ଏଣିକି ଦାୟିତ୍ୱହୀନ ଡ୍ରାଇଭରଙ୍କ ଉପରେ ନଜର ରଖିବ ଡ୍ରୋନ। ଭୁବନେଶ୍ୱରର ରବୀନ୍ଦ୍ର ମଣ୍ଡପରୁ ଏୟାରପୋର୍ଟ ଛକ ଯାଏଁ ଘୋଷଣା ହେଲା ‘ନୋ ଓଭରଟେକିଂ’ଜୋନ୍
ନିୟମ ଭାଙ୍ଗିଲେ ଖିଲାପକାରୀଙ୍କ ବିରୋଧରେ ନିଆଯିବ ଦୃଢ କାର୍ଯ୍ୟାନୁଷ୍ଠାନ
କନକ ବ୍ୟୁରୋ: ଗାଡି ଚଲାଉଥିଲେ ସାବଧାନ୍ । ଏଣିକି ଆପଣଙ୍କ ଗାଡି ଉପରେ ନଜର ରଖିବ ଡ୍ରୋନ କ୍ୟାମେରା । ତେବେ ଟ୍ରାଫିକ ନିୟନ୍ତ୍ରଣ ପାଇଁ କମିଶନରେଟ ପୋଲିସ ନେଇଛି ବଡ ପଦକ୍ଷେପ । ଯେଉଁଥିରେ ଭୁବନେଶ୍ୱରରେ ରବୀନ୍ଦ୍ର ମଣ୍ଡପରୁ ଏୟାରପୋର୍ଟ ଛକ ଯାଏଁ ‘ନୋ ଓଭରଟେକିଂ’ ଜୋନ ଭାବେ ଘୋଷଣା କରାଯାଇଛି । ଏଥିସହିତ ହିଁ ନିୟମ ଭାଙ୍ଗିଲେ ଖିଲାପକାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି କମିଶନରେଟ ପୋଲିସ ପକ୍ଷରୁ ମଧ୍ୟ ରୋକ୍ ଠୋକ୍ ଶୁଣାଇ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଦାୟିତ୍ୱହୀନ ଡ୍ରାଇଭରଙ୍କ ଉପରେ ନଜର ରଖିବ ଡ୍ରୋନ କ୍ୟାମେରା । ରବୀନ୍ଦ୍ର ମଣ୍ଡପରୁ ଏୟାରପୋର୍ଟ ଯାଏଁ ଅଂଚଳକୁ ଭୁବନେଶ୍ୱରର ‘ପୋସ୍ ଅଂଚଳ’ ବୋଲି କୁହାଯାଏ । ଏହି ଅଂଚଳରେ ଲୋକସବା ଭବନଠାରୁ ଆରମ୍ଭ କରି ବିଧାନସଭା, କ୍ୟାପିଟାଲ ହସପିଟାଲ ଓ ଅନ୍ୟାନ୍ୟ ପ୍ରମୁଖ ଅଫିସ ରହିଛି । ପ୍ରତ୍ୟେକ ଦିନ ଏହି ରାସ୍ତା ଦେଇ ଭିଆଇପି ଯାତାୟତ କରିଥାନ୍ତି । ଅଧିକ ଗାଡି ମଧ୍ୟ ଏହି ରାସ୍ତା ଦେଇ ଚାଲିଥାଏ । ତେଣୁ ଏହାକୁ ଦୃଷ୍ଟିରେ ରଖି କମିଶନରେଟ ପୋଲିସ ରବୀନ୍ଦ୍ରମଣ୍ଡପରୁ ଏୟାରପୋର୍ଟ ଯାଏଁ ରାସ୍ତାକୁ ‘ନୋ ଓଭରଟେକିଂ’ ଜୋନ ଘୋଷଣା କରିଛି ।