ସେଲଫି ପାଇଁ ପଣ୍ଡ ହୋଇଥିଲା ପୂର୍ବତନ ଏନସିବି ଅଧିକାରୀ ସମୀର ୱାନଖେଡେଙ୍କ ଷଡଯନ୍ତ୍ର, ଶାହାରୁଖ ଖାନଙ୍କ ପୁଅ ଆରିୟନଙ୍କୁ ଚକ୍ରବ୍ୟୁହରେ ଫଶାଇପାଇଁ କରିଥିଲେ ବଡ ପ୍ଲାନ
କନକ ବ୍ୟୁରୋ : ୨୦୨୧ ମସିହା ଅକ୍ଟୋବର ମାସ ୧ ତାରିଖ । ଏନସିବିର ମୁମ୍ବାଇ ଜୋନାଲର ମୁଖ୍ୟ ସମୀର ୱାନଖେଡେଙ୍କୁ ଏକ ସୂଚନା ମିଳେ । ମୁମ୍ବାଇରୁ ଗୋଆ ଯାଉଛି କୋରଡିଲିଆ କ୍ରୁଜ । ଏଠାରେ ହେବ ଡ୍ରଗ୍ସ ପାର୍ଟି ହେବ । ଅଭିନେତା ଶାହାରୁଖ ଖାନଙ୍କ ପୁଅ ଆରିୟନଙ୍କ ସମେତ ଅନେକ ଧନୀଶ୍ରେଣୀର ବ୍ୟକ୍ତିଙ୍କ ଝିଅପୁଅ ସାମିଲ ହେବେ । ବାସ ଏହି ଖବର ପାଇବା ପରେ ନିଜ ଟିମ ସହ ଚକ୍ରବ୍ୟୁହ ରଚିଥିଲେ ସମୀର ୱାନଖେଡେ । ରାତିଅଧରେ କ୍ରୁଜ ଉପରେ କରିଥିଲେ ଚଢାଉ । କାହାଣୀ ଆରମ୍ଭ ହୁଏ ଡ୍ରଗ୍ସ ସପ୍ଲାୟର ସମାବିଲ ଡିସୁଜାଙ୍କଠୁ । ଯିଏ ୱାନଖେଡେଙ୍କ ଟିମ ପାଇଁ କାମ କରିବା ସହ ଓ ଡ୍ରଗ୍ସ ସପ୍ଲାୟ ସମ୍ବନ୍ଧରେ ଗୁପ୍ତ ସୂଚନା ଦେଇ କମିଶନ ନିଏ । ଅନ୍ୟଜଣେ ହେଲେ ପାଟିଲ । ପାଟିଲ ଓ ଡିସୁଜା କ୍ରୁଜରେ ହେବାକୁ ଥିବା ଡ୍ରଗ୍ସ ପାର୍ଟି ବାବଦରେ ସମୀରଙ୍କ ସୂଚନା ଦିଏ ଓ ୫୦ ଲକ୍ଷ ଟଙ୍କା କମିଶନ ସହ ଡିଲ ଫାଇନାଲ କରିଥିଲେ । ଯୋଜାନା ମୁତାବକ ୱାନଖେଡେଙ୍କ ବାମ ହାତ ତଥା ଏନସିବିି ଅଧୀକାରୀ ବିବି ସିଂ, ଅନ୍ୟ ଦୁଇ ସାଥୀ ଭାନୁଶାଳୀ ଓ କିରଣ ଗୋସାବୀଙ୍କ ସହ ମିଶି ବ୍ଲୁପ୍ରିଂଟ ପ୍ରସ୍ତୁତ କରନ୍ତି । ସମୀର ୱାନଖେଡେଙ୍କ ନିର୍ଦ୍ଦେଶ ଥିଲା କ୍ରୁଜରୁ ଜଣେ ହାଇପ୍ରୋଫାଇଲ ଚେହେରାଙ୍କୁ ଧରିବା ପାଇଁ । ଏହା ପରେ ଏନସିବିି ୨୭ଜଣ ଲୋକଙ୍କ ତାଲିକା ପ୍ରସ୍ତୁତ କରେ ।
Kanak News is now on WhatsApp
Join and get latest news updates delivered to you via WhatsApp
ଆରିୟନ ଖାନ କୌଣସି ପରିସ୍ଥିତିରେ ଯେମିତି ଘର ସହ ଯୋଗାଯୋଗ ନକରିପାରନ୍ତି ତେଣୁ ତାଙ୍କ ଫୋନକୁ ଜବତ କରିଦିଆଯାଏ । ଆରିୟନଙ୍କ ନିକଟରୁ କୌଣସି ନିଶାଦ୍ରବ୍ୟ ମିଳିନଥିଲା କିନ୍ତୁ ହ୍ୱାଟସପ ଚାର୍ଟକୁ ଆଧାର କରି ତାଙ୍କୁ ଗିରଫ କରିଥିଲା ଏନସିବି । ଆରିୟନ ଖ।।ନଙ୍କୁ ଗିରଫ କରାଯିବା ପରେ ତାଙ୍କ ଅଡିଓ ରେକର୍ଡ କରାଯାଏ । ଗୋସାବୀ, ଆରିୟନଙ୍କ ସହ ସେଲଫି ନେଇ ଶାହାରୁଖଙ୍କ ପର୍ସନାଲ ଆସିଷ୍ଟାଂଟ ପୂଜା ଦଦଲାନୀଙ୍କୁ ପଠାଏ । ଏହା ପରେ ଆରମ୍ଭ ହୁଏ ୨୫କୋଟି ଟଙ୍କାର ଡିଲ । ନିଜକୁ ଏନସିବି ଅଧିକାରୀ କହୁଥିବା ଗୋସାବୀ ପୂଜାଙ୍କ ସହ ସିକ୍ରେଟ ମିଟିଂ କରେ ଓ ୨୫କୋଟି ଟଙ୍କାର ଡିଲକୁ ୧୮କୋଟିର ଫାଇନାଲ କରେ । ୫୦ଲକ୍ଷ ଟଙ୍କା କମିଶନ ମଧ୍ୟ ନିଏ ଗୋସାବୀ । ତେବେ ଗୋସାବୀର ଗୋଟିଏ ଭୁଲ ପୂରା ଯୋଜନାକୁ ପଣ୍ଡ ପରେ । ଯେତେବେଳେ ଗୋସାବୀ ଆରିୟନଙ୍କ ସହ ଉଠାଇଥିବା ସେଲଫି ଭାଇରାଲ ହୁଏ ସେତେବେଳେ ସ୍ପଷ୍ଟ ହୁଏ ଗୋସାବୀ ଜଣେ ଏନସିବି ଅଧିକାରୀ ନୁହଁନ୍ତି । ବାସ ଏଠାରୁ ବିଗିଡିଯାଏ ସମୀର ୱାନଖେଡେଙ୍କ ଷଡଯନ୍ତ୍ର । ଏହା ଉପରେ ମାମଲାର ତଦନ୍ତରେ ଅବହେଳା ହେଉଥିବା ଅଭିଯୋଗ ଆସେ ଓ ସମୀର ୱାନଖେଡେଙ୍କ ବିରୋଧରେ ପାଲଟା ତଦନ୍ତ ଆରମ୍ଭ ହୁଏ । ଦିଲ୍ଲୀ ଏନସିବି ମୁମ୍ବାଇରେ ପହଁଚି ଖୋଲତାଡ କରେ । ଏନସିବିିର ଭିଜିଲାନ୍ସ ମାମଲାକୁ ନିଜ ହାତକୁ ନେଇ ତଦନ୍ତ କରେ । ଆରିୟନଙ୍କୁ ରଖାଯାଇଥିବା ସେଲର ସିସିଟିଭି ଫୁଟେଜ ନଷ୍ଟ କରାଯିବା ସନ୍ଦେହକୁ ଘନୀଭୂତ କରିଥିଲା । ଏଥିସହ ସନ୍ଦେହଘେରରେ ଥିବା ଏନସିବି ଅଧୀକାରୀଙ୍କ ଫୋନରୁ ମଧ୍ୟ ତଥ୍ୟ ନଷ୍ଟ ଭିଜିଲାନ୍ସର ସହେନ୍ଦକୁ ସତରେ ପରିଣତ କରେ ।
ଏନସିବି ମାମଲାକୁ ନେଇ ରିପୋର୍ଟ ପ୍ରସ୍ତୁତ କରି ଗୃହମନ୍ତ୍ରାଳୟକୁ ପଠାଇବା ପରେ ମାମଲା ସିବିଆଇ ହାତକୁ ଆସିଥିଲା । ପରେ ସିବିଆଇ ସମୀର ୱାନଖେଡେଙକ ଠିକଣାରେ ଚଢାଉ କରିବା ସହ ୨୫କୋଟି ଟଙ୍କାର ଡିଲର ପର୍ଦ୍ଦାଫାଶ କରେ । ମାମଲାରେ ଆରିୟନ ଖାନଙ୍କୁ ଅକ୍ଟୋବର ୨୮ ତାରିଖରେ ବମ୍ବେ ହାଇକୋର୍ଟ ଜାମିନ ପ୍ରଦାନ କରିଥିଲେ । ମେ ୨୭ ୨୦୨୨ ଏନସିବି ମଧ୍ୟ ଆରିୟନଙ୍କୁ କ୍ଲିନଚିଟ୍ ଦେଇଥିଲା ।