କନକ ବ୍ୟୁରୋ : ପୁରୀ କଣାସରେ ଗଞ୍ଜେଇ ଚାଷ ଚାଲିଥିବା ବେଳେ ଅବାକରୀ ବିଭାଗ କରିଛି ଚଢାଉ । ପୁରୀ ଅବକାରୀ ବିଭାଗର ଏକ ସ୍ୱତନ୍ତ୍ର ଟିମ୍ ଚଢାଉ କରାଯାଇଛି । ଗଞ୍ଜେଇ ଗଛ ସବୁ ନଷ୍ଟ କରାଯାଉଛି । କିଛି ବର୍ଷ ହେଲା କଣାସର ନାନକେରା ଗାଁରେ ଖୁଲମଖୁଲା ଗଞ୍ଜେଇ ଚାଷ କରାଯାଉଥିଲା ।
Kanak News is now on WhatsApp
Join and get latest news updates delivered to you via WhatsApp
ଅବକାରୀ ବିଭାଗକୁ ଖୋଲା ଚ୍ୟାଲେଞ୍ଜ ଦେଇ ଏହି ଗାଁରେ ବେଧଡକ ଭାବେ ଏକର ଏକର ଜମିରେ ଚାଲିଥିଲା ଗଞ୍ଜେଇ ଚାଷ । ଯେଉଁ ଚାଷ ଜମି ଗୁଡିକରେ ପନିପରିବା ଫସଲ ଚାଷ ହେବା କଥା ସେହି ଜମି ଗୁଡିକ ସବୁଜ ଗଞ୍ଜେଇ ଗଛରେ ଭର୍ତ୍ତି ହୋଇଛି । ବର୍ଷ ବର୍ଷ ଧରି ଏହି ଅଞ୍ଚଳରେ ଗଞ୍ଜେଇ ଚାଷ ହୋଇଆସୁଥିବା ବେଳେ କିଛି ଅଧିକାରୀଙ୍କୁ ହାତ ଗୁଞ୍ଜା ଦିଆଯାଇ ଏହି ଚାଷ କରାଯାଉଥିବା ହୋଇଛି ଅଭିଯୋଗ ।