ମୁମ୍ବାଇ ବିମାନ ବନ୍ଦରରେ ଅଜବ ଘଟଣା, ଯାତ୍ରୀଙ୍କ ପେଟରୁ ବାହାରିଲା ୧୩ କୋଟି ଟଙ୍କାର କୋକେନ
କନକ ବ୍ୟୁରୋ : ନିଶା ମାଫିଆମାନଙ୍କ କାରନାମା ବେଳେ ବେଳେ ଆପଣଙ୍କୁ ଚକିତ କରିଥାଏ । କେତେବେଳେ ନିଶା ବେପାରୀମାନେ ଖାଦ୍ୟ ସାମଗ୍ରୀ ବୋଝେଇ ଗାଡିରେ ନିଶା କାରବାର କରିଥାନ୍ତି ତ କେତେବେଳେ କାଠ ଗାଡିରେ । ହେଲେ ଏବେ ମୁମ୍ବାଇ ବିମାନବନ୍ଦରରେ ଜଣେ ଯାତ୍ରୀଙ୍କ ପେଟ ଭିତରୁ ୧୩ କୋଟି ଟଙ୍କାର କୋକେନ ବାହାରିବା ଘଟଣା ସମସ୍ତଙ୍କୁ ଚକିତ କରିଦେଇଛି ।
Kanak News is now on WhatsApp
Join and get latest news updates delivered to you via WhatsApp
ସମାଚାର ଏଏନଆଇ ମୁତାବକ ମୁମ୍ବାଇ ଅନ୍ତରାଷ୍ଟ୍ରୀୟ ବିମାନ ବନ୍ଦରରେ ସୀମାଶ୍ଳୁକ ବିଭାଗ ପକ୍ଷରୁ ଜଣେ ବିଦେଶୀ ଯାତ୍ରୀଙ୍କ ପେଟରୁ ୧୩ କୋଟି ଟଙ୍କାର ୮୭ ଟି କୋକେନ ଟ୍ୟାବଲେଟ ବାହାର କରାଯାଇଛି । ଏନେଇ ସୀମାଶ୍ଳୁକ ବିଭାଗ କହିଛନ୍ତି ଜବତ ହୋଇଥିବା କୋକିନର ଓଜନ ୧୩ଶହ ଗ୍ରାମ ଓ ଏହାର ବଜାର ମୂଲ୍ୟ ୧୩ କୋଟି ଟଙ୍କାରୁ ଅଧିକ ହେବ । ଏହି ଘଟଣା ଅଗଷ୍ଟ ୨୮ ତାରିଖରେ ଘଟିଛି । ଘାନାର ଜଣେ ଯାତ୍ରୀ ଅଗଷ୍ଟ ୨୮ ତାରିଖରେ ମୁମ୍ବାଇ ବିମାନବନ୍ଦରରେ ଓହ୍ଳାଇଥିଲେ । ତାଙ୍କ ଉପରେ ସୀମାଶ୍ଳୁକ ବିଭାଗର ସନ୍ଦେହ ହୋଇଥିଲା । ଏହାପରେ ସେମାନେ ତାକୁ ପଚରା ଉଚରା କରିବା ସହ ତାଙ୍କ ବ୍ୟାଗଗୁଡିକର ତଲାସୀ ନେଇଥିଲେ ବି କିଛି ମିଳି ନଥିଲା । ଏହାପରେ ସର୍ଚ୍ଚ ମେସିନ ସହାୟତାରେ ଜଣାପଡିଥିଲା କି ଯାତ୍ରୀଙ୍କ ପେଟରେ ୮୭ ଟି କ୍ୟାପସୁଲ ରହିଛି ।
Mumbai Customs Department seized cocaine worth Rs 13 Crores, in the form of 87 capsules concealed in the stomach of a foreign national, at Mumbai International Airport. The passenger has been arrested. Further investigation is underway. pic.twitter.com/hXTy6q1oBE
— ANI (@ANI) September 3, 2022
ଏହାପରେ ଯାତ୍ରୀଜଣଙ୍କୁ ଏକ ସରକାରୀ ହସ୍ପିଟାଲକୁ ନିଆଯାଇଥିଲା । ସେଠାରେ ଡାକ୍ତରମାନେ ୩ ଦିନ ଲାଗି ଯାତ୍ରୀଙ୍କ ପେଟରୁ ଏହି ୮୭ ଟି କୋକେନ କ୍ୟାପସୁଲ ବାହାର କରିଛନ୍ତି । ଏବେ ଯାତ୍ରୀ ଜଣଙ୍କୁ ଗିରଫ କରାଯାଇ ଯାଂଚ କରାଯାଉଛି ।