଥିତ ମୁଖ୍ୟାଳୟ ବ୍ୟତୀତ ଭାରତରେ ଥିବା ସମସ୍ତ କାର୍ଯ୍ୟାଳୟ ବନ୍ଦ କରିଦେଇଛି । ଆଗାମୀ ଆଦେଶ ପର୍ଯ୍ୟନ୍ତ ସମସ୍ତ କର୍ମଚାରୀ ୱାର୍କ ଫ୍ରମ ହୋମ୍ କରିବାକୁ ନିର୍ଦ୍ଦେଶ ଦିଆଯାଇଛି । ହେଲେ ବାୟଜୁର ଟ୍ୟୁସନ ସେଣ୍ଟର ଚାଲୁ ରହିବ । କମ୍ପାନୀର ମୁଖ୍ୟ ବାୟଜୁ ରବିଚନ୍ଦ୍ରନ ୨୦ ହଜାର କର୍ମଚାରୀଙ୍କୁ କଥା ଦେଇଥିଲେ କି ସେମାନଙ୍କ ଫେବୃଆରୀ ମାସର ଦରମା ମାର୍ଚ୍ଚ ୧୦ ତାରିଖ ସୁଦ୍ଧା ପ୍ରଦାନ କରାଯିବ । ହେଲେ କମ୍ପାନୀ ଦରମା ଦେବାରେ ବିଫଳ ହୋଇଛି । ହେଲେ କମ୍ପାନୀ ଦାବି କରିଛି କି, ସେ ତା’ର ସମସ୍ତ କର୍ମଚାରୀଙ୍କୁ କିଛିମାତ୍ରାରେ ଦରମା ପ୍ରଦାନ କରିଛି ।
ବାୟଜୁ ରବିଚନ୍ଦ୍ରନ ଓ କମ୍ପାନୀର କିଛି ସେୟାର ହୋଲଡରଙ୍କ ମଧ୍ୟରେ ନୂଆ ବୋର୍ଡ ଗଠନ ନେଇ ବିବାଦ ଦେଖାଦେଇଥିଲା । ଏହି ମାମଲା କୋର୍ଟରେ ପହଂଚିସାରିଛି । କୋର୍ଟ ତରଫରୁ ରାଇଟ୍ ଇସ୍ୟୁରୁ ମିଳିଥିବା ଟଙ୍କା କାରବାର କରିବା ଉପରେ ରୋକ୍ ଲଗାଇଛନ୍ତି ।