କନକ ବ୍ୟୁରୋ: ପାନୀୟ ଜଳ ସମସ୍ୟା ନିର୍ବାଚନରେ ପ୍ରସଙ୍ଗ ହୋଇଛି । ସବୁ ଲୋକଙ୍କୁ ବିଶୁଦ୍ଧ ପିଇବା ପାଣି ଯୋଗାଇବାରେ ରାଜ୍ୟ ସରକାର ବିଫଳ ହୋଇଥିବା ଅଭିଯୋଗ ଆଣୁଛି ବିଜେପି । କେନ୍ଦ୍ରୀୟ ନେତାଙ୍କଠାରୁ ଆରମ୍ଭ କରି ରାଜ୍ୟ ନେତାମାନେ ପିଇବା ପାଣି ପ୍ରସଙ୍ଗରେ ଶାସକ ଦଳକୁ ଘେରୁଛନ୍ତି । ପ୍ରଧାନମନ୍ତ୍ରୀ ବି ଏହି ପ୍ରସଙ୍ଗ ଉଠାଇ ରାଜ୍ୟ ସରକାରଙ୍କୁ ଟାର୍ଗେଟ କରିଥିଲେ । ବିରୋଧୀଙ୍କ ଏହି ଅଭିଯୋଗ ଭିତରେ ଗ୍ରାଉଣ୍ଡ ଜିରୋରେ କଣ ରହିଛି ବାସ୍ତବ ଚିତ୍ର?
Kanak News is now on WhatsApp
Join and get latest news updates delivered to you via WhatsApp
ବାଲେଶ୍ୱର ପୌରାଞ୍ଚଳର ସମସ୍ତ ଘରକୁ ପାଇପ ଯୋଗେ ପିଇବା ପାଣି ଯୋଗାଇ ଦେଉଛନ୍ତି ରାଜ୍ୟ ସରକାର । ପ୍ରତି ଘରକୁ ପାଇପ୍ ସଂଯୋଗ କରାଯାଇଛି । ପାଇପରେ ମିଟର ବି ଲାଗିଛି । ଟ୍ୟାପ୍ ଖୋଲିଲେ ପାଣି ବି ଆସୁଛି । ଏଥିପାଇଁ ଲୋକେ ମାସକୁ ମାସ ପାଣି କର ବି ଦେଉଛନ୍ତି । ହେଲେ, ବାଲେଶ୍ୱର ପୁଲବଜାର ଅଞ୍ଚଳରେ ପାଇପରୁ ବାହାରୁଛି ଗୋଳିଆ ପାଣି । କିଛି ସମୟ ରହିଗଲେ ପାଣିରେ ଜେଲି ଭଳି ଆସ୍ତରଣ ପଡି ଯାଉଛି । ଯାହାକି ପିଇବା ଉପଯୋଗୀ ନୁହେଁ ।
ପାଣିର ମାନ ଏତେ ଖରାପ ଯେ ୱାଟର ଫିଲ୍ଟରର କ୍ୟାଣ୍ଡେଲ ଶୀଘ୍ର ଖରାପ ହୋଇଯାଉଛି । ଆକ୍ୱାଗାର୍ଡ ମଧ୍ୟ କାମ କରୁନି । ଆକ୍ୱାଗାର୍ଡର କ୍ୟାଣ୍ଡେଲରେ ହଳଦିଆ ରଙ୍ଗର ମୋଟା ଆସ୍ତରଣ ବସି ଯାଉଛି । ଯାହାଫଳରେ ଲୋକେ ପାଣି ସମସ୍ୟାରେ ହନ୍ତସନ୍ତ ହେଉଛନ୍ତି । ତେବେ ଏହି ଗୋଟିଏ ଅଞ୍ଚଳ ନୁହେଁ ବିଭିନ୍ନ ସ୍ଥାନରୁ ସମାନ ଅଭିଯୋଗ ଆସୁଛି । ତେବେ ଏନେଇ ବିଭାଗୀୟ ଅଧିକାରୀଙ୍କୁ ଯୋଗାଯୋଗ କରିବାକୁ ସେ କହିଛନ୍ତି, ଆଇରନ୍ ଥାଇପାରେ କିମ୍ବା ପାଇପ୍ ଲାଇନ ଜାମ ଥାଇପାରେ । ଏବଂ ସମସ୍ୟାର ସମାଧାନ ପାଇଁ ଚେଷ୍ଟା କରିବେ ବୋଲି ପ୍ରତିଶ୍ରୁତି ଦେଇଛନ୍ତି ।