ପୁଣି ରାଜ୍ୟରେ ଶଶିକଳା ସିଣ୍ଡ୍ରୋମର କଥା ଉଠାଇଲେ ଧର୍ମେନ୍ଦ୍ର ପ୍ରଧାନ । ଜବାବ୍ ରଖିଲେ ମନ୍ତ୍ରୀ ଅଶୋକ ପଣ୍ଡା । ପଢନ୍ତୁ, କିଏ କହିଲେ କଣ ?
କନକ ବ୍ୟୁରୋ: ପୁଣିଥରେ ରାଜ୍ୟ ରାଜନୀତିରେ ଶଶିକଳା ସିଣ୍ଡ୍ରୋମର କଥା ଉଠାଇଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ସୋମବାର ଗଣମାଧ୍ୟମକୁ ପ୍ରତିକ୍ରିୟା ଦେଲାବେଳେ, କେନ୍ଦ୍ରମନ୍ତ୍ରୀ କହିଛନ୍ତି ଧର୍ମେନ୍ଦ୍ର ପ୍ରଧାନ ଯେ, ବିଗତ ଚାରି ମାସ ଭିତରେ ଦୁଇ ତିନୋଟି କଥାକୁ ସେ ମର୍ଯ୍ୟାଦା ଭିତରେ କହିଥିଲେ । ଝାରସୁଗୁଡା ଉପ ନିର୍ବାଚନ ବେଳେ ବି ସେହି କଥା କହିଥିଲେ । ରାଜ୍ୟରେ ଏବେ ଶଶିକଳା ସିଣ୍ଡ୍ରୋମର ଲକ୍ଷଣ ଦେଖାଗଲାଣି । ହେଲେ ସମସ୍ତେ ଗଣତନ୍ତ୍ରର ଲକ୍ଷ୍ମଣରେଖା ଭିତରେ ରହିବା ଉଚିତ୍ । ହେଲେ ଆମ ରାଜ୍ୟରେ ଏ ସବୁର ସୀମା ଉଲ୍ଲଂଘନ ହେଉଛି ବୋଲି ସେ କହିଛନ୍ତି।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀଙ୍କୁ ନିଜ ନିର୍ବାଚନରେ ବିରୋଧ ହେବା ପ୍ରସଙ୍ଗରେ ଧର୍ମେନ୍ଦ୍ର କହିଛନ୍ତି ଯେ, ବିରୋଧ କରିବାକୁ ପ୍ରାୟୋଜିତ ଯୋଜନା ହେଉଛି । ଏହା ପଛରେ ଷଡଯନ୍ତ୍ରକାରୀ ହେଉଛନ୍ତି ପ୍ରଶାସନିକ ଅଧିକାରୀ । ତେବେ ଇଷ୍ଟଇଣ୍ଡିଆ କମ୍ପାନୀର ରାଜୁତି ସମୟରେ ମଧ୍ୟ ଅଧିକାରୀମାନଙ୍କର ଦମ୍ଭ ଏହିଭଳି ଥିଲା ବୋଲି ଧର୍ମେନ୍ଦ୍ର କହିଛନ୍ତି ।
ସେପଟେ ଶଶିକଳା ସିଣ୍ଡ୍ରୋମକୁ ନେଇ ଧର୍ମେନ୍ଦ୍ରଙ୍କ ପ୍ରତିକ୍ରିୟା ପରେ ଏହାର ଜବାବ ରଖିଛି ବିଜେଡି । ମନ୍ତ୍ରୀ ଅଶୋକ ପଣ୍ଡା କହିଛନ୍ତି ଯେ, କେନ୍ଦ୍ରମନ୍ତ୍ରୀ କେଉଁ ପରିପ୍ରେକ୍ଷୀରେ ଶଶିକଳା ସିଣ୍ଡ୍ରୋମ କଥା କହିଥିବେ ସେ କଥା ସେ ଜାଣିଥିବେ । ମୁଖ୍ୟମନ୍ତ୍ରୀ ସବୁ କିଛି କରୁଛନ୍ତି । ମନ୍ତ୍ରୀ ଓ ବିଧାୟକ ବି ତାଙ୍କ କାମ କରୁଛନ୍ତି । ସିଣ୍ଡ୍ରୋମ କଥା ସେ ଅନୁଭବ କରୁନାହାଁନ୍ତି । ସେମିତି ଟିକିଏ କିଛି ବି କଥା ସେ ଅନୁଭବ କରୁନାହାଁନ୍ତି । ତେବେ କେନ୍ଦ୍ର ମନ୍ତ୍ରୀ କଣ ଅନୁଭବ କରିଥିବେ ସେ କଥା ତାଙ୍କୁ ଜଣା ବୋଲି ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ଗଣମାଧ୍ୟମକୁ ପ୍ରତିକ୍ରିୟା ଦେଇଛନ୍ତି ।
ସେହିପରି ରାଜ୍ୟରେ ଗଣତନ୍ତ୍ର ନାହଁ ବୋଲି କେନ୍ଦ୍ରମନ୍ତ୍ରୀ କହିବା ପରେ, ଏହାର ଉତ୍ତର ଦେଇ ମନ୍ତ୍ରୀ ଅଶୋକ ପଣ୍ଡା କହିଛନ୍ତି ଯେ, ଗଣତାନ୍ତ୍ରିକ ରାଷ୍ଟ୍ରରେ ଗଣତନ୍ତ୍ର ନାହିଁ ବୋଲି କେମିତି କହୁଛନ୍ତି ? ତେବେ କେନ୍ଦ୍ରରେ ଯେଉଁ ସରକାର ଅଛି ସେ ଗଣତାନ୍ତ୍ରିକ ସରକାର ନୁହଁନ୍ତି କି ?ସେଠି ଗଣତାନ୍ତ୍ରିକ ସରକାର ଏଠି ଅଗଣତାନ୍ତ୍ରିକ ସରକାର ? ଏଇଟା କେଉଁ ମାପ କାଠି ? ବୋଲି ପ୍ରଶ୍ନ କରିଛନ୍ତି ସାମାଜିକ ସଶକ୍ତିକରଣ ମନ୍ତ୍ରୀ ଅଶୋକ ପଣ୍ଡା ।